လံာ်ကွဲးနီၣ်တၢ်ခံဘ့ၣ်တဘ့ၣ် 27 - Sgaw Karen Common Bible

ကီၢ်ယူဒၤအစီၤပၤစီၤယိၤသၣ်

¹ စီၤယိၤသၣ်ကဲထီၣ်စီၤပၤဖဲအသးအိၣ်ခံဆံယဲၢ်နံၣ်, ဒီးပၢတ့ၢ်တၢ်လၢဝ့ၢ်ယရူၤၡလ့ၣ်အပူၤတဆံဃုနံၣ်န့ၣ်လီၤ. အဝဲအမိၢ်မ့ၢ်ဝဲစီၤစၤဒိးအဖိမုၣ်နီၢ်ယရူၡၤန့ၣ်လီၤ.

² အဝဲမၤတ့ၢ်တၢ်လၢအဘၣ်ယွၤအသးဒ်အပၢ်မၤတ့ၢ်ဝဲအသိး, ဘၣ်ဆၣ်တၢ်ဒဲးဘးလၢအပၢ်မၤတ့ၢ်ဝဲလၢအမ့ၢ်တၢ်ဆူးကဲၤတၢ်နၢမူ လၢယွၤအတၢ်လုၢ်ဟံၣ်အပူၤန့ၣ်, အဝဲတမၤဝဲဘၣ်. မ့မ့ၢ်ပှၤဂီၢ်မုၢ်န့ၣ်, မၤဒံးဒၣ်တၢ်ဒဲးဘးအဖၢမုၢ်န့ၣ်လီၤ.

³ ပှၤသူၣ်ထီၣ်ဘှီထီၣ်ယွၤအတၢ်လုၢ်ဟံၣ်အကလံၤစိးအတြဲၤဖးဒိၣ် န့ၣ်, မ့ၢ်ဝဲစီၤယိၤသၣ်ဒီးအဝဲမၤဂ့ၤထီၣ်လဲၢ်ထီၣ်ဝ့ၢ်အခိၣ်ဒူ လၢဝ့ၢ်ယရူၤၡလ့ၣ်အလီၢ်ကဝီၤလၢတၢ်ကီးအီၤလၢဧိၤဖ့လးန့ၣ် လီၤ.

⁴ လၢကီၢ်ယူဒၤအကစၢၢ်ကလိအကျါန့ၣ်အဝဲသူၣ်ထီၣ်ဝဲဝ့ၢ်တဖၣ်, ဒီးလၢပှၢ်လၢ်ကျါန့ၣ်အဝဲသူၣ်ထီၣ်တိာ်ဧိၤတာ်ဧိၤဒီးပှၤပၢၤ တၢ်အလီၢ်တၢးထီတဖၣ်န့ၣ်လီၤ.

⁵ အဝဲဒုးတ့ၢ်တၢ်ထီဒါပှၤဧၣ်မိၣ်ဖိအစီၤပၤဒီးအသုးမုၢ်, ဒီးမၤနၢၤကွံာ်အဝဲသ့ၣ်န့ၣ်လီၤ. ဝံၤဒီးအဝဲမၤဆူၣ်ပှၤဧၣ် မိၣ်ဖိတဖၣ်လၢကဟ့ၣ်အီၤတၢ်ခိတၢ်သွဲလၢလာ် အံၤကိးနံၣ်ဒဲးလၢသၢနံၣ်အတီၢ်ပူၤန့ၣ်လီၤ. တၢ်တဖၣ်န့ၣ်မ့ၢ်ဝဲ, စ့အလီၤတယၢၢ်အကံကၢ်တကယၤ, ဘုကၠူၣ်အကိာ်တကလးဒီးဘုမုယီၤအကိာ်တကလးန့ၣ်လီၤ.

⁶ စီၤယိၤသၣ်အစိအကမီၤဒိၣ်ထီၣ်ဝဲ, မ့ၢ်လၢအဝဲစူၢ်ယွၤ, အကစၢ်ယွၤလၢတၢ်သးတီအပူၤအဃိန့ၣ်လီၤ.

⁷ တၢ်မၤအသးအဂုၤအဂၤတဖၣ်အဂ့ၢ်လၢစီၤယိၤသၣ်ပၢတၢ်အကတီၢ်, အဝဲအတၢ်ဒုးတၢ်ယၤတဖၣ်ဒီးအဝဲအသနူတဖၣ်, ခဲလၢာ်ဘၣ်တၢ်ကွဲးနီၣ်ကွဲးဃါအီၤလၢကီၢ်အံၣ်စရ့ လးဒီးကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

⁸ စီၤယိၤသၣ်ကဲထီၣ်စီၤပၤဖဲအသးအိၣ်ခံဆံယဲၢ်နံၣ်, ဒီးပၢတ့ၢ်တၢ်လၢဝ့ၢ်ယရူၤၡလ့ၣ်အပူၤတဆံဃုနံၣ်န့ၣ်လီၤ.

⁹ အဝဲသံဝဲဒီးဘၣ်တၢ်ခူၣ်လီၤကွံာ်အီၤလၢစီၤဒၤဝံးအဝ့ၢ်ပူၤ, ဒီးအဖိခွါစီၤအၤဃးကဲထီၣ်စီၤပၤလၢအလီၢ်န့ၣ်လီၤ.