လံာ်ကွဲးနီၣ်တၢ်အခီၣ်ထံးတဘ့ၣ် 7 - Sgaw Karen Common Bible

စီၤယံးစၣ်ကၢ်အစၢၤအသွဲၣ်တဖၣ်

¹ စီၤယံးစၣ်ကၢ်အိၣ်ဒီးအဖိခွါလွံၢ်ဂၤလၢအမ့ၢ်, စီၤတိလၤ, စီၤပူဧၤ, စီၤယၤၡူာ်ဒီးစီၤၡံးမရိၣ်န့ၣ်လီၤ.

² စီၤတိလၤအိၣ်ဒီးအဖိခွါဃုဂၤလၢအမ့ၢ်, စီၤဧူၤစံ, စီၤရဖါယၤ, စီၤယရံၤအ့လး, စီၤယၤဃမဲ, စီၤယံးဘစၣ်ဒီးစီၤၡမူၤအ့လးန့ၣ်လီၤ. အဝဲသ့ၣ်တဖၣ်မ့ၢ်ဟံၣ်ဒူၣ်ဃီထၢအခိၣ်လၢပှၤတိလၤအဒူၣ်ထၢပူၤ ဒီးမ့ၢ်ပှၤသုးဖိသ့ၣ်တဖၣ်လၢအမံၤဟူသၣ်ဖျါန့ၣ်လီၤ. လၢစီၤပၤဒၤဝံးအစိၤန့ၣ်အဝဲသ့ၣ်အစၢၤအသွဲၣ်တဖၣ်နီၣ်ဂံၢ်အိၣ် ဝဲခံကလးခံကထိဃုကယၤ ဂၤန့ၣ်လီၤ.

³ စီၤဧူၤစံအိၣ်ဒီးအဖိခွါတဂၤလၢအမ့ၢ်စီၤယံးစရါဃၤယၤန့ၣ် လီၤ. စီၤယံးစရါဃၤယၤအိၣ်ဒီးအဖိခွါလွံၢ်ဂၤလၢအမ့ၢ်စီၤမံၤက့ လး, စီၤဧိၤဘါဒယၤ, စီၤယိၤအ့လးဒီးစီၤယံးၡံယၤတဖၣ်လၢခဲ လၢာ်, မ့ၢ်ဟံၣ်ဒူၣ်ဃီထၢတဖၣ်အခိၣ်န့ၣ်လီၤ.

⁴ အဝဲသ့ၣ်အိၣ်ဒီးအမါအါဂၤဒီးအဖိတဖၣ်လၢအစၢၤအသွဲၣ်တဖၣ်ဟ့ၣ်ထီၣ် ပှၤသၢကလးဃုကထိ ဂၤလၢကမၤသုးမုၢ်သံၣ်ဘိအတၢ်မၤအဂီၢ်န့ၣ်လီၤ.

⁵ လံာ်ထူလံာ်ထံးအတၢ်ကွဲးနီၣ်ကွဲးဃါအိၣ်ဝဲလၢပှၤယံးစၣ်ကၢ်အဒူၣ်, အဟံၣ်ဒူၣ်ဃီထၢဖိပိာ်ခွါခဲလၢာ်အိၣ်ဝဲ ၈၇၀၀၀ ဂၤကြၢးဝဲ ဘၣ်ဝဲလၢသုးမုၢ်သံၣ်ဘိအတၢ်မၤအဂီၢ်န့ၣ်လီၤ.

စီၤဘံၣ်ယၤမံၣ်ဒီးစီၤဒၣ်အစၢၤအသွဲၣ်တဖၣ်

⁶ စီၤဘံၣ်ယၤမံၣ်အိၣ်ဒီးအဖိခွါသၢဂၤလၢအမ့ၢ်, စီၤဘ့လၤ, စီၤဘ့က့ၢ်ဒီးစီၤယဒံၤအ့လးန့ၣ်လီၤ.

⁷ စီၤဘ့လၤအိၣ်ဒီးအဖိခွါယဲၢ်ဂၤလၢအမ့ၢ်, စီၤအ့စဘိၣ်, စီၤဧူၤစံ, စီၤဧူၤစံၤအ့လး, စီၤယရံမိးဒီးစီၤဧံရံၤန့ၣ်လီၤ. အဝဲသ့ၣ်ခဲလၢာ်မ့ၢ်ဟံၣ်ဒူၣ်ဃီထၢတဖၣ်အခိၣ်လၢအဒူၣ်ထၢအပူၤ ဒီးမ့ၢ်ပှၤသုးဖိလၢအမံၤဟူသၣ်ဖျါခဲလၢာ်န့ၣ်လီၤ. အဝဲသ့ၣ်အစၢၤအသွဲၣ်အိၣ်ဝဲဒီးပိာ်ခွါ ခံကလးခံကထိသၢဆံ လွံၢ်ဂၤကြၢးဝဲဘၣ်ဝဲလၢသုးမုၢ်သံၣ်ဘိအတၢ်မၤအဂီၢ်န့ၣ်လီၤ.

⁸ စီၤဘ့က့ၢ်အိၣ်ဒီးအဖိခွါနွံဂၤလၢအမ့ၢ်, စီၤစမံရၤ, စီၤယိၤအၣ်, စီၤအလၤဧစၢ်, စီၤအ့လံၤဧ့နံၤ, စီၤဧိၣ်ရံၤ, စီၤယရံမိး, စီၤအဘံယၤ, စီၤဧၤနသိးဒီးစီၤဧၤလ့မ့းန့ၣ်လီၤ.

⁹ လံာ်ထူလံာ်ထံးအတၢ်ကွဲးနီၣ်ကွဲးဃါဘၣ်ထွဲဒီးအဝဲသ့ၣ်အစၢၤ အသွဲၣ်, ဒ်ဟံၣ်ဒူၣ်ဃီထၢတဖၣ်အတၢ်ဂံၢ်အသိး, ပိာ်ခွါအိၣ်ဝဲ ခံကလးခံကယၤဂၤ, ကြၢးဝဲဘၣ်ဝဲလၢသုးမုၢ်သံၣ်ဘိအတၢ်မၤအဂီၢ်န့ၣ်လီၤ.

¹⁰ စီၤယဒံၤဧ့လးအိၣ်ဒီးအဖိခွါတဂၤလၢအမ့ၢ်, စီၤဘံးလဟၣ်ဒီးစီၤဘံးလဟၣ်အိၣ်ဒီးအဖိခွါနွံဂၤလၢအမ့ၢ်, စီၤယဧူၢ်ၡး, စီၤဘံၣ်ယၤမံၣ်, စီၤအ့ဟူာ်, စီၤကနၤနါ, စီၤစ့သၣ်, စီၤတၢ်ၡံၣ်ဒီးစီၤအဃံၡဃၢ်န့ၣ်လီၤ.

¹¹ အဝဲသ့ၣ်မ့ၢ်ဟံၣ်ဒူၣ်ဃီထၢတဖၣ်အခိၣ်လၢဒူၣ်ထၢအပူၤ, ဒီးမ့ၢ်ပှၤသုးဖိလၢအမံၤဟူသၣ်ဖျါခဲလၢာ်န့ၣ်လီၤ. အဝဲသ့ၣ်အစၢၤအသွဲၣ်တဖၣ်အိၣ်ဒီးပိာ်ခွါ တကလးနွံကထိခံကယၤ ဂၤကြၢးဝဲဘၣ်ဝဲလၢသုးမုၢ်သံၣ်ဘိအတၢ်မၤအဂီၢ်န့ၣ်လီၤ.

¹² စီၤၡူဖံၣ်ဒီးစီၤဃူဖံၣ်မ့ၢ်စီၤဧံၢ်အစၢၤအသွဲၣ်တဖၣ်လၢအဘၣ် ထွဲဒီးပှၤဘံၣ်ယၤမံၣ်ဖိအဒူၣ်ထၢန့ၣ်လီၤ. စီၤအဃ့ၢ်လၢအမ့ၢ်စီၤဒၣ်အိၣ်ဒီးအဖိခွါတဂၤလၢအမ့ၢ်စီၤဃူ ၡံၣ်န့ၣ်လီၤ.

စီၤနးသၤလံအစၢၤအသွဲၣ်တဖၣ်

¹³ စီၤနးသၤလံအိၣ်ဒီးအဖိခွါလွံၢ်ဂၤလၢအမ့ၢ်စီၤယၤဃစံၤအ့ လး, စီၤကူနံၤ, စီၤယ့စ့ၢ်ဒီးစီၤၡၤလူၣ်န့ၣ်လီၤ. (အဝဲသ့ၣ်မ့ၢ်နီၢ်ဘံၤလဟၤအစၢၤအသွဲၣ်တဖၣ်န့ၣ်လီၤ.)

စီၤမနၤၡ့ၤအစၢၤအသွဲၣ်တဖၣ်

¹⁴ စီၤမနၤၡ့ၤအဖိခွါခံဂၤလၢအဒိးန့ၢ်ဝဲလၢအသံၣ်မါပှၤအရၣ် မုၣ်န့ၣ်မ့ၢ်ဝဲစီၤအၤစရံၤအ့လးဒီးစီၤမၤကံၢ်န့ၣ်လီၤ. စီၤမၤကံၢ်န့ၣ်မ့ၢ်စီၤကံးလဧးအပၢ်န့ၣ်လီၤ.

¹⁵ စီၤမၤကံၢ်ဃုထံၣ်န့ၢ်မါတဂၤလၢစီၤဃူဖံၣ်အဂီၢ်ဒီးတဂၤလၢ စီၤၡူဖံၣ်အဂီၢ်န့ၣ်လီၤ. စီၤမၤကံၢ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤကၤန့ၣ်လီၤ. စီၤမၤကံၢ်အဖိခွါခံဂၤတဂၤမ့ၢ်စီၤစလၤဖဃးဒီးအဝဲအိၣ်ထဲ အဖိမုၣ်တဖၣ်ဧိၤန့ၣ်လီၤ.

¹⁶ ဒီးစီၤမၤကံၢ်အမါအမံၤမ့ၢ်စ့ၢ်ကီးနီၢ်မၤကၤဒီးဆံးစၢ်န့ၢ် အီၤဖိခွါခံဂၤ, လၢအမံၤမ့ၢ်ဝဲစီၤပ့ရ့ၣ်ဒီးစီၤၡ့ရ့ၣ်န့ၣ်လီၤ. စီၤပ့ရ့ၣ်အိၣ်ဒီးအဖိခွါခံဂၤလၢအမ့ၢ်, စီၤအူလၣ်ဒီးစီၤရ့ၤက့ၣ်,

¹⁷ ဒီးစီၤအူလၣ်အိၣ်ဒီးအဖိခွါတဂၤလၢအမံၤမ့ၢ်ဝဲစီၤဘဒၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤလီၤစၢၤလီၤသွဲၣ်လၢစီၤကံးလဧးလၢ အမ့ၢ်စီၤမၤကံၢ်အဖိခွါဒီးစီၤမနၤၡ့ၤအလံၤခွါန့ၣ်လီၤ.

¹⁸ စီၤကံးလဧးအဒီပုၢ်ဝဲၢ်မုၣ်နီၢ်ဟးမိၤလ့က့းအိၣ်ဒီးအဖိ ခွါသၢဂၤလၢအမ့ၢ်, စီၤအံၡဟိး, စီၤအဘံၤဧ့စ့ၢ်ဒီးစီၤမၤဃလၤန့ၣ်လီၤ.

¹⁹ (စီၤၡမံဒၤလၢအမ့ၢ်စ့ၢ်ကီးစီၤမနၤၡ့ၤအစၢၤအသွဲၣ်တဂၤန့ၣ် အိၣ်ဒီးအဖိခွါလွံၢ်ဂၤလၢအမ့ၢ်, စီၤအဃံယၣ်, စီၤၡက့ၣ်, စီၤလံးကဃံဒီးစီၤအနံဧၣ်န့ၣ်လီၤ.)

စီၤအ့ဖရဲၣ်အစၢၤအသွဲၣ်တဖၣ်

²⁰ အအံၤမ့ၢ်စီၤအ့ဖရဲၣ်အစၢၤအသွဲၣ်တဖၣ်လၢစိၤတစိၤဘၣ်တစိၤန့ၣ် လီၤ. စီၤၡူၤသ့လၤ, စီၤဘ့ရ့း, စီၤတၤဃး, စီၤအ့ၤလၤဒၤ, စီၤတၤဃး,

²¹ စီၤစၤဘး, စီၤၡူၤသ့လၤန့ၣ်လီၤ. အါန့ၢ်အန့ၣ်စီၤအ့ဖရဲၣ်အိၣ်ဒီးအဖိခွါအဂၤခံဂၤလၢအမ့ၢ်, စီၤဧ့စ့ၢ်ဒီးစီၤအ့လၤန့ၣ်လီၤ. အဝဲသ့ၣ်ခံဂၤဘၣ်တၢ်မၤသံကွံာ်အီၤဖဲအကျဲးစၢးလၢသါကဟုၣ် န့ၢ်ပှၤကၤသးဖိလၢအအိၣ်ဆိးဖဲထံကီၢ်န့ၣ်အပူၤအဆၣ်ဖိကီၢ်ဖိ အခါန့ၣ်လီၤ.

²² အဝဲသ့ၣ်အပၢ်စီၤအ့ဖရဲၣ်ဘၣ်မိၢ်ဘၣ်မးလၢအဝဲသ့ၣ်အဃိအါနံၤ အါသီဒီးအဒီပုၢ်ဝဲၢ်ခွါတဖၣ်ဟဲလၢကမၤမုာ်ထီၣ်က့ၤအီၤအဂီၢ် န့ၣ်လီၤ.

²³ ဒီးအဝဲမံဃုာ်ကဒီးဒီးအမါဒီးအမါဒၢထီၣ်ဝဲဒီးဆံးစၢ်န့ၢ် အဖိခွါတဂၤန့ၣ်လီၤ. အဝဲသ့ၣ်ယုၢ်န့ၢ်ဝဲအမံၤလၢစီၤဘရံဧၤလီၤ. အဂ့ၢ်ဒ်အံၤ, တၢ်ကိၢ်တၢ်ဂီၤဟဲတုၤအိၣ်ဘၣ်အဝဲသ့ၣ်အဒူၣ်ဖိ ထၢဖိအဃိလီၤ.

²⁴ စီၤအ့ဖရဲၣ်အိၣ်ဒီးအဖိမုၣ်တဂၤလၢအမံၤမ့ၢ်, နီၢ်ၡ့ရၤန့ၣ်လီၤ. အဝဲသူၣ်ထီၣ်ဝ့ၢ်တဖၣ်လၢအမ့ၢ်, ဝ့ၢ်ဘ့ၤသဃိရိၣ်ထးခီဒီးလာ်ခီ, ဒီးဝ့ၢ်အူစ့ၣ်ၡ့ၤရ့ၤန့ၣ်လီၤ.

²⁵ စီၤအ့ဖရဲၣ်အိၣ်စ့ၢ်ကီးဒီးအဖိခွါတဂၤလၢအမံၤမ့ၢ်ဝဲ စီၤရ့ဖၤန့ၣ်လီၤ. အဝဲအစၢၤအသွဲၣ်တဖၣ်မ့ၢ်ဒ်လၢလာ်အံၤလီၤ. စီၤရ့ၡ့ာ်, စီၤတ့လၤ, စီၤတၤဃၣ်,

²⁶ စီၤလၤဒၣ်, စီၤဧးမံၤဟူး, စီၤအလံၡမၤ,

²⁷ စီၤနိၣ်ဒီးစီၤယိၤၡူန့ၣ်လီၤ.

²⁸ တၢ်အိၣ်တၢ်ဆိးအလီၢ်လၢအဝဲသ့ၣ်ဟံးန့ၢ်ဝဲဒီးအိၣ်ဆိးဝဲန့ၣ် မ့ၢ်ဝ့ၢ်ဘ့ၤသ့လးဒီးဝ့ၢ်အိၣ်ဝးတရံးအီၤတဖၣ်, လၢမုၢ်ထီၣ်န့ၣ်ယံၤတုၤလၢဝ့ၢ်နၤရၣ်ဒီးလၢမုၢ်နုာ်န့ၣ်ယံၤ တုၤလၢက့စ့ၢ်ဒီးဝ့ၢ်အိၣ်ဝးတရံးသ့ၣ်တဖၣ်န့ၣ်လီၤ. တၢ်န့ၣ်အိၣ်ဃုာ်စ့ၢ်ကီးဒီးဝ့ၢ်တဖၣ်လၢအမ့ၢ်ဝဲဝ့ၢ်ၡက့ၣ်, ဝ့ၢ်ဂါစၤဒီးဝ့ၢ်အိၣ်ဝးတရံးအဝဲသ့ၣ်တဖၣ်န့ၣ်လီၤ.

²⁹ စီၤမနၤၡ့ၤအစၢၤအသွဲၣ်တဖၣ်ပၢၤဃာ်ဝ့ၢ်တဖၣ်လၢအမ့ၢ်ဝ့ၢ်ဘ့ၤသ ၡၣ်, ဝ့ၢ်တၤနး, ဝ့ၢ်မကံးဒိၤ, ဝ့ၢ်ဒိၢ်ဒီးဝ့ၢ်ဖိအိၣ်ဝးတရံးအဝဲ သ့ၣ်တဖၣ်န့ၣ်လီၤ. ကယဲၢ်တၢ်လီၢ်သ့ၣ်တဖၣ်အံၤမ့ၢ်တၢ်လီၢ်လၢစီၤယၤကိာ်အဖိခွါစီၤ ယိၤသးအစၢၤအသွဲၣ်တဖၣ်အိၣ်ဆိးတ့ၢ်ဝဲန့ၣ်လီၤ.

စီၤအၤၡ့ၢ်အစၢၤအသွဲၣ်တဖၣ်

³⁰ ပှၤတဖၣ်အံၤမ့ၢ်ဝဲစီၤအၤၡ့ၢ်အစၢၤအသွဲၣ်တဖၣ်န့ၣ်လီၤ. အဝဲအိၣ်ဒီးအဖိခွါလွံၢ်ဂၤလၢအမ့ၢ်, စီၤယံးမနၤ, စီၤယံးၡဝၤ, စီၤယံးၡဝံၤဒီးစီၤဘရံဧၤလီၤ. ဒီးအဖိမုၣ်အိၣ်စ့ၢ်ကီးတဂၤလၢအမံၤမ့ၢ်ဝဲ, နီၢ်စ့ရၤန့ၣ်လီၤ.

³¹ စီၤဘရံဧၤအိၣ်ဒီးအဖိခွါခံဂၤလၢအမ့ၢ်, စီၤဃ့ဘ့ၢ်ဒီးစီၤမၤလကၤအ့လးန့ၣ်လီၤ. စီၤမၤလကၤအ့လးသူၣ်ထီၣ်ဝ့ၢ်ဘံးရစၤဝံး, တၢ်လီၢ်ဖဲအဝဲအဖိခွါစီၤဘံးရစၤဝံးအစၢၤအသွဲၣ်တဖၣ်အိၣ်ဆိးဝဲလီၤ.

³² စီၤဃ့ဘ့ၢ်အိၣ်ဒီးအဖိခွါသၢဂၤလၢအမ့ၢ်, စီၤယၤဖလ့း, စီၤၡိမ့ၢ်, ဒီးစီၤဃိသၣ်လီၤ. ဒီးအဖိမုၣ်အိၣ်စ့ၢ်ကီးတဂၤလၢအမံၤမ့ၢ်ဝဲနီၢ်ၡူဧၤန့ၣ်လီၤ.

³³ စီၤယၤဖလ့းအိၣ်စ့ၢ်ကီးဒီးအဖိခွါသၢဂၤလၢအမ့ၢ်စီၤပါစး, စီၤဘံးမဟၤလးဒီးစီၤဧၤၡဝးန့ၣ်လီၤ.

³⁴ အဒီပုၢ်ဝဲၢ်ခွါစီၤၡိမ့ၢ်အိၣ်ဒီးအဖိခွါသၢဂၤလၢအမ့ၢ်, စီၤရိဟကၤ, စီၤယဃူဘၤဒီးစီၤအရၣ်လီၤ.

³⁵ အဒီပုၢ်ဝဲၢ်ခွါစီၤဃိသၣ်လၢအမံၤမ့ၢ်စ့ၢ်ကီးစီၤဟ့လ့ၣ်အိၣ် ဒီးအဖိခွါလွံၢ်ဂၤလၢအမ့ၢ်, စီၤစိဖၤ, စီၤယံးမနၤ, စီၤၡ့လ့ၣ်ဒီးစီၤဧၤမလးန့ၣ်လီၤ.

³⁶ စီၤစိဖၤအစၢၤအသွဲၣ်တဖၣ်န့ၣ်မ့ၢ်ဝဲစီၤစူၤအၤ, စီၤဃၤရန့ဖ့ၢ်, စီၤၡူဧၤလး, စီၤဘ့ရံၤ, စီၤယးမရၤ,

³⁷ စီၤဘ့စ့ၢ်, စီၤဟိး, စီၤၡးမၤ, စီၤၡံလၡၣ်, စီၤယံးသရၣ်, ဒီးစီၤဘ့ရၤန့ၣ်လီၤ.

³⁸ စီၤယ့သ့ၢ်အစၢၤအသွဲၣ်တဖၣ်န့ၣ်မ့ၢ်ဝဲစီၤယဖူန့ၤ, စီၤပံးစပၤဒီးစီၤအရၤ,

³⁹ ဒီးစီၤဧူးလၤအစၢၤအသွဲၣ်တဖၣ်န့ၣ်မ့ၢ်ဝဲစီၤအရၤ, စီၤဃနံၤအ့လးဒီးစီၤရံစယၤန့ၣ်လီၤ.

⁴⁰ အဝဲသ့ၣ်ခဲလၢာ်မ့ၢ်စီၤအၤၡ့ၢ်အစၢၤအသွဲၣ်တဖၣ်န့ၣ်လီၤ. အဝဲသ့ၣ်မ့ၢ်ဟံၣ်ဒူၣ်ဃီထၢတဖၣ်အခိၣ်, ပှၤဒုးတၢ်ဖိလၢအမံၤဟူသၣ်ဖျါ, ပှၤခိၣ်ပှၤနၢ်လၢအဖျိးစိ တဖၣ်န့ၣ်လီၤ. စီၤအၤၡ့ၢ်အစၢၤအသွဲၣ်အိၣ်ဒီးပှၤပိာ်ခွါ ခံကလးဃုကထိ ဂၤကြၢးဝဲဘၣ်ဝဲလၢသုးမုၢ်သံၣ်ဘိအတၢ်မၤ အဂီၢ်န့ၣ်လီၤ.