လံာ်ကွဲးနီၣ်တၢ်အခီၣ်ထံးတဘ့ၣ် 4 - Sgaw Karen Common Bible

စီၤယူဒၤအစၢၤအသွဲၣ်တဖၣ်

¹ အအံၤမ့ၢ်စီၤယူဒၤအစၢၤအသွဲၣ်တနီၤလၢအမ့ၢ်ဝဲ စီၤဖ့ၤရ့း, စီၤဃ့စရိၣ်, စီၤကၢ်မံၤ, စီၤဃူၢ်ဒီးစီၤၡိ ဘလးန့ၣ်လီၤ.

² စီၤၡိဘလးန့ၣ်မ့ၢ်ဝဲစီၤရအါယၤအပၢ်, ဒီးစီၤရအါယၤမ့ၢ်ဝဲ စီၤယၤဃးအပၢ်, စီၤယၤဃးမ့ၢ်ဝဲစီၤအဃူမဲၤဒီးစီၤလၤဃး, ပှၤအိၣ်လၢဝ့ၢ်စိရၤတဖၣ်အပၢ်ဖးဒိၣ်လၢပျၢၤန့ၣ်လီၤ.

³ စီၤဃူၢ်မ့ၢ်စီၤကၤလ့းဒီးအမါနီၢ်အ့ဖရးသးအဖိခွါဝဲၢ်ကိ, ဒီးအဝဲအစၢၤအသွဲၣ်တဖၣ်သူၣ်ထီၣ်ဝ့ၢ်ဘ့ၤသလ့ဃ့ၣ်န့ၣ်လီၤ. စီၤဃူၢ်အိၣ်ဒီးအဖိခွါသၢဂၤလၢအမ့ၢ်ဝဲစီၤဧ့ၤတၣ်, စီၤပနူၤအ့လးဒီးစီၤဧ့စ့ၢ်န့ၣ်လီၤ. စီၤဧ့ၤတၣ်အိၣ်ဒီး အဖိခွါသၢဂၤလၢအမ့ၢ်ဝဲစီၤယံးစရ့လး, စီၤယံၡမၤ, ဒီးစီၤယံးဒဘၣ်ဒီးအိၣ်ဒီးအဖိမုၣ်တဂၤလၢအမ့ၢ် ဝဲနီၢ်ဟးစ့လလ့ပိနံၤလီၤ.

⁴ စီၤပနူၤအ့လးသူၣ်ထီၣ်ဝ့ၢ်ကဒိၢ်, ဒီးစီၤဧ့စ့ၢ်သူၣ်ထီၣ်ဝ့ၢ် ဃူၡဲၤန့ၣ်လီၤ.

⁵ စီၤအၤၡူၢ်လၢအသူၣ်ထီၣ်ဝ့ၢ်တကိၤန့ၣ်အိၣ်ဒီးအမါခံဂၤလၢ အမ့ၢ်ဝဲနီၢ်ဃ့လၤဒီးနီၢ်နၤရၤန့ၣ်လီၤ.

⁶ အဝဲဒီးနီၢ်နၤရၤအိၣ်ဒီးအဖိခွါလွံၢ်ဂၤလၢအမ့ၢ်ဝဲ, စီၤအဃူစၣ်, စီၤဃ့ဖၢ်, စီၤတ့မနံၤဒီးစီၤအဃၤၡတၤရံန့ၣ်လီၤ.

⁷ စီၤအၤၡူၢ်ဒီးနီၢ်ဃ့လၤအိၣ်ဒီးအဖိခွါသၢဂၤလၢအမ့ၢ်ဝဲ စီၤစ့ရ့း, စီၤယစိဃၢ်ဒီးစီၤအ့ၤသၣ်န့ၣ်လီၤ.

⁸ စီၤကိးမ့ၢ်စီၤဧၤနူာ်ဒီးစီၤစိၤဘ့ဘၤတဖၣ်အပၢ်, ဒီးပၢ်ဖးဒိၣ်လၢပျၢၤလၤဒူၣ်ထၢတဖၣ်လၢအဟဲလီၤစၢၤလီၤသွဲၣ် လၢစီၤဟ့ၤရူၣ်အဖိခွါစီၤအဃၤရဃ့လးအဂီၢ်န့ၣ်လီၤ.

⁹ ပှၤအိၣ်ဝဲတဂၤလၢအမံၤမ့ၢ်ဝဲစီၤယၤဘ့း, လၢအဘၣ်တၢ်ပာ်ကဲ အီၤဒိၣ်ဒိၣ်ကလဲာ်လၢအဟံၣ်ဖိဃီဖိန့ၣ်လီၤ. အမိၢ်ယုၢ်န့ၢ်အမံၤလၢစီၤယၤဘ့းမ့ၢ်လၢအတၢ်အိၣ်ဖျဲၣ်ထီၣ်န့ၣ် ဒုးဆိးကဲးအမိၢ်ဒိၣ်မးအဃိန့ၣ်လီၤ.

¹⁰ ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

ဟံၣ်ဖိဃီဖိအဂၤအမံၤအသၣ်တဖၣ်

¹¹ စီၤကၤလ့းလၢအမ့ၢ်စီၤၡူဧၤအဒီပုၢ်ဝဲၢ်ခွါအိၣ်ဒီးအဖိခွါ တဂၤလၢမ့ၢ်ဝဲစီၤမဃံၢ်န့ၣ်လီၤ. စီၤမဃံၢ်န့ၣ်မ့ၢ်ဝဲစီၤအ့ၡတိၣ်အပၢ်,

¹² စီၤအ့ၡတိၣ်အိၣ်ဒီးအဖိခွါသၢဂၤလၢအမ့ၢ်ဝဲ, စီၤဘ့ၤသရၤဖၤ, စီၤပၤစ့ၤဒီးစီၤတဃံးနၤန့ၣ်လီၤ. စီၤတဃံးနၤန့ၣ်မ့ၢ်ပှၤသူၣ်ထီၣ်ဝ့ၢ်ရံၤနဃ့ၣ်န့ၣ်လီၤ. ပှၤလီၤစၢၤလၢပှၤသ့ၣ်တဖၣ်အံၤအိၣ်ဝဲဆိးဝဲလၢရ့ကၤန့ၣ်လီၤ.

¹³ စီၤကနးစးအိၣ်ဒီးအဖိခွါခံဂၤလၢအမ့ၢ်ဝဲစီၤဧီၤသန့လး ဒီးစီၤစရါယၤန့ၣ်လီၤ. စီၤဧီၤသန့လးအိၣ်ဒီးအဖိခွါခံဂၤလၢအမ့ၢ်ဝဲစီၤဃသးဒီး စီၤမဧိနိၤသဲန့ၣ်လီၤ.

¹⁴ စီၤမဧိနိၤသဲမ့ၢ်စီၤဧိးဖြၤအပၢ်န့ၣ်လီၤ. စီၤစရါယၤမ့ၢ်စီၤယိၤအးအပၢ်, ဒီးစီၤယိၤအးမ့ၢ်ပှၤလၢ အသူၣ်ထီၣ်ပှၤစုသ့တဖၣ်အတၢ်တြီၤဖဲပှၤအိၣ်ဖဲန့ၣ်ခဲလၢာ်မ့ၢ် ပှၤမၤတၢ်ဖိလၢအသ့တဖၣ်န့ၣ်လီၤ.

¹⁵ စီၤယဖူန့ၤအဖိခွါစီၤကၤလ့းအိၣ်ဒီးအဖိခွါသၢဂၤလၢအမ့ၢ် ဝဲ, စီၤဧံၤရူ, စီၤအ့လၤဒီးစီၤနၤဧၣ်န့ၣ်လီၤ. ဒီးစီၤအ့လၤမ့ၢ်စီၤကနးစးအပၢ်န့ၣ်လီၤ.

¹⁶ စီၤယဟၤလလ့လးအိၣ်ဒီးအဖိခွါလွံၢ်ဂၤလၢအမ့ၢ်ဝဲ, စီၤစံဖး, စီၤစံဖၤ, စီၤတံရယၤဒီးစီၤအစၤရ့လးန့ၣ်လီၤ.

¹⁷ စီၤဧ့စရၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယ့သ့ၢ်, စီၤမ့ရ့း, စီၤဧ့ၤဖ့ၢ်, ဒီးစီၤယၤလိၣ်န့ၣ်လီၤ.

¹⁸ စီၤမ့ရ့းဒိးတ့ဒိးဖျီအသးဒီးကီၢ်အဲၤကူပတူးအစီၤပၤ အဖိမုၣ်နီၢ်ဘံးသယၤဒီးအိၣ်ဒီးအဖိမုၣ်တဂၤလၢအမ့ၢ်ဝဲနီၢ် မံးရယၣ်ဒီးအဖိခွါခံဂၤလၢအမ့ၢ်စီၤၡးမဲဒီးစီၤယံးၡဘၤ န့ၣ်လီၤ. စီၤယံးၡဘၤသူၣ်ထီၣ်ဝ့ၢ်အ့ၡတမိးန့ၣ်လီၤ. စီၤမ့ရ့းဒိးတ့ဒိးဖျီစ့ၢ်ကီးအသးဒီးပိာ်မုၣ်တဂၤလၢပှၤ ယူဒၤအဒူၣ်အပူၤဒီးအိၣ်ဒီးအဖိခွါသၢဂၤ, လၢအမ့ၢ်ဝဲ စီၤယ့ရ့း, ပှၤလၢအသူၣ်ထီၣ်ဝ့ၢ်ကဒိၢ်, စီၤဃ့ဘ့ၢ်, ပှၤလၢအသူၣ်ထီၣ်ဝ့ၢ်စိကိၤဒီးစီၤယကူသံၤအ့လး, ပှၤလၢအသူၣ်ထီၣ်ဝ့ၢ်စါနိၤန့ၣ်လီၤ.

¹⁹ စီၤဟိၤဒံယၤဒိးတ့ဒိးဖျီအသးဒီးစီၤနၤဃၣ်အဒီပုၢ်ဝဲၢ် မုၣ်န့ၣ်လီၤ. အဝဲသ့ၣ်အစၢၤအသွဲၣ်တဖၣ်သူၣ်ထီၣ်ပှၤကၢ်မးဖိအဒူၣ်ထၢလၢအအိၣ် ဝဲဆိးဝဲလၢဝ့ၢ်ကံလၤ, ဒီးပှၤမၤကးဖိအဒူၣ်ထၢလၢအအိၣ်ဝဲဆိးဝဲလၢဝ့ၢ်အ့ၡတမိးန့ၣ်လီၤ.

²⁰ စီၤၡံမိၣ်အိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤအၤမနိၣ်, စီၤရံးနၤ, စီၤဘ့ၣ်ဃနၣ်ဒီးစီၤတံလိၣ်န့ၣ်လီၤ. ဒီးစီၤယံၡံၤအိၣ်ဒီးအဖိခွါခံဂၤလၢအမ့ၢ်ဝဲစီၤစိဃ့း ဒီးစီၤဘ့ၣ်စိဃ့းန့ၣ်လီၤ.

စီၤၡ့လၤအစၢၤအသွဲၣ်တဖၣ်

²¹ စီၤၡ့လၤမ့ၢ်စီၤယူဒၤအဖိခွါတဖၣ်အကျါတဂၤန့ၣ်လီၤ. လၢအဝဲအစၢၤအသွဲၣ်တဖၣ်န့ၣ်အိၣ်ဃုာ်စ့ၢ်ကီးဒီးစီၤအ့ၢ်လၢ အသူၣ်ထီၣ်ဝ့ၢ်လ့ကၤ, စီၤလၤဒၤလၢအသူၣ်ထီၣ်ဝ့ၢ်မရ့ၡၤ, ဒီးပှၤတဖၣ်လၢအအိၣ်ဝဲဆိးဝဲလၢဝ့ၢ်အၤၡဘ့ၤ, လၢအမ့ၢ်ပှၤဆးဖှီဝါကဆှၣ်အဒူၣ်ထၢ,

²² စီၤယိကံၣ်, ဒီးပှၤဂီၢ်မုၢ်အိၣ်လၢဝ့ၢ်ကိၤစ့ဘၤ, ဒီးစီၤယိၤအၣ်ဒီးစီၤစၤရာ်, ပှၤတဖၣ်လၢအဒိးတ့ဒိးဖျီအသး ဒီးပှၤမိၤအးမုၣ်တဖၣ်ဒီးအိၣ်ဝဲဆိးဝဲဖဲဝ့ၢ်ဘ့ၤသလ့ဃ့ၣ် န့ၣ်လီၤ. (အအံၤ, မ့ၢ်တၢ်ကွဲးနီၣ်ကွဲးဃါလၢပျၢၤတဖၣ်န့ၣ်လီၤ.)

²³ အဝဲသ့ၣ်တဖၣ်န့ၣ်မ့ၢ်ပှၤတ့သပၢၤတဖၣ်လၢစီၤပၤအတၢ်မၤအပူၤဒီး အိၣ်ဝဲဆိးဝဲလၢဝ့ၢ်နံးတ့ၣ်ဒီးဝ့ၢ်ကဒ့ရၤန့ၣ်လီၤ.

စီၤစူၤမ့းအိၣ်အစၢၤအသွဲၣ်တဖၣ်

²⁴ စီၤစူၤမ့းအိၣ်, အိၣ်ဒီးအဖိခွါယဲၢ်ဂၤလၢအမ့ၢ်ဝဲစီၤနမူၤအ့လး, စီၤယၤမံၣ်, စီၤယၤရံၤ, စီၤစ့ရၤဒီးစီၤၡီအူးန့ၣ်လီၤ.

²⁵ စီၤၡီအူးအဖိခွါမ့ၢ်ဝဲစီၤၡၤလူၣ်, ဒီးအလံၤန့ၣ်မ့ၢ်ဝဲစီၤမံးဘစၣ်, ဒီးအလိၤန့ၣ်မ့ၢ်ဝဲစီၤမံးၡမၤလီၤ.

²⁶ ဒီးစးထီၣ်လၢစီၤမံးၡမၤန့ၣ်တၢ်လီၤစၢၤလီၤသွဲၣ်ဟဲခီဖျိ စီၤဃမူၤအ့လး, စီၤစးကူၢ်ဒီးစီၤၡံမံၤန့ၣ်လီၤ.

²⁷ စီၤၡံမံၤအိၣ်ဒီးအဖိခွါတဆံဃုဂၤဒီးအဖိမုၣ်ဃုဂၤန့ၣ် လီၤ. မ့မ့ၢ်အဘူးအတံၢ်တဖၣ်အဖိစှၤဝဲဒီးစူၤမ့းအိၣ်အဒူၣ်အထၢ အနီၣ်ဂံၢ်တအါထဲသိးယူဒၤအဒူၣ်အထၢအနီၣ်ဂံၢ်ဘၣ်န့ၣ်လီၤ.

²⁸ တုၤလီၤလၢစီၤပၤဒၤဝံးပၢတၢ်အကတီၢ်န့ၣ်စီၤစူးမ့းအိၣ် အစၢၤအသွဲၣ်တဖၣ်အိၣ်ဝဲဆိးဝဲလၢဝ့ၢ်လၢလာ်တဖၣ်အံၤလၢအမ့ၢ်ဝဲ ဘ့ၢ်ၡဘၤ, မိၤလဒၤ, ဃစၢ်ၡူဧလး,

²⁹ ဘံလဟၤ, ဧ့ၤစ့ၣ်, တိလး,

³⁰ ဘသူအ့လး, ဃိၢ်မါ, စံကလး,

³¹ ဘ့ၤသမၢ်ကဘိး, ဃစၢ်စူစၤ, ဘၤသဘံၢ်ရံဒီးၡၤရဲၣ်န့ၣ်လီၤ.

³² အဝဲသ့ၣ်အိၣ်ဆိးစ့ၢ်ကီးဝဲလၢတၢ်လီၢ်အဂၤယဲၢ်တီၤလၢအမ့ၢ်ဝဲ, ဧ့ၤတၣ်, ဧ့ၣ်, ရံးမိၣ်, တိက့ၣ်, ဒီးဧၤၡၣ်,

³³ ဒီးသဝီအိၣ်ဝးတရံးတဖၣ်, ယံၤတုၤလၢမုၢ်နုာ်ကလံၤထံးတခီလၢ ဝ့ၢ်ဘဧၤလးန့ၣ်လီၤ. အအံၤမ့ၢ်တၢ်ကွဲးနီၣ်တဖၣ်လၢအဝဲသ့ၣ်ပၢၤဃာ်ဝဲဘၣ်ဃးဒီးအပှၤ ဟံၣ်ဖိဃီဖိဒီးတၢ်လီၢ်တဖၣ်လၢအအိၣ်အဆိးတ့ၢ်ဝဲန့ၣ်လီၤ.

³⁴ ပှၤသ့ၣ်တဖၣ်အံၤမ့ၢ်ပှၤအခိၣ်လၢအဒူၣ်ဒၣ်ဝဲအဂီၢ်န့ၣ်လီၤ.

³⁵ စီၤမၡိဘာ်, စီၤယၤမလ့း, စီၤယိၡၤလၢအမ့ၢ်စီၤအမၤစယါအဖိ ခွါ, စီၤယိၤအ့လး, စီၤယ့ၤဟူ (စီၤယိၤစံဘယၤအဖိခွါ, စီၤစရါယၤအဖိခွါ, စီၤဧစံၤအ့လးအဖိခွါ)

³⁶ စီၤအ့လံၤဧ့နံၤ, စီၤယၤကိဘၤ, စီၤယၤၡိဃယၤ, စီၤဧစံယၤ, စီၤဧဒံၤအ့လး, စီၤယစးမအ့လး, စီၤဘနါယၤ,

³⁷ စီၤစံစၤ (စီၤၡမံအဖိခွါ, စီၤအးလိၣ်အဖိခွါ, ပှၤလီၤစၢၤလၢစီၤယဒါယၤ, စီၤၡံးမရံဒီးစီၤၡမါယၤန့ၣ် လီၤ.)

³⁸ မ့ၢ်လၢအဝဲသ့ၣ်အဟံၣ်ဖိဃီဖိအါထီၣ်ကွ့ၢ်ကွ့ၢ်အဃိ,

³⁹ အဝဲသ့ၣ်ရၤလီၤအသးဆူမုၢ်နုာ်တကပၤတုၤဃီၤဆူ ဝ့ၢ်ကဒိၣ်ဃၣ်ဃၣ်ဒီးဒုးအီၣ်အသိတဖၣ်အဆၣ်ဖဲ တၢ်တြီၤကပၤလၢဝ့ၢ်အံၤအိၣ်သူၣ်လီၤအသးအမုၢ်ထီၣ်တကပၤန့ၣ် လီၤ.

⁴⁰ ဖဲန့ၣ်, အဝဲသ့ၣ်ထံၣ်န့ၢ်တၢ်လီၢ်ဖးလဲၢ်လၢဂ့ၤဝဲ, ဒီးမ့ၢ်တၢ်လီၢ်လီၤပျီဖးဒိၣ်တတီၤလၢအဘှ့ၣ်အဘှီၣ်ဒီးမုာ်ခုၣ်န့ၣ်လီၤ. ပှၤဂီၢ်မုၢ်လၢအအိၣ်ဆိးတ့ၢ်လၢညါဖဲန့ၣ်မ့ၢ်ပှၤဃၣ်ဖိတဖၣ်လီၤ.

⁴¹ လၢယူဒၤအစီၤပၤဃံးစကံယၤအစိၤန့ၣ်ပှၤလၢအမံၤဘၣ်တၢ်ယၢၤ ထီၣ်အီၤလၢထးသ့ၣ်တဖၣ်အံၤလဲၤဝဲဆူဝ့ၢ်ကဒိၢ်ဒီးမၤဟးဂီၤကွံာ် ပှၤအိၣ်ဖဲန့ၣ်အဒဲဒီးအတၢ်အိၣ်တၢ်ဆိးအလီၢ်တဖၣ်န့ၣ်လီၤ. အဝဲသ့ၣ်ဟီထီၣ်ကွံာ်ပှၤဂီၢ်မုၢ်တဖၣ်န့ၣ်ဒီးအိၣ်ဆိးဖဲန့ၣ်ထီဘိ ဂၢၢ်ကျၢၤမ့ၢ်လၢတၢ်အီၣ်ဆၣ်အလီၢ်အါအါဂီၢ်ဂီၢ်အိၣ်လၢအသိတဖၣ် အဂီၢ်အဃိန့ၣ်လီၤ.

⁴² ပှၤအဂၤလၢစီၤစူၤမ့းအိၣ်အဒူၣ်ဖိအကျါ, ယဲၢ်ကယၤဂၤလဲၤဝဲ ဆူမုၢ်ထီၣ်ဆူကီၢ်အဒိၣ်န့ၣ်လီၤ. အဝဲသ့ၣ်ဘၣ်တၢ်ဆှၢအီၤလၢစီၤယံၡံၤအဖိခွါတဖၣ်လၢအမ့ၢ်ဝဲ, စီၤပလၤတယၤ, စီၤနၤရယၤ, စီၤရဖါယၤဒီးစီၤဧူးစံၤအ့လး န့ၣ်လီၤ.

⁴³ ဖဲန့ၣ်အဝဲသ့ၣ်မၤသံကွံာ်ဝဲပှၤဧမၤလ့းဖိလၢအအိၣ်လီၤတဲာ် တဖၣ်ဒီးအဝဲသ့ၣ်အိၣ်ဝဲဆိးဝဲဖဲန့ၣ်တုၤမုၢ်မဆါတနံၤအံၤ န့ၣ်လီၤ.