လံာ်ကွဲးနီၣ်တၢ်အခီၣ်ထံးတဘ့ၣ် 1 - Sgaw Karen Common Bible

စးထီၣ်လၢစီၤအၤဒၣ်တုၤဆူစီၤအၤဘြၤဟၣ်

¹ စီၤအၤဒၣ်မ့ၢ်စီၤၡ့သးအပၢ်, စီၤၡ့သးမ့ၢ်စီၤအနိၣ်အပၢ်, စီၤအနိၣ်မ့ၢ်စီၤက့ၤနၣ်အပၢ်,

² စီၤက့ၤနၣ်မ့ၢ်စီၤမၤဟလၤလ့လးအပၢ်, စီၤမၤဟလၤလ့လးမ့ၢ် စီၤယၤရ့းအပၢ်လီၤ.

³ စီၤယၤရ့းမ့ၢ်စီၤဃနိာ်အပၢ်, ဒီးစီၤဃနိာ်မ့ၢ်စီၤမသူၤၡလၤ အပၢ်, စီၤမသူၤၡလၤမ့ၢ်စီၤလ့ၤမ့းအပၢ်,

⁴ ဒီးစီၤလ့ၤမ့းမ့ၢ်စီၤနိအၤအပၢ်လီၤ. စီၤနိအၤအိၣ်ဒီး အဖိခွါသၢဂၤ, စီၤၡ့ၣ်, စီၤဃၣ်, ဒီးစီၤယ့ဖ့းသးလီၤ.

⁵ စီၤယ့ဖ့းသးအဖိခွါတဖၣ်မ့ၢ်ဝဲ, စီၤကိမၢၤ, စီၤမကိး, စီၤမၤဒဲ, စီၤယၤဝၣ်, စီၤတူၤဘလး, စီၤမ့ၤၡ့းဒီးစီၤတံၤရ့းလီၤ. ဒီးအဝဲသ့ၣ်မ့ၢ်ပှၤတဖၣ်လၢပှၤဂီၢ်မုၢ်လၢအဟံးန့ၢ်အဝဲသ့ၣ် အမံၤတဖၣ်အပၢ်ဖးဒိၣ်လၢပျၢၤန့ၣ်လီၤ.

⁶ စီၤကိမၢၤအစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢကီၢ်အၤၡကံ နး, ကီၢ်ရံဖသးဒီးကီၢ်တိကးရမၤလီၤ.

⁷ စီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢကီၢ်အလံၡၤ, ကီၢ်စပၤနံ, ကီၢ်ကူပြူးဒီးကီၢ်ရဒူ, တဖၣ်န့ၣ်လီၤ.

⁸ စီၤဃၣ်အဖိခွါတဖၣ်န့ၣ်မ့ၢ်ဝဲ, စီၤကူၤၡး, စီၤမံးစရၤယံၣ်အဲၤကူပတူးစီၤဖူးဒီးစီၤကနၤဧၣ် လၢအပှၤဂီၢ်မုၢ်အဟံးန့ၢ် အဝဲသ့ၣ်အမံၤတဖၣ်ဒ်အပၢ်ဖးဒိၣ် လၢပျၢၤတဖၣ်န့ၣ်လီၤ.

⁹ စီၤကူၤၡးအစၢၤအသွဲၣ်တဖၣ်န့ၣ်မ့ၢ်ပှၤစဘၤ, ပှၤဃဝံၤလၤ, ပှၤစၤဘတၤ, ပှၤရၤဧမၤဒီးပှၤစၤဘတံကၤဖိတဖၣ်န့ၣ်လီၤ. စီၤရၤဧမၤအစၢၤအသွဲၣ်တဖၣ်န့ၣ်မ့ၢ်ဝဲပှၤၡဘၤဒီးပှၤဒဒၣ်န့ၣ်လီၤ.

¹⁰ (စီၤကူၤၡးအိၣ်ဒီးအဖိခွါတဂၤလၢအမံၤမ့ၢ်ဝဲစီၤနံးမရိး, ပှၤလၢအကဲထီၣ်ဟီၣ်ခိၣ်အပှၤမၤန့ၢ်မၤနၢၤတၢ်အဆိကတၢၢ်တဂၤ န့ၣ်လီၤ.)

¹¹ စီၤမံးစရၤယံၣ်အစၢၤအသွဲၣ်တဖၣ်န့ၣ်မ့ၢ်ပှၤကီၢ်အဲၤကူပတူး ဖိဒ်ပှၤလူဒံၣ်, ပှၤဧနၤမံၣ်, ပှၤလဟါဘံၣ်, ပှၤနၤဖထူဃံၣ်,

¹² ပှၤပသြုစံၣ်, ပှၤကၤစလူဃံၣ်, ဒီးပှၤကြ့တ့ၤလၢပှၤဖလ့ၡသးဖိ တဖၣ်လီၤစၢၤလီၤသွဲၣ်လၢအီၤန့ၣ်လီၤ.

¹³ စီၤကနၤဧၣ်အဖိခွါတဖၣ်န့ၣ်မ့ၢ်ဝဲစီၤစံဒိၣ်လၢအမ့ၢ်ဖိဝဲၢ် ကိ, ဒီးစီၤဃ့ၤသး, ဒီးအဝဲသ့ၣ်မ့ၢ်ပှၤတဖၣ်လၢအပှၤဂီၢ်မုၢ်ဟံး န့ၢ်အမံၤတဖၣ်ဒ်အပၢ်ဖးဒိၣ်လၢပျၢၤတဖၣ်န့ၣ်လီၤ.

¹⁴ စီၤကနၤဧၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

^15-16 ပှၤဃံၤဝံဖိ, ပှၤဧၤရကၤဖိ, ပှၤစံၣ်ဖိ, ပှၤအၢ်ဝးဖိ, ပှၤစမၢ်ဖိဒီးပှၤဃမါသးဖိတဖၣ်န့ၣ်လီၤ.

¹⁷ စီၤၡ့ၣ်အဖိခွါတဖၣ်န့ၣ်မ့ၢ်ဝဲစီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူး, စီၤအရၣ်, စီၤဧူးစး, စီၤဃူလး, စီၤက့သၢ်, ဒီးစီၤမ့ၤၡ့း တဖၣ်န့ၣ်လီၤ. အဝဲသ့ၣ်မ့ၢ်ပှၤဂီၢ်မုၢ်ဟံးန့ၢ်အမံၤတဖၣ်ဒ်အပၢ်ဖးဒိၣ်န့ၣ်လီၤ.

¹⁸ စီၤအၢ်ဖးၡးမ့ၢ်စီၤစ့ၤလါအပၢ်, ဒီးစီၤစ့ၤလါမ့ၢ်စီၤဧ့ၤဘ့ၢ်အပၢ်န့ၣ်လီၤ.

¹⁹ စီၤဧ့ၤဘ့ၢ်အိၣ်ဒီးအဖိခွါခံဂၤလၢတဂၤအမံၤန့ၣ်မ့ၢ်ဝဲစီၤ ပ့ၤလ့း, မ့ၢ်လၢဖဲအဝဲအစိၤန့ၣ်ပှၤဂီၢ်မုၢ်လၢဟီၣ်ခိၣ်လီၤမုၢ်လီၤဖး ဝဲအဃိန့ၣ်လီၤ. မ့မ့ၢ်အဂၤတဂၤအမံၤန့ၣ်မ့ၢ်ဝဲစီၤယးကတၣ်လီၤ.

²⁰ စီၤယးကတၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤအၤလမိဒး, ပှၤၡ့လဖး, ပှၤဃၤစရမၤဝ့း, ပှၤယၤရၢ်

²¹ ပှၤဟဒိၣ်ရၣ်, ပှၤအူစလး, ပှၤဒံးကလး,

²² ပှၤဧူဘလး, ပှၤအဘံမအ့လး, ပှၤၡၤဘၤ,

²³ ပှၤအိဖ့ၢ်, ပှၤဃဝံၤလၤဒီးပှၤယိဘာ်တဖၣ်န့ၣ်လီၤ.

²⁴ ဒူၣ်ဖိထၢဖိလၢအစးထီၣ်အသးလၢစီၤၡ့ၣ်တုၤလၢစီၤအၤဘြၤန့ၣ် မ့ၢ်ဝဲစီၤၡ့ၣ်, စီၤအၢ်ဖးၡး, စီၤစ့ၤလါ

²⁵ စီၤဧ့ၤဘ့ၢ်, စီၤပ့ၤလ့း, စီၤရူၤ

^26-27 စီၤစရူာ်, စီၤနၤဃိၢ်, စီၤတ့ရၤ, ဒီးစီၤအၤဘြၤ (ဘၣ်တၢ်သ့ၣ်ညါစ့ၢ်ကီးအီၤလၢစီၤအၤဘြၤဟၣ်န့ၣ် လီၤ.)

စီၤယံးၡမၤဧ့လးအစၢၤအသွဲၣ်တဖၣ်

²⁸ စီၤအၤဘြၤဟၣ်အိၣ်ဒီးအဖိခွါခံဂၤ, စီၤအံၤစဲးဒီးစီၤယံး ၡမၤဧ့လးန့ၣ်လီၤ.

²⁹ စီၤယံးၡမၤဧ့လးအဖိခွါတဖၣ်မ့ၢ်ဝဲ, စီၤနဘါယိး (စီၤယံး ၡမၤဧ့လးအဖိဝဲၢ်ကိအမံၤ), စီၤက့ဒၢ်, စီၤအးဒဘလး, စီၤမံးဘစၣ်,

³⁰ စီၤမံးၡမၤ, စီၤဒူမၤ, စီၤမၤစၤ, စီၤဃဒၢ်, စီၤတ့မၤ,

³¹ စီၤယတူၢ်, စီၤနါဖံၣ်, ဒီးစီၤက့ဒမၤလီၤ.

³² စီၤအၤဘြၤဟၣ်အိၣ်ဒီးအသံၣ်မါလၢအမံၤမ့ၢ်ဝဲနီၢ်ကတူရၤ, ဒီးဆံးစၢ်န့ၢ်အီၤဖိခွါဃုဂၤလၢအမ့ၢ်ဝဲ, စီၤစံးမရၣ်, စီၤယးကၡၣ်, စီၤမဒၣ်, စီၤမံးဒယၣ်, စီၤယံးၡဘးဒီးစီၤၡူာ်တဖၣ်န့ၣ်လီၤ. စီၤယးကၡၣ်အိၣ်ဒီးအဖိခွါခံဂၤ, စီၤၡဘၤဒီးစီၤဒဒၣ်လီၤ.

³³ စီၤမံးဒယၣ်အိၣ်ဒီးအဖိခွါယဲၢ်ဂၤ, စီၤဧ့ၤဖၣ်, စီၤဧ့ၤဖ့ၢ်, စီၤဃနိာ်, စီၤအဘံဒၤ, ဒီးစီၤအ့ၤလဒါဧၤတဖၣ်န့ၣ်လီၤ.

စီၤဧ့ၡီၤအစၢၤအသွဲၣ်တဖၣ်

³⁴ စီၤအၤဘြၤဟၣ်အဖိခွါစီၤအံၤစဲးအိၣ်ဒီးအဖိခွါခံဂၤ, စီၤဧ့ၡီၤဒီးစီၤယၤကိာ်န့ၣ်လီၤ.

³⁵ စီၤဧ့ၡီၤအဖိခွါတဖၣ်န့ၣ်မ့ၢ်ဝဲစီၤအလံဖးစး, စီၤရဧူၤအ့လး, စီၤယၤဧူၡး, စီၤယၤဧလၤဒီးစီၤကိၤရးတဖၣ်န့ၣ်လီၤ.

³⁶ စီၤအလံဖးစးကဲထီၣ်ပှၤတ့ၤမၣ်, ပှၤအိမၢ်, ပှၤစဖိၤ, ပှၤကၤတၣ်, ပှၤကနးစး, ပှၤတံးမနၤဒီးပှၤဧမၤလ့းဖိ အဒူၣ်တဖၣ်အပၢ်ဖးဒိၣ်လၢပျၢၤန့ၣ်လီၤ.

³⁷ ဒီးစီၤရဧူၤအ့လးကဲထီၣ်ပှၤနၤဃး, ပှၤစ့ရၤ, ပှၤၡးမၤဒီးပှၤမံစၤဖိအဒူၣ်တဖၣ်အပၢ်ဖးဒိၣ်လၢပျၢၤန့ၣ် လီၤ.

ပှၤတဖၣ်လၢအအိၣ်ဆိးဆိပာ်စၢၤတ့ၢ် လၢကီၢ်အဒိၣ်

³⁸ ပှၤတဖၣ်လၢအအိၣ်ဆိးဆိပာ်စၢၤလၢကီၢ်အဒိၣ်န့ၣ်, မ့ၢ်ပှၤဟဲလီၤစၢၤလီၤသွဲၣ်လၢစီၤစ့ဧၢ်အဖိခွါတဖၣ်လၢအမ့ၢ် ဝဲ, စီၤလိတၣ်, လၢအမ့ၢ်ပှၤဃိၢ်ရံၤဒီးပှၤဟ့မၣ်အဒူၣ်ထၢတဖၣ် အပၢ်ဖးဒိၣ်လၢပျၢၤ,

³⁹ (စီၤလိတၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်ဝဲနီၢ် တံးမနၤန့ၣ်လီၤ.)

⁴⁰ စီၤၡိဘလးမ့ၢ်ပှၤဧးလဝၣ်, ပှၤမနၤဃး, ပှၤဧ့ၤဘါလး, ပှၤၡဖိၤဒီးပှၤအိၣ်နၣ်အဒူၣ်ထၢတဖၣ်အပၢ်ဖးဒိၣ်လၢပျၢၤန့ၣ် လီၤ. စီၤစံးဘဧိၣ်, အိၣ်ဒီးအဖိခွါခံဂၤ, စီၤအၣ်ယၤဒီးစီၤဧနၤလီၤ.

⁴¹ စီၤဧနၤမ့ၢ်စီၤဒံၡိၣ်အပၢ်, ဒီးစီၤဒံၡိၣ်မ့ၢ်ပှၤဟၤမရၣ်, ပှၤအ့းၡဘၣ်, ပှၤယံးသရၣ်, ဒီးပှၤကရၣ်အဒူၣ်ထၢတဖၣ်အပၢ်ဖးဒိၣ်လၢပျၢၤန့ၣ်လီၤ.

⁴² စီၤအ့စၢ်မ့ၢ်ပှၤဘံးလဟၣ်, ပှၤစၤဧဝၣ်ဒီးပှၤယၤဧကၣ်အဒူၣ်ထၢ တဖၣ်အပၢ်ဖးဒိၣ်လၢပျၢၤန့ၣ်လီၤ. စီၤဒံၡၣ်မ့ၢ်ပှၤဧူးစးဒီးပှၤအၤရၣ်အဒူၣ်ထၢတဖၣ်အပၢ်ဖးဒိၣ် လၢပျၢၤန့ၣ်လီၤ.

ကီၢ်အဒိၣ်အစီၤပၤတဖၣ်

⁴³ ဒီးစီၤပၤလၢလာ်သ့ၣ်တဖၣ်အံၤပၢတၢ်လၢကီၢ်အဒိၣ်အပူၤတဂၤဝံၤ တဂၤဖဲစီၤပၤတချုးအိၣ်ဒံးဘၣ်လၢကီၢ်အံၣ်စရ့လးအပူၤနီတဂၤ ဘၣ်အဆၢကတီၢ်န့ၣ်လီၤ. စီၤဘဧိၢ်အဖိခွါစီၤဘ့လၤလၢဝ့ၢ်ဒံးနဟးဘၤ,

⁴⁴ စီၤစ့ရၤအဖိခွါစီၤယိဘးလၢဝ့ၢ်ဘိးစရၤ,

⁴⁵ စီၤဃူၡၣ်လၢကီၢ်တ့ၤမၣ်အလီၢ်ကဝီၤ,

⁴⁶ စီၤဘဒးအဖိခွါစီၤဟးဒးလၢဝ့ၢ်ဧဝံး (အဝဲမၤနၢၤပှၤမံးဒယၣ် ဖိတဖၣ်လၢတၢ်ဒုးတဘျီလၢကီၢ်မိၤအးအပူၤန့ၣ်လီၤ.)

⁴⁷ စီၤစးမလၤလၢဝ့ၢ်မးစရ့ကၤ,

^48-49 စီၤၡီလူးလၢဝ့ၢ်ရဃိဘိးအိၣ်လၢထံကျိကပၤ, စီၤဧးကဘိၢ်အဖိခွါစီၤဘဧၤလဃါနၣ်,

⁵⁰ စီၤဃဒၢ်လၢဝ့ၢ်ဖၤဧူၤ, (အမါအမံၤမ့ၢ်နီၢ်မဟ့တးဘအ့လး, နီၢ်မးတရ့အဖိမုၣ်ဒီးစီၤမ့စဟးအလံၤမုၣ်လီၤ.)

⁵¹ ပှၤအဒိၣ်ဖိသ့ၣ်တဖၣ်အံၤဘၣ်တၢ်နီၤဖးအီၤဆူပှၤတံးမနၤ, ပှၤဧးလဝၣ်, ပှၤယသ့း,

⁵² ပှၤအဟိးလံးဘါမၤ, ပှၤအ့လး, ပှၤပံနိၣ်,

⁵³ ပှၤကနးစး, ပှၤတ့ၤမၣ်, ပှၤမံးဘစၢ်,

⁵⁴ ပှၤမံးကဒံးအ့လးဒီးပှၤဧံရၣ်အဒူၣ်တဖၣ်န့ၣ်လီၤ.