Roome 10 - Kuumeet Sinɔ Tɔɔnuk Ad Majaŋeeroŋk

¹ Iinak manyaakak eeta sigɛ dooytaanakik, ɗɛyan ɓayɛ naakik agut joop Israeelik kalɛya Waakoyo kɛnɔ bɔdɛr.

² Waasa saak ɔɗɔwa naaka kɛ latu sɛɛk nyeken wɛɛŋakoŋk agut Waakoyo, ma moko ɗegerɔɔn sinɔɔnɛ likik.

³ Agut sinɔ kirɓa ɗegerɔɔn mentanka taamɛkɛ Waakoyotoŋk sinɛ kus sooy lak Waakoyok, ɛɓa tukerki ɛɛka nɛŋk mentanka taamɛkɛ Waakoyotoŋk, kirɓa ɓalɗiit mentankaata taamɛkɛ Waakoyotoŋk.

⁴ Ege Kerese pedi higiyoŋk kɛnɔ dakɛ a mentanka taamɛkɛ Waakoyotoŋk joopa sigaaga ŋaadiɗiik baŋɛ.

⁵ Tonuɓa Muuse agut mentanka taamɛkɛ Waakoyotoŋk sinɛ ar higiik kɛ, "Iɗit sinɛ koorɛ sinik nɛkoy beeɗ wɛɛŋakɛ."

⁶ Tonu mentanka taamɛkɛ Waakoyotoŋk sinɛ tukiɗik ŋaadiyɛɛkɛɛk kɛ, "Kat tonun ɓayaay nookɛ kɛ, 'Makoy kɛɛ dariya wooɗ?"' orkun sineene Keresee.

⁷ Maŋk kat tonun kɛ, "Makoy kɛɛ ɗooka takana wooɗ?" boŋkun sineene Keresee reteerɛ.

⁸ Ɛ ɓɔrɛ tonu Wargatɛ Waakoyotoŋk kɛ "Arne pɛɛni nɛɛkɛ jɔk, ar aasi ad nookɛ a ɓayaay nookɛk." Pɛɛni sini waasii seekik pɛɛni ŋaadiyɛɛkoŋk,

⁹ agut sinɔ ɔkɔn waasin ad nookɛ kɛ ege Yeese Suumiŋ, ɛ ŋaadin ɓayaay nookɛ kɛ boŋkuɓa sɛɛn Waakoyot ret walasaŋ, nɛkoy bɔdun.

¹⁰ Mentan iɗit taamɛkɛ Waakoyotoŋk saa ŋaadiɗiiɗik, nɛkoy bɔdɛ saa waasɛɛɗi ad nɛɛkɛkik.

¹¹ Oko sinɛ toniiɗ Wargatɛ Waakoyotoŋk kɛ, "Kɛɛ keeny ete sinaanɛ ŋaadiɗi sɛɛnek."

¹² Agut sinɔ kɛɛ pakakat joope Ayuuduk a joope sigɔɔgɛ moko Ayuuduk kɔɔr. Ege Suumi sinɛ omoŋɔŋk Suumi joop baŋɛk, ɛ geeti joop sigɛ riyar Sɛɛnik,

¹³ agut sinɔ bɔdɛrkoy joop sigɛ riyar tiriya Suumiyoŋk baŋɛ.

¹⁴ Anɛ oolɛr joop a riyar sɛɛn ɛk a kir ŋaadiɗiit sɛɛne? Oolɛr a ŋaadiɗiiɗiŋ ɛk, agut sɛɛn a kan kir weenta? Oolɛr a tiyɛrŋ ɛk a kɛɛ iɗit sinɔ sɛɛg rɔɔriyk?

¹⁵ Oolɛr a rɔɔriyaaŋ ɛk ɔkɔnkɔ sɛɛg kɛɛ wosɛyɛtiŋ? Oko sinɛɓa taapɛɛɗɛ Wargatɛɛ Waakoyotoŋk kɛ, "Mentaana ɛk derak joop sigɛ waasɛr Pɛɛni sinɔ Ɓɛlkɛɛstank!"

¹⁶ Yakanakan moko boŋur joop baŋɛ sigɛɓa tiyɛr Pɛɛni sinɛ Ɓɛlkɛɛstank. Tonuɓa Isaayas kɛ, "Suumi naakɛk, wooɗ sinɛɓa ŋaadi waasiyɛ gaŋkik?"

¹⁷ Kurak ŋaadiyɛɛk tiyaan wosɛ nɛɛkik, maɓɔrɛ kus wosɛ nɛɛkɛ goy rɔɔriyɔɔnoŋk.

¹⁸ Yakana kɔɔniyaaka kɛ kirɓa weenta? Tiyɛrɓa eekeerɛ oko sinɛ toniiɗ Wargatɛ Waakoyotoŋk kɛ, "Tiyɛɛɓa koŋgoy nɛŋk ɗoo baŋɛ, mɛlɛɓa any sinɛ tonurk kɛntɛya ɗookoŋk."

¹⁹ Kɔɔniyaaka kɛkar, kirɓa joop Israeelik ɗegerɔɔn? Tonuɓa Muuse jeemɛ kɛ, "Araakɔɔ kɔnu a nyekenkaanak joope sigɔɔgɛ daraayɛɛŋɔŋk, araakɔɔ kɔnu a ŋadiiriŋ joope sigɔɔgɛ kɛɛ sɛɛge ɗegerɔnk."

²⁰ Tonuɓa Isaayas a ki ɓuriit kɛ, "Laŋɛɛ kɔtu joope sigaagakɔtu kir ɗɛyɛkiŋ, yaaŋakɔ ɛɛk naak joopa sigaaga kɔtu kir kɔɔniyɔɔnukuŋ."

²¹ Yakana tonu agut Israeel kɛ, "Kera arin gaaŋk waawuy nɛɛk baŋɛ son lak joop sigɔ kir tiiɗit ɛ kir ariɗ kɛ dɔɔsuk."