Maatiyoos 1 - Kuumeet Sinɔ Tɔɔnuk Ad Majaŋeeroŋk

Komoy Ɓartiyɛ Yeeseek

¹ Ege sini kɔɔman ɓartiyɛ komoy Abrahamuk tɔɔn Daawitik Yeeseek.

² Ɓartɛɛɓa Abrahama Isiyaak. Nɛ ɓartɛɛ Isiyaaka Yaykoob. Nɛ ɓartɛɛ Yaykooba Yuudaa a manyaakak.

³ Nɛ ɓartɛ Tiimar Paarees a Jaara Yuudaa. Nɛ ɓartɛɛ Paareesa Esiroom. Nɛ ɓartɛɛ Esirooma Raam.

⁴ Nɛ ɓartɛɛ Raama Aminadaab. Nɛ ɓartɛɛ Aminadaaba Nɛasoon. Nɛ ɓartɛɛ Nɛasoona Salmoon.

⁵ Nɛ ɓartɛ Rɛaab Boeej Salmoona. Nɛ ɓartɛ Ruut Iyoobed Boeeja. Nɛ ɓartɛɛ Iyoobeda Isey.

⁶ Nɛ ɓartɛɛ Iseya suumi Daawit. Nɛ ɓartɛɛ suumiya Daawita Salamoon. Ɛmɛsɓa Salamoona jarti Oriyoonuk.

⁷ Nɛ ɓartɛɛ Salamoona Robam. Nɛ ɓartɛɛ Robama Abiyaa. Nɛ ɓartɛɛ Abiyaa Asaap.

⁸ Nɛ ɓartɛɛ Asaapa Iyosapit. Nɛ ɓartɛɛ Iyosapita Iyoram. Nɛ ɓartɛɛ Iyorama Ojiyan.

⁹ Nɛ ɓartɛɛ Ojiyana Iyoatam. Nɛ ɓartɛɛ Iyoatama Akaaj. Nɛ ɓartɛɛ Akaaja Hijikiyas.

¹⁰ Nɛ ɓartɛɛ Hijikiyasa Minasee. Nɛ ɓartɛɛ Minaseeya Amoon. Nɛ ɓartɛɛ Aamona Iyosiyas.

¹¹ Nɛ ɓartɛɛ Iyosiyasa Yoakin a manyaakak eme sinaanɛɓa diileeɗɛ joop Israeelik Baabiloonak.

¹² Nɛ diil sinaanɛɓa Baabiloonak baŋiya, ɓartɛɛ Ikoniyana Sɛlatiyaal. Nɛ ɓartɛɛ Sɛlatiyaala Jɛrubabeel.

¹³ Nɛ ɓartɛɛ Jɛrubabeela Abiyud. Nɛ ɓartɛɛ Abiyuda Eliyakeem. Nɛ ɓartɛɛ Eliyakeema Ajoor.

¹⁴ Nɛ ɓartɛɛ Ajoora Saadook. Nɛ ɓartɛɛ Saadooka Akiim. Nɛ ɓartɛɛ Akiima Eliyud.

¹⁵ Nɛ ɓartɛɛ Eliyuda Alaajaar. Nɛ ɓartɛɛ Alaajaara Maataan. Nɛ ɓartɛɛ Maataana Yaykoob.

¹⁶ Nɛ ɓartɛɛ Yaykooba Yoosep sinɛɓa mɛyii Maariyamuk. Maariyam sinɛɓa ɓartɛ Yeesee sinɛ riyɛ kɛ Kereseek.

¹⁷ Abrahame mɛlɛɛɗa Daawita ɓartiyɛ aarin a aŋan, ma Daawite mɛlɛɛɗa diila Baabiloonak ɓartiyɛ aarin a aŋan, ma diil Baabiloonak mɛlɛɛɗa Kereseya ɓartiyɛ aarin a aŋan.

Ɓartiyɛ Yeeseek

¹⁸ Ɓartiyɛ Yeeseek ɓɛɛlɛɓa oko sinik. Saaɓa ɛmɛsa Maariyam mɛyiiɗ a Yoosepuk, nɛɓa laŋkɛɛ a gamɛ Wɛɛŋakɛ sigɔɔgɛ Geetitaanakik, maɓa kir ɗeegarɔn.

¹⁹ Mɛyii nɛɛk Yoosep iɗit sinɔɓa mentan taamɛkɛ Waakoyotoŋk. Nɛɓa ki ɗɛyɛ a yaaŋɛ joopaaŋ maɓa koɓu kɛ gun ŋɔr dugeeɗ.

²⁰ Saaɓa koɓiiɗ any sinik, nɛɓa yaaŋgeeɗ ɛɛk wosɛytan Waakoyotoŋk pɛrkiyɛɛkɛ nɛ tongeeɗ kɛ, "Iin Yoosep tɔɔn Daawitik, kat ɓuriikin sinɔɔna boŋiiɗin mɛyii nook Maariyam nyaka nookakik, agut sinɔ gamɛɛɗ Wɛɛŋakɛ sigɔɔgɛ Geetitaanakik.

²¹ Ɓartɛkɔɔ sɛŋk tɔɔn sinɔ mooyk. Nɛkɔɔ riyin tiriya gɛɛŋk kɛ Yeesee, agut sinɔkɔɔ sɛŋk ebɔdɛɛɗ joop gɛɛŋk sigɔ ɓɔɔkaaŋɔŋk tikiyɛɛkɛ gɛŋkik."

²² Nɔ ɓɛɛlɛɛɗ sini baŋɛk kɛnɔ dusanɛɛ sinɛɓa tonu Suumiik ete pɛrkaakoŋk Isaayase kɛ,

²³ "Gamɛkoy peet sinɔ inɓa kir ɗeegarɔn a mooyk, nɛkoy ɓartɛ tɔɔn sinɔ mooyk, nɛkoy riyɛ tiriya gɛɛŋk kɛ Amanueel." See kɛ Amanueelik sigi kɛ, "Waakoyo a eteŋk agut omoŋɔŋk."

²⁴ Saaɓa Yoosep ɓeɗikiɗ ɗoŋɛ gɛɛnɛkik, nɛɓa boŋu Maariyam oko sinɛɓa tongeeɗ wosɛytan Waakoyotoŋkuk.

²⁵ Yakanaɓa kir ɗeegarɔn mɛlɛɛɗa ɔɔtɛya sinaanaɓa ɓartɛɛɗ tɔɔn nɛɛkik. Nɛɓa Yoosep riy tɔɔn sinɛɓa ɓartɛɛk kɛ Yeesee.