یەکەم پوختەی مێژوو 8 - كوردی سۆرانی ستانده‌رد

بنەچەی شاولی بنیامینی

¹ بنیامین بەلەعی بوو کە کوڕە نۆبەرەکەی بوو، ئەشبێل دووەم، ئەحەرەح سێیەم،

² نۆحا چوارەم و ڕافا پێنجەم بوو.

³ کوڕانی بەلەع: ئەدار، گێرا، ئەبیهود،

⁴ ئەبیشوەع، نەعمان، ئەحۆحا،

⁵ گێرا، شەفوفان و حورام.

⁶ ئەمانەش نەوەکانی ئیحودن، کە گەورەی بنەماڵەکانی دانیشتووانی گەڤەع بوون و بۆ مەناحەت ڕاگوێزران:

⁷ نەعمان، ئاحییا و گێرا. گێراش سەرپەرشتیاری کۆچکردنیان بوو، هەروەها باوکی عوزە و ئەحیحود بوو.

⁸ شەحەرەیم لە وڵاتی مۆئاب چەند کوڕێکی بوو، پاش ئەوەی حوشیم و بەعرای ژنی تەڵاق دا،

⁹ لە حۆدەشی ژنی، یۆڤاڤ، چیبیا، مێشا، مەلکام،

¹⁰ یەعوچ، ساخیا و میرمای بوو، ئەوانە کوڕەکانی بوون و گەورەی بنەماڵەکانیان بوون.

¹¹ لە حوشیمی ژنیشی ئەبیتوڤ و ئەلپەعەلی بوو.

¹² کوڕەکانی ئەلپەعەل: عێبەر، میشعام و شەمەد، شەمەد ئەوەی کە شارۆچکەی ئۆنۆ و شارۆچکەی لۆد و دەوروبەری بنیاد نا.

¹³ هەروەها بەریعە و شەمەع، ئەوان گەورەی بنەماڵەکانی دانیشتووانی ئەیالۆن بوون و ئەوان دانیشتووانی گەتیان وەدەرنا.

¹⁴ هەروەها ئەحیۆ، شاشاق، یەرێمۆت،

¹⁵ زەڤەدیا، عەراد، عەدەر،

¹⁶ میکائیل، یەشپا و یۆحا، کوڕی بەریعە بوون.

¹⁷ زەڤەدیا، مەشولام، حیزقی، حەڤەر،

¹⁸ یەشمەری، یزلیا و یۆڤاڤ کوڕی ئەلپەعەل بوون.

¹⁹ یاقیم، زکری، زەبدی،

²⁰ ئەلیعێنەی، چیلەتەی، ئەلیێل،

²¹ عەدایا، بەرایا و شیمرات کوڕی شیمعی بوون.

²² یەشپەن، عێبەر، ئەلیێل،

²³ عەبدۆن، زکری، حانان،

²⁴ حەنەنیا، ئیلام، عەنتۆتیا،

²⁵ یەفدەیا و پەنوئێل کوڕی شاشاق بوون.

²⁶ شەمشەرەی، شەحەریا، عەتەلیا،

²⁷ یەعەرەشیا، ئەلیاس و زکری کوڕی یەرۆحام بوون.

²⁸ ئەمانە گەورەی بنەماڵەکانیان و بەپێی ڕەچەڵەکیان کە لە تۆمارەکاندا هاتووە سەرکردە بوون و لە ئۆرشەلیمدا نیشتەجێ بوون.

²⁹ یەعیێلی باوکی گبعۆنیش لە گبعۆندا نیشتەجێ بوو. ژنەکەی ناوی مەعکا بوو،

³⁰ عەبدۆن کوڕە نۆبەرەکەی بوو، پاشان چوور، قیش، بەعل، نێر، ناداب،

³¹ گەدۆر، ئەحیۆ، زەکەریا و

³² میقلۆت بوو، میقلۆتیش شیمەعای بوو. ئەوانیش لەگەڵ خزمەکانیان، لە نزیکی یەکتر لە ئۆرشەلیم نیشتەجێ بوون.

³³ نێر قیشی بوو، قیش شاولی بوو، شاولیش ئەم کوڕانەی بوو: یۆناتان، مەلکی‌شوەع، ئەبیناداب و ئەشبەعل.

³⁴ یۆناتان مەریڤ‌بەعلی بوو، مەریڤ‌بەعلیش میخای بوو.

³⁵ ئەمانە کوڕەکانی میخا بوون: پیتۆن، مەلەخ، تەرێیەع و ئاحاز.

³⁶ ئاحاز یەهۆعەدای بوو، یەهۆعەداش ئەم کوڕانەی بوو: عالەمەت، عەزماڤێت و زیمری؛ زیمریش مۆچای بوو.

³⁷ مۆچا بینەعای بوو، بینەعا ڕافەی بوو، ڕافە ئەلیعاسای بوو، ئەلیعاسا ئاچێلی بوو.

³⁸ ئاچێل شەش کوڕی هەبوو، ئەمەش ناوەکانیانە: عەزریقام، بۆخەرو، ئیسماعیل، شەعەریا، عۆبەدیا و حانان. هەموو ئەمانە کوڕەکانی ئاچێل بوون.

³⁹ کوڕەکانی عێشەقی برای: ئولام کوڕە نۆبەرەکەی بوو، یەعوش دووەم و ئەلیفەلەت سێیەم بوو.

⁴⁰ کوڕەکانی ئولامیش پاڵەوانی ئازا و تیرئەنداز بوون و کوڕ و کوڕەزایەکی زۆریان هەبوو و هەموویان سەد و پەنجا کەس بوون. ئەمانە هەموویان لە نەوەی بنیامین بوون.