Zɛkaraya 4 - Krio Fɔs Oli Baybul

Di Prɔfɛt Vishɔn Lampstand

¹ Di enjɛl we bin tɔk to am fɔs kam bak dɔn i skyad lɛkɛ se na slip i wek pan.

² Di enjɛl aks am wetin i si. Zɛkaraya tɛl am se i si wan lampstand we dɛn tek gold mek dɔn i gɛt wan bolpantap am ɛn ɔda sɛvin lamp we gɛt sɛvin ples fɔ put wik pantap dɛn.

³ Tu ɔliv tik bin de nia am, wan nain raytan ɛn wan nain lɛfan.

⁴ Dɔn i aks di enjɛl we bin de tɔk to am se, wetin dɛnwande.

⁵ Di enjɛl we bin de tɔk to am aks am se if i nɔ no wetin dɛnwande. Nain i se nɔ sa.

⁶ Dɔn di enjɛl tɛl am se PAPA GƆD want am fɔ no se nɔto bay di trɛnk ɔ pawa we i gɛt bɔt na bay PAPA GƆD in Spirit.

¹⁰ Nain di enjɛl se di sɛvin lamp dɛn na di sɛvin yay we PAPA GƆD de yuz fɔ luk ɔl wetin de bi na wɔl.

¹¹ So Zɛkaraya aks am wetin di ɔliv tik dɛn we de na di lampstand in lɛfan ɛn raytan de fɔ.

¹² I aks am bak wetin dɛn tu branch pan di ɔliv tik dɛn we de nia dɛn tu payp we dɛn mek wit gold de fɔ. Di payp dɛn kin pul ɔyl.

¹³ Di enjɛl aks am if i nɔ no wetin dɛn bi. So insɛf se nɔ.

¹⁴ Dɔn i se dɛn stand dɛn de fɔ di tu pipul we PAPA GƆD dɔn pik fɔ de wok na di wɔl fɔ am.

Wetin PAPA GƆD Prɔmis Zɛrubabɛl

⁷ So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.

⁸ Noto dat nɔmɔ, PAPA GƆD tɛl am se,

⁹ na Zerubabɛl le di os in fawndeshɔn ɛn nain go bil am dɔn. Dɔn dɛn go no se na PAPA GƆD bin sɛn am to dɛn.

^10a Udat bin dɔn se dɛn nɔ go ebul we dɛn bin jɛs bigin, go gladi we dɛn go si Zɛrubabɛl wit in tuls dɛn nain an.