Zɛkaraya 2 - Krio Fɔs Oli Baybul

Di Prɔfɛt Vishɔn Rop We Fɔ Tek Mɛzhɔ.

¹ I es in ed ɔp ɛn si wan man we ol rop we fɔ tek mɛzhɔ nain an.

² So i aks am usay i de go. Di man tɛl am se i de go mɛzhɔ Jerusɛlɛm fɔ si aw i wayd ɛn aw i lɔŋ.

³ Wantɛm, nain di enjɛl we bin de tɔk to am go bifo am ɛn wan ɔda enjɛl go mit am bifo de,

⁴ dɛn tɛl am se, i fɔ rɔn go tɛl di man we wan fɔ mɛzhɔ se, Jerusɛlɛm go ful wit bɔku pipul ɛn animal so nid nɔ go de fɔ bil wɔl rawnd am.

⁵ PAPA GƆD se in PAPA GƆD de ɔlsay ɛn i go de de fɔ sikyɔ am.

⁶ PAPA GƆD se i fɔ rɔnawe go na di nɔth bikɔs in PAPA GƆD dɔn mek i de ɔlsay lɛkɛ di fo kayn briz we de blo na ɛvin.

⁷ I se dɛn we de na Babilɔn fɔ go bak na Jerusɛlɛm.

⁸ So Papa GƆD we na PAPA GƆD Ɔlmayti gi am dis mɛsej fɔ ɔl dɛn neshɔn we bin de ambɔg dɛn: I se if ɛnibɔdi ambɔg dɛn, nain dɛn ambɔg bikɔs dɛn nain bɔlyay.

⁹ I se in go sho dɛn in pawa dɔn i go mek dɛn tɔn slev to ɔl udat bin de slev fɔ dɛn. Zɛkaraya se na da tɛm de dɛn go no se na PAPA GƆD we na PAPA GƆD Ɔlmayti sɛn am.

¹⁰ I se, PAPA GƆD se di pipul dɛn we kɔmɔt Jerusɛlɛm fɔ siŋ ɛn gladi bikɔs in PAPA GƆD go kam tap midul dɛn.

¹¹ PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

¹² PAPA GƆD go tek Juda as in yon prɔpati insay di oli land ɛn i go pik Jerusɛlɛm bak.

¹³ I se nɔ fɔ mek nɔys usay PAPA GƆD de nain os we oli.