Sɔlɔmɔn In Siŋ Dɛm 3 - Krio Fɔs Oli Baybul

¹ Na mi bed na nɛt, A luk fɔ am am, di wan we mi sol lɛk; A sach fɔ am, bɔt a nɔ fɛn am; A kɔl am, bɔt i nɔ ansa.

² “A go grap naw ɛn go na di siti, insay di trit dɛn ɛn dɛn opin ples; A go luk fɔ di wan we mi sol lɛk.” A luk fɔ am, bɔt a nɔ fɛn am.

³ Dɛn wachman dɛn si mi we dɛn de patrol na di siti. “Duya, una si di wan we mi sol lɛk?”

⁴ I nɔ te sɛf we a pas dɛn, nain a fɛn di wan we mi sol lɛk. A ol am, a nɔ gri lɛf am te a briŋ am kam nan mi mama in os, ɛn insay di wan we bɔn mi in rum.

⁵ Duya o, Jerusɛlɛm in gyal pikin dɛn, a tek di fritambo ɔ uman dia we de na bush beg una, una nɔ provok ɔ wek lɔv, te in tɛm rich.

Di Nɔmba Tri Siŋ Di Uman

⁶ Wetin dat de kɔmɔt na di dɛzat lɛk smok, lɛkɛ pila, pafyum ɛn frankinsɛns smɛl pan am, wit ɔl dɛn fayn sɛnt pawda we dɛn treda de sɛl.

⁷ Na Sɔlɔmɔn dɛn tot nain tron! Na siksti trɛnk man dɛn pan di sojaman dɛn na Izrɛl.

⁸ Dɛn ɔl gɛt sɔd na dɛn wes Dɛn ɔl na masta sabi man dɛn pan wa ɔlman gɛt in sɔd nain lɛg fɔ ɛnitin we go apin na nɛt.

⁹ Sɔlɔmɔn mek in tron we i de tek waka wit dɛn wud we kɔmɔt Libanɔn.

¹⁰ Di pol dɛn le wit silva Di bak na gold, di sit na pɔpul; dɛn wok am fayn insay; na Jerusɛlɛm in gyal pikin dɛn du am.

¹¹ Una go, Zayɔn in gyal pikin dɛn, ɛn luk Kiŋ Sɔlɔmɔn, Wit di krawn we in mama krawn am di de we i mared, di de we in at gladi.