Prɔvabs 19 - Krio Fɔs Oli Baybul

¹ I fɔ bɛtɛ fɔ bi poman we de du wetin rayt, pas fɔ bi fulman wit soso bad wɔd na mɔt.

² Nɔ majiji fɔ du tin we yu nɔ no bɛtɛ, ɔ nɔ so yu go mek mistek.

³ Wɛn sɔm man dɔn alaki insɛf bay in we, na PAPA GƆD in kin want fɔ blem.

⁴ Wɛn yu jɛntri yu de gɛt bɔku padi, bɔt if yu po, nɔbɔdi nɔ want yu fɔ padi.

⁵ Udat go bi fɔls witnɛs nɔ de go fri, ɛn if yu lay yu go gɛt di pe.

⁶ Bɔku pipul de mek gud fes to mɔni man, ɛn ɛnibɔdi we gɛt frian, ɔlman kin lɛk fɔ bi in padi.

⁷ If fambul dɛn nɔ de maks udat po, wetin yu go tɔk naw bɔt in padi dɛn? I lɛk aw i rɔnata dɛn, dɛn nɔ go gɛt in klɔk sɛf.

⁸ If yu lɛk yusɛf, yu go tray fɔ lan bɔku tin; ɛn wetin yu lan go mek yu bɛtɛ na layf.

⁹ Udat go bi fɔls witnɛs nɔ de go fri, ɛn if yu lay yu go gɛt di pe.

¹⁰ If i nɔ fayn fɔ lɛ fulman de ɛnjɔy, aw i go tan lɛk fɔ si lebra de kɔntrol bigman dɛn.

¹¹ Udat gɛt sɛns nɔ de vɛks kwik, ɛn wɛn yu nɔ tek natin mek natin, yu gɛt gud rɛspɛkt.

¹² Wɛn kiŋ vɛks, i tan lɛkɛ we wayl animal de rej, bɔt wɛn i lɛk yu, i tan lɛkɛ we ali mɔnin dyu de fɔdɔm.

¹³ Pikin we ful de mek in dadi sɔfa, ɛn semweso uman we lɛk plaba tan lɛkɛ os we de lik.

¹⁴ Lɛkɛ aw na papa de day lɛf prɔpati ɛn mɔni fɔ in pikin, na so na PAPA GƆD nɔmɔ de gi man gud wɛf.

¹⁵ Na udat les de lɛk fɔ de slip, slip; ɛn udat nɔ wok nɔ go it.

¹⁶ Udat kip PAPA GƆD in kɔmandmɛnt de gɛt lɔŋ layf; udat nɔ wan no wetin i se go day.

¹⁷ If yu ɛp poman, i tan lɛkɛ we yu de trɔs PAPA GƆD sɔntin; ɛn i go pe yu bak.

¹⁸ Nɔ fred fɔ pɔnish yu pikin bikɔs yu abop pan am; bɔt nɔ bit am te yu kil am.

¹⁹ Ɛnibɔdi we se in gɛt wamat, lɛf am lɛ i pe fɔ in wamat; if yu ɛp am, i go du am bak.

²⁰ If yu de tek advays ɛn rɛdi fɔ lan, wan fayn de yusɛf go gɛt sɛns.

²¹ Man kin de plan bɔku tin nain at, bɔt na wetin PAPA GƆD want de bi.

²² Wetin fayn fɔ si pan pɔsin na dat i fɔ tret, bifo yu bi layman lɛ yu bi poman.

²³ If yu fred PAPA GƆD yu go gɛt lɔŋ layf, yu go satisfay wit wetin yu gɛt ɛn natin nɔ go shek yu.

²⁴ Sɔm man so les dat ivin wɛn i put in an na pan fɔ it, i nɔ ebul es am put nain mɔt.

²⁵ Wɛn yu nak udat nɔ de tek natin mek natin, udat styupid de lan sɛns; udat gɛt sɛns de lan mɔ wɛn dɛn kɔrɛkt am.

²⁶ Ɛnibɔdi we bit in dadi ɛn drɛb in mami na os, na pikin we go briŋ shem ɛn disgres pan insɛf.

²⁷ Mi pikin, if yu nɔ tek wetin a tich yu, yu go lɛf fɔ du wetin rayt.

²⁸ Bad pɔsin de gladi wɛn dɛn tɔn rayt to rɔŋ na kot, ɛn na so i kin de ɛnjɔy we i de du in bad.

²⁹ Aw PAPA GƆD in jɔjmɛnt ɛŋ de wet udat nɔ tek natin mek natin, na so ken stambay de wet fɔ flag fulman.