Ozie 6 - Krio Fɔs Oli Baybul

Di Pipul Beg Padin Ipokrit Wan

¹ Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

² Bay di sɛkɛn de, i go si wi, i go mek wi grap di tɔd de, so i go de si wi.

³ Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

⁴ Ifrem, wetin a go du wit una? Wetin a go du wit una Juda? Una lɛknɛs nɔ de las, i kin lɔs kwik lɛk dyu.

⁵ Dat mek i sɛn prɔfɛt dɛn fɔ tɔk se in dɔn rɛdi fɔ tek di wɔd dɛn we de kɔmɔt nain mɔt jɔj dɛn. I se natin nɔ gɛt fɔ tap in jɔjmɛnt bikɔs i tan lɛk we nɛt de fala de.

⁶ I se wetin i want pas ɔl na fɔ lɛ pipul de lɛk am ɔltɛm, nɔto fɔ mek dɛn de mek sakrifays to am. I go bɛtɛ lɛ una no am, pas fɔ mek sakrifays we dɛn de bɔn na faya.

⁷ I se dɛn de biev lɛk Adam we nɔ du wetin i se bikɔs i nɔ bin gɛt feth pan wetin i se.

⁸ I se na soso bad pipul de na Giliad ɛn dɛn did dɔn wes blɔd.

⁹ Lek we tifman dɛn kin le ambush fɔ pipul dɛn, na so di man dɛn we de mek sakrifays fɔ pipul sin dɛn kin de tayt wan; dɛn kin atak ɛn kil pipul we de na di rod fɔ go fɔ go mek sakrifays na Shɛkɛm. Na soso bad bad tin dɛn du.

¹⁰ I se in dɔn si ɔlkayn bad tin de bi insay Izrɛl; Ifrem in jɛs de pan bambot layf so ɔltin dɔn rɔtin insay Izrɛl.

¹¹ Yu Juda, di tɛm go kam we a go pɔnish yu fɔ di bad we yu du, di tɛm we a go gi mi pipul dɛn ɔl wetin dɛn bin dɔn lɔs bak.