Ozie 3 - Krio Fɔs Oli Baybul

Ozie Ɛn Di Raregyal

¹ PAPA GƆD tɛl mi se fɔ go bak go fɛn dis uman ya we na rare gyal we de pas ɛn kip ɔlkayn man dɛn; jɛs lɛk we in di PAPA GƆD lɛk di Izrɛlayt dɛn pan ɔl we dɛn de lɛf am go wɔship ɔda gɔd dɛn ɛn lɛk dray greps we dɛn de sakrifays to dɛn.

² So a pe fiftin silva kɔpɔ fɔ am wit bɔlgɔ we we wan ɔndrɛd ɛn fifti kilogram.

³ A tɛl am se i fɔ tap wit mi naw ɛn lɛf fɔ bi rare gyal. A se nɔto ɛni ɔda man gɛt am ɛn na so insɛf go de wit am.

⁴ Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.

⁵ Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.