Nɛimaya 7 - Krio Fɔs Oli Baybul

¹ We wi dɔn bil di wɔl bak ɛn put ɔl di do dɛn usay dɛn fɔ de, wi tɛl di getman dɛn, di wan dɛn we go de siŋ ɛn di Livayt dɛn wetin dɛn fɔ du.

² A put Ananaya we na bin kɔmanda fɔ di ples we pɔsin kin rɔn go ayd ɛn mi brɔda we na Anani inchaj ɔf Jerusɛlɛm. Ananaya na man we nɔ gɛt bɛnbɛn, i no wetin i de du ɛn i de fred PAPA GƆD pas bɔku ɔda man dɛn.

³ A tɛl dɛn se dɛn nɔ fɔ de opin di men get na Jerusɛlɛm te di san de ɔp. Dɔn igen we di getman dɛn de dyuti dɛn fɔ lɛ dɛn lɔk di do dɛn tayt wan ɛn put di krɔs ba dɛn. A tɛl dɛn igen se dɛn fɔ pik pipul dɛn we tap insay Jerusɛlɛm fɔ bi sikyɔriti. Sɔm pan di sikyɔriti dɛn fɔ de na spɛshal pɔynt dɔn sɔm fɔ de nia dɛn yon os dɛn.

Di Wan Dɛn We Kam Bak We Dɛn Kɔmɔt Ɛgzayl

⁴ Jerusɛlɛm na bin wan big siti we gɛt opin spes bɔt bɛtɛ pipul nɔ bin tap de ɛn dɛn nɔ bin bigin bil di os dɛn bak yet.

⁵ So PAPA GƆD mek a tink se a fɔ kɔl ɔlman - aristo, bigman ɛn di ɔdinari man dɛn fɔ rɛjista dɛn bay famili. A bin ebul fɛn usay dɛn rayt di famili nem dɛn fɔ dɛn fɔs wan we bin kam bak. Dɛn rayt de se,

⁶ “Dɛn wan ya na di pipul dɛn we bin de Babilɔn usay kiŋ Nɛbyukadnɛza bin kech dɛn ɛn kɛr dɛn go we kam bak na Jerusɛlɛm ɛn Juda, bɔt ɔlman go nain yon siti usay i bin kɔmɔt.

⁷ Di edman dɛn na Zɛrubabɛl, Jɛshwa, Nɛimaya, Azaraya, Raamaya, Naamani, Mɔdikay, Bilshan, Mispɛrɛth, Bigvay, Neɔm ɛn Baana. Na dɛnwanyaso kɔmɔt Izrɛl:

⁸ Na Parɔsh in famili layn 2 172

⁹ na Shefataya in famili layn 372

¹⁰ na Ara in famili layn 652

¹¹ na Paath-Moab in famili layn 2 818 (na yaso Jɛshwa ɛn Joab dɛnsɛf kɔmɔt)

¹² na Ilam in famili layn 1 254

¹³ na Zatu in famili layn 845

¹⁴ na Zakay in famili layn 760

¹⁵ na Binyui in famili layn 648

¹⁶ na Bibay in famili layn 628

¹⁷ na Azgad in famili layn 2 322

¹⁸ na 667 kɔmɔt na Adɔnikam in famili layn,

¹⁹ na 2 067 kɔmɔt na Bigvay in famili layn,

²⁰ na 655 kɔmɔt na Adin in famili layn,

²¹ na 98 kɔmɔt na Ata in famili layn (na yaso Ɛzikaya insɛf kɔmɔt),

²² na 328 kɔmɔt na Ashɔm in famili layn,

²³ na 324 kɔmɔt na Bɛzay in famili layn,

²⁴ na 112 kɔmɔt na Arif in famili layn,

²⁵ na 95 kɔmɔt na Gibiɔn in famili layn.

²⁶ Di man dɛn we kɔmɔt Bɛtliɛm ɛn Nɛtofa na 188

²⁷ di man dɛn we kɔmɔt Anatɔt na 128

²⁸ di man dɛn we kɔmɔt Bɛth Azmavɛth na 42

²⁹ di man dɛn we kɔmɔt Kiriath Jiarim, Kɛfira ɛn Biarɔt na 743

³⁰ di man dɛn we kɔmɔt Rama ɛn Giba na 621

³¹ di man dɛn we kɔmɔt Mikmash na 122

³² di man dɛn we kɔmɔt Bɛthɛl ɛn Ayi na 123

³³ di man dɛn we kɔmɔt na di ɔda Nibo na 52

³⁴ di man dɛn we kɔmɔt na di ɔda Ilam na 1,254

³⁵ di man dɛn we kɔmɔt Arim na 320

³⁶ di man dɛn we kɔmɔt Jɛriko na 345

³⁷ di man dɛn we kɔmɔt Lɔd, Adid ɛn Ono na 721

³⁸ di man dɛn we kɔmɔt Sɛna na 3,930.

³⁹ Di wan dɛn we na bin man dɛn we de mek sakrifays fɔ pipul sin na: na 973 frɔm Jɛdaya in famili layn (dat na frɔm Jɛshwa in jɛnareshɔn),

⁴⁰ Na 1,052 frɔm Ima in famili layn,

⁴¹ na 1,247 frɔm Pashɔ in famili layn,

⁴² na 1,017 frɔm Arim in famili layn.

⁴³ Di Livayt dɛn we kɔmɔt na Jɛshwa in famili layn na 74 ɛn na bay Kadmiɛl ɛn Odavaya dɛn kɔmɔt.

⁴⁴ Dɛn wan dɛn we de siŋ na Esaf in Jɛnareshɔn na bin dɛn 148.

⁴⁵ Di getman dɛn na Shalɔm, Ata, Talmɔn, Akɔb, Atita ɛn Shobay dɛn jɛnareshɔn dɛn ɛn na bin dɛn 138.

⁴⁶ Di wokman dɛn na PAPA GƆD in os kɔmɔt na dɛn jɛnareshɔn ya

⁴⁷ Zia, Asufa, Tabaɔth, Kerɔs, Sia, Padɔn,

⁴⁸ Lɛbana, Agaba, Shalmay,

⁴⁹ Anan, Gidɛl, Gaa,

⁵⁰ Reaya, Rizin, Nɛkoda,

⁵¹ Gazam, Uza, Pasɛa,

⁵² Bisay, Meunim, Nɛfusim,

⁵³ Bakbɔk, Akufa, Aɔ,

⁵⁴ Bazlɔth, Mɛida, Asha,

⁵⁵ Bakɔs, Sisɛra, Tema,

⁵⁶ Nɛzia ɛn Atifa.

⁵⁷ Dɛn wan dɛn we na bin Kiŋ Sɔlɔmɔn in wokman dɛn fambul we tɔn bak go Jerusɛlɛm, na dɛn dis: Sotay, Sofɛrɛt, Pɛrida,

⁵⁸ Jaala, Dakɔn, Gidɛl

⁵⁹ Shefataya, Atil, Pokɛrɛth Azabaim ɛn Amɔn dɛn jɛnareshɔn.

⁶⁰ Ɔl ɛn ɔl, di wokman dɛn na PAPA GƆD in os ɛn Kiŋ Sɔlɔmɔn in wokman dɛn jɛnareshɔn dɛn na bin 392.

⁶¹ Dɛn pipul yaso kɔmɔt na dɛn siti ya: Tɛl Mɛla, Tɛl Asha, Kɛrub, Adɔn ɛn Ima bɔt natin nɔ bin de fɔ sho se dɛn fambul dɛn bin kɔmɔt Izrɛl:

⁶² Dɛlaya, Tobaya ɛn Nɛkoda dɛn jɛnareshɔn na bin 642.

⁶³ Oba ya, Akɔz ɛn Bazilay dɛn jɛnareshɔn na bin dɛn wan we de mek sakrifays fɔ pipul sin (Dis Bazilay na bin wan man we mared to da Bazilay we kɔmɔt Giliad in gyal pikin, so insɛf tek di nem Bazilay).

⁶⁴ Dɛn nɔ bin ebul fɔ fɛnɔt bɔt dɛn yon famili so dɛn nɔ mek dɛn miks wit dɛn man we de mek sakrifays fɔ pipul sin. Dɛn se dɛn nɔ fit.

⁶⁵ So di gɔvna tɛl dɛn se, dɛn nɔ fɔ it pan di sakrifays te wan ɔda man we de sakrifays fɔ pipul sin de, dɛn in go yuz di Yurim ɛn Thumim, dat na di tin dɛn we dɛn go yuz lɛkɛ udat de luk grɔn fɔ no wetin PAPA GƆD se bɔt dɛn.

⁶⁶ Di wanol grup na bin 42,360,

⁶⁷ wit 7,337 wokman ɛn uman dɛn, 245 man ɛn uman dɛn we de siŋ.

⁶⁸ Dɛn kɛr 736 ɔs dɛn, 245 myul

⁶⁹ 435 kamɛl ɛn 6,720 dɔŋki.

⁷⁰ Sɔm pan di big wan dɛn na di famili dɛn gi tiŋs dɛn fɔ ɛp du di wok. Di gɔvna put 1,000 gold kɔpɔ na trɛzhri ɛn gi 50 bol ɛn 530 klos fɔ dɛn man we de mek sakrifays fɔ pipul sin.

⁷¹ Sɔm ɔda famili ɛd dɛnsɛf put 20,000 gold kɔpɔ ɛn 2,200 silva kɔpɔ na di trɛzhri fɔ di wok.

⁷² Di total we di balans pipul dɛn gi na 20,000 gold kɔpɔ, 2,000 silva kɔpɔ ɛn 67 klos fɔ dɛn man we de mek sakrifays fɔ pipul sin.

⁷³ Di man dɛn we de mek sakrifays fɔ pipul sin, di Livayt dɛn, di get kipa dɛn, dɛn wan we de siŋ, wokman dɛn na PAPA GƆD in os wit sɔm ɔda pipul ɛn di balans Izrɛlayt dɛn sɛtul dɔŋ na dɛn yon siti dɛn.”