Biblia Todo Logo
Bìoball air-loidhne

- Sanasan -

Jɔshwa 23 - Krio Fɔs Oli Baybul


Jɔshwa Tɛl Di Izrɛlayt Dɛn Babay

1 Lɔlɔntɛm afta PAPA GƆD bin gi di difrɛn difrɛn fambul na Izrɛl land fɔ tap, dat na di tɛm we Jɔshwa bin dɔn ol bad bad wan,

2 i sɛn kɔl ɔlman na Izrɛl wit ɔl di bigman dɛn na di fambul dɛn, di Jɔj ɛn di bigman dɛn na Izrɛl ɛn tɛl dɛn se in dɔn ol bad bad wan,

3 bɔt di pipul dɛn fɔ mɛmba ɔl wetin PAPA GƆD du ɔda neshɔn dɛn fɔ dɛn sek; aw i fɛt fɔ dɛn fɔ dɛn sek.

4 Jɔshwa se in dɔn sheb di land we kɔmɔt Riva Jɔdan na di ist go rich na di Mɛditarenian Si na di wɛst. I se in gi dɛn di land dɛn we in bin de bifo fɔ go kapchɔ bɔt mɔ land dɛn de fɔ kapchɔ.

5 I se PAPA GƆD bin dɔn prɔmis dɛn se in go kil ɔl dɛn ɛnimi dɛn ɛn gi dɛn di land, ɛn PAPA GƆD na PAPA GƆD we nɔ de lay; i go mɔs drɛb di pipul dɛn ɛn gi dɛn di Izrɛlayt dɛn di land.

6 Jɔshwa se na dɛn kayn tin dɛn de fɔ mek dɛn ol PAPA PAPA GƆD in lɔ dɛn traŋa wan ɛn nɔ mek jok wit dɛn atɔl

7 so dat dɛn nɔ go miks dɛnsɛf wit da neshɔn we lɛf wit dɛn. Dɛn nɔ fɔ wɔship dɛn gɔd dɛn ɔ tek dɛn nem fɔ swɛ ɔ ivin kɔl dɛn nem na dɛn mɔt,

8 bɔt dɛn fɔ waka tret wit PAPA GƆD we na dɛn PAPA GƆD, ɔltɛm.

9 I tɛl dɛn se we dɛn bin de go fɛt dɛn ɔda neshɔn dɛn, nɔto dɛn di Izrɛlayt dɛnsɛf bin de fɛt o, na PAPA GƆD bin de fɛt fɔ dɛn, bikɔs i bin dɔn prɔmis fɔ du an.

10 Jɔshwa se wans na PAPA GƆD de fɛt fɔ dɛn, jɔs wan man pan dɛn kin ebul kil wan tawzin pan dɛn ɛnimi.

11 I se di big tin na fɔ lɛ dɛn lɛk PAPA GƆD we na dɛn PAPA GƆD,

12 bikɔs if dɛn tɔn dɛn bak pan PAPA GƆD ɛn go jɔyn dɛn neba dɛn we dɛn nɔ bin kil ɛn tek dɛn land, mared dɛn sista dɛn, ɛn dɛn mared Izrɛl dɛn yon sista dɛn,

13 lɛ dɛn no se PAPA GƆD go lɛf fɔ fɛt fɔ dɛn ɛn na bad bad tin dɛn go de apin to dɛn.

14 Nain Jɔshwa tɛl dɛn se ɔldo in layf nɔ lɔŋ igen, bɔt dɛn fɔ mɛmba ɔltɛm na dɛn at ɛn sol se natin nɔ de we PAPA GƆD bin se i go du we i nɔ du.

15 I se as we PAPA GƆD we na dɛn PAPA GƆD gi dɛn ɔl di gud tin dɛn we i prɔmis se in go du, na so if dɛn tɔn dɛn bak pan an, PAPA GƆD we na dɛn PAPA GƆD go briŋ bad bad tin dɛn pan dɛn we go nyakanyaka dɛn na di land we i gi dɛn.

16 Jɔshwa se if dɛn lɛf di Kɔvinant we dɛn mek wit PAPA GƆD we na dɛn PAPA GƆD ɛn go wɔship ɔda gɔd dɛn, PAPA GƆD go vɛks bad bad wan ɛn mek dɛn ɔl day kɔmɔt na di gud land we i dɔn gi dɛn.

Krio Bible © The Bible Society of Sierra Leone, 2013.

Bible Society in Sierra Leone
Lean sinn:



Sanasan