Jɔshwa 19 - Krio Fɔs Oli Baybul

Di Land We PAPA GƆD Gi Di Simiɔn Fambul

¹ Di sɛkɛn fambul we gɛt land na di Simiɔn fambul we dɛn sheb gi di difrɛn famili. Di land we dɛn gɛt de insay Juda.

² Di siti dɛn we dɛn gɛt na Bashɛba, Shɛba, Mɔlada,

³ Aza Shual, Bala, Ɛzɛm,

⁴ Ɛltolad, Bɛthul, Ɔma,

⁵ Ziklag, Bɛth Makabɔth, Aaz Susa,

⁶ Bɛth Lɛbaɔth ɛn Sharuɛn. Tɔtin siti wit ɔl dɛn vilej dɛn.

⁷ Di Simiɔn fambul gɛt fo ɔda siti: Dɛn na Ain, Rimɔn, Ɛtha ɛn Ashan. Dɛn gɛt dɛn fo siti ya wit dɛn vilej dɛn.

⁸ Ɔl di siti ɛn vilej dɛn we de te rich Baalath Bia we dɛn kin kɔl Rama, miks pan dɛn land.

⁹ Jɔshwa bin gi di Juda fambul pasmak land, so dɛn gi di Simiɔn fambul sɔm pan am.

Di Land We PAPA GƆD Gi Di Zɛbyulɔn Fambul

¹⁰ Di tɔd fambul we gɛt land na di Zɛbyulɔn fambul we dɛn sheb famili bay famili. Jɔshwa gi dɛn di land we go te rich Sarid Siti we de insay insay di sawt ist.

¹¹ Di bawndri kɔmɔt Sarid Siti, tɔn ɔp go wɛst te rich Marɛal Siti, dɔn i go te rich Dabɛshɛth Siti, go na Jɔknɛam Watasay.

¹² Na di ɔda pat na Sarid Siti, di bawndri go ist lɛk we yu de go usay di san kin kɔmɔt na Chisloth Tabɔ Siti. Frɔm de, di bawndri go Dabɛrath Siti ɛn tɔn go ɔp Jafia Siti.

¹³ Frɔm Jafia Siti, di bawndri fala di rod de go ist lɛk we yu de go usay di san kin kɔmɔt te rich Gath Ɛfa Siti ɛn Ɛthkazin Siti, dɔn i go lɛk i de go Nɛa Siti, bɔt tɔn go Rimɔn Siti.

¹⁴ Na di nɔth pat, di bawndri tɔn go Anathɔn Siti go tap na Iftaɛl Vali.

¹⁵ Insay di land, yu gɛt ɔda siti dɛn lɛk Katath, Naalal, Shimrɔn, Idala ɛn Bɛtliɛm. Na twɛlv siti ɛn dɛn vilej dɛn.

¹⁶ Na dɛn siti dɛn ya ɛn dɛn vilej dɛn de na di land we di Zɛbyulɔn fambul gɛt, we dɛn sheb famili bay famili.

Di Land We PAPA GƆD Gi Di Isaka Fambul

¹⁷ Di nɔmba fo fambul we gɛt land, na di Isaka fambul we dɛn sheb gi di difrɛn famili.

¹⁸ Di siti dɛn na di land na Jazril, Chɛsulɔth, Shunɛm,

¹⁹ Afaraim, Shiɔn, Anaarath,

²⁰ Rabit, Kishiɔn, Ɛbɛz,

²¹ Ramɛt, Ɛnganim, Ɛnada ɛn Bɛthpazɛz.

²² Di bawndri go te rich Shaazuma Siti ɛn Bɛth Shɛmɛsh Siti. Na di nɔth, di bawndri kɔmɔt Mawnt Tabɔ go Riva Jɔdan.

²³ Na ɔl dɛn siti dɛn ɛn dɛn vilej dɛn de na di land we di Isaka fambul gɛt.

Di Land We PAPA GƆD Gi Di Asha Fambul

²⁴ Di nɔmba fayv fambul we gɛt land na di Asha fambul.

²⁵ Di siti dɛn we de na di land na Ɛlkat, Ali, Bɛtɛn Akshaf,

²⁶ Alam Mɛlɛk, Amad ɛn Mishal. Na di wɛst yu gɛt Mawnt Kamɛl ɛn Shiɔ Libnath Siti,

²⁷ dɔn i tɔn go ist na Bɛthdagɔn Siti, go Zɛbyulɔn ɛn Iftaɛl Vali, tɔn de go nɔth, i go Bɛthɛmɛk ɛn Nɛiɛl. Di bawndri kɔntinyu go nɔth to Kabul,

²⁸ Ɛbrɔn, Rɛɔb, Amɔn, Kana te rich Saydɔn.

²⁹ Dɔn di bawndri tɔn go Rama, go na da siti we dɛn bil ay ay wɔl rawnd we nem Taya, dɔn i tɔn go Ɔsa go tap na di Mɛditarenian Si. Di ɔda siti dɛn na Maalab, Akzib,

³⁰ Uma, Afɛka ɛn Rɛɔb. Na twɛnti tu siti ɛn vilej di Asha fambul gɛt.

³¹ Na ɔl dɛn siti ɛn vilej de di Asha fambul bin gɛt we dɛn sheb gi di difrɛn difrɛn famili dɛn na di Asha fambul.

Di Land We PAPA GƆD Gi Di Naftali Fambul

³² Di nɔmba siks fambul we gɛt land na di Naftali fambul.

³³ Di bawndri na di nɔth kɔmɔt Ɛlɛf Siti to go na da tik we big lɛk kɔtin tri we nem Ok tik, nia Zaananim Siti, go Adaminɛkɛb, go Jabnɛl, go Lakum, go tap na Riva Jɔdan.

³⁴ Di bawndri na di sawt bigin na Riva Jɔdan go wɛst to Aznɔth nia Mawnt Tabɔ. Na de di bawndri tɔn nɔth fala di Zɛbyulɔn fambul dɛn istɛn bɔda go Ukɔk Siti. Na di Asha fambul dɛn land na dɛn bawndri na di ist ɛn Riva Jɔdan na di wɛst.

³⁵ Dɛn siti dɛn na Zidim, Za, Amath, Rakat, Chinɛrɛth,

³⁶ Adama, Rama, Ɛnazɔ,

³⁷ Kɛdɛsh, Ɛdriay, Ezɔ

³⁸ Yirɔn, Migdalɛl, Ɔrɛn, Bɛthanath ɛn Bɛth Shɛmɛsh; Nayntin siti ɛn vilej.

³⁹ Na dɛn Siti ya ɛn dɛn vilej dɛn di Naftali fambul bin gɛt.

Di Land We PAPA GƆD Gi Di Dan Fambul

⁴⁰ Na di Dan fambul na di nɔmba sɛvin fambul we gɛt land.

⁴¹ Di siti dɛn we de insay di land na Zora, Ɛshtaɔl, Ishɛmɛsh,

⁴² Saalbim, Aijalɔn, Ithla,

⁴³ Ɛlɔn, Timna, Ɛkrɔn,

⁴⁴ Ɛltɛkɛ, Gibɛthɔn, Baalath,

⁴⁵ Jɛud, Bɛnɛbɛrak, Gathrimɔn,

⁴⁶ Mɛjakrɔn, Rakɔn ɛn di land we de rawnd Jɔpa.

⁴⁷ Di Dan fambul nɔ bin ebul kɔntrol dɛn land so dɛn muf go na di nɔth to di sho na di ist pat na Riva Jɔdan. Dɛn kil ɔl di Laish pipul dɛm ɛn kapchɔ dɛn land, tap de ɛn chenj di nem to Dan we na dɛn fɔstɛmpapa in nem.

⁴⁸ Na dɛn siti ya ɛn dɛn vilej dɛn di Dan fambul bin gɛt.

Di Las Pipul Dɛn We Gɛt Land

⁴⁹ We di pipul dɛn dɔn sheb di land dɔn, dɛn gi Jɔshwa we na Nɔn in pikin sɔm pat pan di land fɔ insɛf.

⁵⁰ Na PAPA GƆD bin dɔn tɛl di pipul dɛn traŋa wan se dɛn fɔ gi Jɔshwa di land we i want, so dɛn gi am Timnat Sera we de na di il na Ifrem.

⁵¹ Na Ɛlieza we na man we de mek sakrifays fɔ pipul sin, Jɔshwa we na Nɔn in pikin ɛn di edman dɛn fɔ di difrɛn difrɛn fambul ɛn famili dɛn na Izrɛl bin sheb di land bay we dɛn bin aks PAPA GƆD fɔ sho dɛn usay udat fɔ gɛt. Na so dɛn bin sheb di land dɔn.