Job 25 - Krio Fɔs Oli Baybul

Bildad

¹ Bildad we na shuayt ansa se:

² “Ɔl di pawa ɛn rɛspɛkt na dis wɔl, de na PAPA GƆD in an. I mek shɔ se pis de na ɛvin.

³ Ɛnibɔdi ebul kɔnt PAPA GƆD in sojaman dɛn? Udat de we PAPA GƆD in layt nɔ de shayn pan?

⁴ Aw naw yu go se mɔtalman gud bifo PAPA GƆD? Aw yu go se mɔtalman we uman bɔn, klin na PAPA GƆD in yay?

⁵ Di mun we na di mun nɔ brayt, ɛn di sta dɛn nɔ klin na PAPA GƆD in yay;

⁶ aw bɔt mɔtalman we na tumbu, ɛn di wan dɛn we mɔtalman bɔn we na rɔrɔm!”