Job 23 - Krio Fɔs Oli Baybul

Job

¹ Job ansa Se:

² Tide igen, a gɛt bita bita kɔmplen; pan ɔl we a de kɔmplen bɔt PAPA GƆD, i stil de pɔnish mi bad bad wan.

³ Eya, if a bin no usay fɔ fɛn am, mek a go tinap bifo am nain kot os.

⁴ A go le mi kes bifo am, ɛn a go tɔk fɔ misɛf.

⁵ A go yɛri wetin i gɛt fɔ se so a go ɔndastand wetin apin.

⁶ I go tek advantej pan mi bikɔs i gɛt pawa pas mi? A nɔ tink so; i go mɔs lisin to mi.

⁷ A biliv se tret pɔsin go ebul tɔk wit am lɛ i si rizin, ɛn in we na mi jɔj go fri mi sote go.

⁸ A dɔn luk na di ist, i nɔ de de; a go na di wɛst, a nɔ si am;

⁹ a luk fɔ am na mi lɛfan, a nɔ ebul si am; a tɔn to mi raytan, a nɔ ebul si am.

¹⁰ Bɔt PAPA GƆD no usay a go ebul fɛn am; we i dɔn tɛst mi dɔn, i go si se a klin lɛk gold.

¹¹ Naim a biliv na layf ɛn a dɔn waka tret wit am ɔl mi layf.

¹² A de du ɔl wetin i se fɔ du, ɛn in wɔd de insay mi at.

¹³ Bɔt i nɔ de chenj; udat ebul chenj am? Na wetin i wan du i de du.

¹⁴ I go du ɔl wetin i plan fɔ du na mi layf, ɛn ɔl di ɔda tin dɛn we i plan fɔ du.

¹⁵ So a go fred fɔ tinap bifo am; we a luk insay de, a de fred am.

¹⁶ PAPA GƆD dɔn mek a wida; di Ɔlmayti dɔn mek a trimbul wit fred;

¹⁷ di ples ɔl dak rawnd mi ɛn a stil de kray.