Izikɛl 4 - Krio Fɔs Oli Baybul

Izikɛl Sho Aw Di Ɛnimi Go Sɔrawnd Jerusɛlɛm

¹ “Mɔtalman, tek wan simɛnt blɔk ɛn put am bifo yu, ɛn drɔ wan siti pan am, dat na Jerusɛlɛm;

² ɛn mek tin dɛn we go blɔk am rawnd; bil wɔl rawnd, ɛn payl dɔti ay ay wan pan di wɔl. Dɛn bil kamp dɛn rawnd di wɔl ɛn put big ebi tik dɛn we gɛt ayɛn fasin na dɛn ed fɔ tek bata wɔl, rayt rawnd di wɔl.

³ Dɛn tek wan ayɛn plet, ɛn put am lɛk ayɛn wɔl bitwin yu ɛn di siti, dɔn tɔn yu fes to am, ɛn lɛ i tan lɛk se dɛn dɔn blɔked am, ɛn prɛs di blɔked pan di siti. Dis ya so na sayn fɔ Izrɛl.

⁴ Dɛn lidɔn pan yu lɛf say, ɛn a go put Izrɛl neshɔn dɛn pɔnishmɛnt pan yu; yu go tot dɛn pɔnishmɛnt fɔ di de dɛn we yu go lidɔn na yu lɛf say.

⁵ Di dez we a de gi yu na tri ɔndrɛd ɛn naynti de, we go ikwal to di nɔmba ɔf ia we Izrɛl fɔ pɔnish; na ɔl da tɛm de yu go pɔnish fɔ Izrɛl.

⁶ Ɛn wɛn yu dɔn dɔn di tri ɔndrɛd ɛn naynti dez na yu lɛf say yu go lidɔm sɛkɛn tɛm, bɔt naw na yu rayt say, ɛn sɔfa fɔ Juda dɛn pɔnishmɛnt; na fɔti de a de gi yu, ɛn na wande fɔ wan ia.

⁷ Ɛn yu go tɔn yu fes to Jerusɛlɛm in blɔked, bɔt yu wan an go de nekɛd; ɛn yu go tɔk di bad bad tin we gɛt fɔ bi to di siti bambay.

⁸ Ɛn, a go tay yu wit rop dɛn, so dat yu nɔ go ebul fɔ tɔn frɔm wan say to di ɔda, tete yu dɔn dɔn di nɔmba ɔf de dɛn pan yu blɔked we yu mek.

⁹ “So, yu, tek bɔlgɔ ɛn bali, binch ɛn grin binch dɛn, kɔn, kuskus ɛn fayn flawa ɛn put dɛn ɔl insay wan bol ɛn mek bred wit dɛn. Ɔl di tɛm we yu lidɔm na yu sayd, fɔ tri ɔndrɛd ɛn naynti de, na da bred de yu go de it.

¹⁰ Yu gɛt fɔ we di it we yu go de it, we go bi tu ɔndrɛd ɛn tati gram fɔ wande; na wantɛm fɔ de yu go de it.

¹¹ Yu go de mɛnshɔ di wata we yu go de drink, ɛn na tu kɔp nɔmɔ; na wan tɛm fɔ de yu go de drink am.

¹² Ɛn yu go it di bali bred afta yu dɔn bek am pantap mɔtalman (shit) tɔylɛt, frɔnt di pipul dɛn.”

¹³ Ɛn PAPA GƆD se, “na so di Izrɛlayt pipul dɛn go it dɛn bred dɔti wan na PAPA GƆD in yay, na di difrɛn neshɔn dɛn we a go drɛb dɛn go.”

¹⁴ Nain a se, “E PAPA GƆD we na Gɔd! Duya, A nɔ dɔti misɛf na yu yay wande; frɔm we a yɔŋ te a dɔn big so, a nɔ ɛva it ɛnitin we jis day bay insɛf ɔ we animal kil, ɛn rɔtin flɛsh nɔ kam na mi mɔt wande.”

¹⁵ Nain PAPA GƆD se, “Ɔrayt, a go mek yu tek kaw dɔŋ instɛd ɔf mɔtalman yon, fɔ bek yu bred.”

¹⁶ Pantap dat, i tɛl mi se, “Mɔtalman, a go tap it sɔplay na Jerusɛlɛm; na we dɛn go de we bred fɔ it, ɛn dɛn go de fred we dɛn de it am; na mɛnshɔ dɛn go de mɛnshɔ wata fɔ drink ɛn na wit pwɛl at.

¹⁷ A go du ɔl dis so dat dɛn nɔ go gɛt bred ɛn wata, ɛn dɛn go de luk dɛn kɔmpin wit pwɛl at ɛn dɛn go de day smɔl smɔl pan dɛn pɔnishmɛnt.