Ɛzra 10 - Krio Fɔs Oli Baybul

Ɛzra Le In Plan Fɔ Mek Dɛn Tap Fɔ Mared Fɔrina

¹ We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

² Nain Shɛkanaya, Jeayɛl in bɔypikin we na wan pan dɛn Ilam fambul dɛn tɛl am se, dɛn nɔ dɔn de waka tret wit PAPA GƆD we dɛn de mared dɛn uman we na fɔrina, bɔt dɛn no se pan ɔl dis, op stil de fɔ Izrɛl.

³ I beg am, lɛ dɛn mek Kɔvinant wit PAPA GƆD se dɛn go lɛf dɛn uman dɛn de, ɛn drɛb dɛn wit dɛn pikin dɛn, dɔn wetin in di Ɛzra ɛn di ɔda man dɛn we de du wetin PAPA GƆD tɛl dɛn fɔ du, nain dɛn go du. I se wetin PAPA GƆD in lɔ se fɔ du na dat dɛn go du.

⁴ I se lɛ Ɛzra grap bikɔs, nain de bifo pan di biznɛs ɛn dɛn rɛdi fɔ sɔpɔt am, so i nɔ fɔ pwɛl at. I se dɛn de biɛn am.

⁵ So Ɛzra insɛf grap ɛn mek di man dɛn we de mek sakrifays fɔ pipul sin ɛn di Livayt dɛn ɛn ɔl di ɔda pipul dɛn swɛ se dɛn go du wetin Shɛkanaya dɔn se. Dɔn dɛn swɛ.

⁶ Afta dat, i kɔmɔt bifo PAPA GƆD in os ɛn go na Ilaɛlashib in bɔypikin Jɛoanan in os ɛn slip de da nɛt de. Ol nɛt i de kray fɔ Izrɛl we dɛn nɔ de waka tret wit PAPA GƆD. I nɔ it ɔ drink wata sɛf bikɔs i bin sɔri fɔ ɔl wetin dɛn dɔn du.

⁷ Dɛn sɛn mɛsej ɔlɔbɔt na Juda ɛn Jerusɛlɛm se ɔl dɛn wan we na ritɔni we kɔmɔt Babilɔn fɔ go gɛda na Jerusɛlɛm;

⁸ ɛn ɛnibɔdi we nɔ rich de insay tri de go fɔfit ɔl in prɔpati; ɛn nɔto dat nɔmɔ, dɛn go drɛb am kɔmɔt usay in pipul dɛn de. Na so di lida dɛn se.

⁹ Insay tri de, ɔl di pipul dɛn na Juda ɛn Bɛnjamin dɔn gɛda na Jerusɛlɛm. Dis apin di de we mek twɛnti insay di mɔnt we mek nayn. Ɔlman bin sidɔm na di skwaya bifo PAPA GƆD in os. Dɛn ɔl bin wɔri ɛn sawa dɛn fes bikɔs di kes siriɔs ɛn pantap dat ren bin de kam.

¹⁰ Ɛzra grap ɛn tɔk to di pipul dɛn. I tɛl dɛn se dɛn dɔn du bad we dɛn mared fɔrina we mek Izrɛl dɔn sin pasmak,

¹¹ so wetin dɛn fɔ du, naw na fɔ mek dɛn kɔnfɛs dɛn sin to PAPA GƆD, we na dɛn fɔstɛm-papa dɛn GƆD ɛn du wetin i se. I se dɛn nɔ fɔ miks wit di fɔrina dɛn we tap usay dɛn de ɛn dɛn fɔ lɛf di fɔrina dɛn we dɛn mared.

¹² Ɔl di pipul dɛn ansa wit wan vɔys se dɛn go du ɔl wetin Ɛzra se.

¹³ Dɔn dɛn tɔk bak se, dɛn tu bɔku, ɛn ren de kam, so dɛn nɔ go kɔntinyu fɔ tinap ɔnda da kayn ren de. Dɛn se dɛn nɔ go tek wan ɔ tu de fɔ dil wit di mata bikɔs dɛn sin dɛn tu bɔku.

¹⁴ Dɛn se lɛ dɛn lida dɛn tinap bifo fɔ dɛn, ɛn lɛ ɔl udat we mared fɔrin uman kam di tɛm we dɛn go fiks. Ɛn ich siti fɔ gɛt in yon jɔj fɔ sɛtul dis mata, so dat dɛn go tɔk dis tɔk fɔ lɛ PAPA GƆD in at go kol.

¹⁵ Nɔbɔdi nɔ bin ɔpoz dis plan pas Jonɛthan, Asaɛl in bɔypikin ɛn Jazɛya, Tikva in yon bɔypikin; ɛn dɛn bin gɛt Mɛshulam ɛn Shabetay da Livayt fɔ bato dɛn.

¹⁶ Ɛniwe, ɔlman bin gri to wetin dɛn ɔl se. So, Ɛzra di man we de mek sakrifays fɔ pipul sin, pik man dɛn frɔm di famili dɛn; i pik wan man frɔm ich famili ɛn rayt dɛn nem dɔŋ. Dɛn bigin du dɛn wok fɔ invɛstiget di mata di fɔs de insay di mɔnt we mek tɛn da ia de.

¹⁷ Bay di fɔs de na di fɔs mɔnt di ɔda ia, dɛn dɔn di tɔk wit ɔl dɛn man we bin mared fɔrin uman dɛn.

Di Man Dɛn We Bin Mared Fɔrina Dɛn

¹⁸ Na dɛn man dɛn yaso bin mared fɔrina dɛn: Pan di man we de mek sakrifays fɔ pipul sin dɛn yon layn yu gɛt Jɛshwa, Jozadak in bɔypikin ɛn in brɔda dɛn: Maasɛya, Ɛliaza, Jarib ɛn Gɛdalaya.

¹⁹ Dɛn prɔmis se dɔn go lɛf dɛn wɛf dɛn ɛn mek man ship sakrifays fɔ dɛn sin.

²⁰ Pan Ima in yon famili layn yu gɛt Anani ɛn Zɛbadaya.

²¹ Pan Arim in yon famili layn yu gɛt Maasɛya, Ilayja, Shɛmaya, Jeayɛl ɛn Uzaya.

²² Pan Pashɔ in yon famili layn yu gɛt Ɛlionay, Maasɛya, Ishmɛl, Netanɛl, Jozabad, ɛn Ɛlasa.

²³ Na dɛn Livayt dɛn yaso bin mared fɔrina dɛn: Jozabad, Shimɛay, Kelaya (we dɛn kin kɔl Kɛlita), Pɛtaya, Juda, ɛn Ɛliaza.

²⁴ Pan di siŋa dɛm yu gɛt Ilaɛlashib Pan di getman dɛn yu gɛt Shalum, Telem ɛn Yuri.

²⁵ Dɛn wan yaso kɔmɔt na Pan Parɔsh in yon famili layn we yu gɛt Ramaya, Izaya, Malkija, Mijamin, Ɛliaza, Malkija ɛn Bɛnaya.

²⁶ Pan Ilam in yon famili layn yu gɛt Matanaya, Zɛkaraya, Jeayɛl, Abdi, Jɛrimɔth ɛn Ilayja.

²⁷ Pan Zatu in yon famili layn yu gɛt Ɛlionay, Ilaɛlashib, Matanaya, Jɛrimɔth, Zabad ɛn Aziza.

²⁸ Pan Bibay in yon famili layn yu gɛt Jɛoaran, Ananaya, Zabay ɛn Athlay.

²⁹ Pan Bani in yon famili layn yu gɛt Mɛshulam, Maluk, Adaya, Jashub, Sheal ɛn Jɛrimɔth.

³⁰ Pan Paath Moab in famili layn yu gɛt Adna, Kɛlal, Bɛnaya, Matanaya, Bɛzalɛl, Binyui ɛn Manasɛ.

³¹ Pan Arim in famili layn yu gɛt Ɛliaza, Ishija, Malkija, Shɛmaya, Simiɔn,

³² Bɛnjamin, Maluk, ɛn Shɛmaraya.

³³ Pan Ashum in yon famili layn yu gɛt Matɛnay, Matata, Zabad, Ɛlifɛlɛt, Jɛrimaya, Manasɛ ɛn Shimɛi.

³⁴ Pan Bani in famili layn yu gɛt Maaday, Amram, ɛn Yuɛl,

³⁵ Bɛnaya, Bidɛya, Kɛlui,

³⁶ Vanaya, Mɛrimɔth, Ilaɛlashib,

³⁷ Matanaya, Matɛnay ɛn Jaaso.

³⁸ Pan Binyui in famili layn yu gɛt Shimɛay,

³⁹ Shelɛmaya, Nethan, Adaya,

⁴⁰ Maknadibay, Shashay, Sharay,

⁴¹ Azarɛl, Shelɛmaya, Shɛmaraya,

⁴² Shalum, Amaraya ɛn Josɛf.

⁴³ Pan Nɛbo in yon famili layn yu gɛt Jeayɛl, Matitaya, Zabad, Zɛbina, Jaday, Joɛl ɛn Bɛnaya.

⁴⁴ Ɔl dɛn man dɛn yaso bin mared fɔrina dɛn ɛn sɔm pan dɛnsɛf bin bɔn pikin wit dɛn.