Di Sam Dɛm 3 - Krio Fɔs Oli Baybul

Mɔnin Prea Fɔ Udat De Pan Trɔbul

¹ E PAPA GƆD! Mi ɛnimi dɛn bɔku ɛn bɔku bɔku dɔn tɔn pan mi.

² Dɛn ɔl de se “PAPA GƆD nɔ gɛt fɔ pul mi pan trɔbul.”

³ Bɔt na yu PAPA GƆD na di wan we de kɔba mi lɛkɛ we fɔl de kɔba in pikin; na yu nɔmɔ de pul mi pan shem we go mek a waka de es mi ed ɔp.

⁴ A de kray lawd wan to PAPA GƆD ɛn i de ansa mi frɔm in oli il

⁵ A lidɔm slip; a wek bak bikɔs PAPA GƆD mek a gɛt layf.

⁶ I lɛk pipul we bɔku lɛkɛ sansan mek gɛŋ fɔ fɛt mi, a nɔ go fred.

⁷ PAPA GƆD, grap nɔ! Du sɔntin! PAPA GƆD, pul mi pan dis trɔbul! Wap mi ɛnimi dɛn na dɛn jɔ; pul di bad man in tit dɛn.

⁸ Na PAPA GƆD nɔmɔ de pul pɔsin pan trɔbul. Lɛ PAPA GƆD blɛs in pipul.