Di Sam Dɛm 1 - Krio Fɔs Oli Baybul

BUK 1 (Sam 1–41 ) Aw Fɔ Mek Tin Fayn

¹ I fayn fɔ di pɔsin we nɔ de fala wetin bad pipul se, we nɔ de kip bad kɔmpin ɛn du wetin dɛn de du, dɔn i nɔ de jɔyn bad gɛŋ fɔ mɔk PAPA GƆD.

² I go fayn mɔ if i de ɛnjɔy fɔ rid PAPA GƆD in wɔd ɛn de tink bɔt PAPA GƆD in lɔ de ɛn nɛt.

³ Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

⁴ Noto so i go bi fɔ di bad man o! Di bad man in tan lɛkɛ chaf chaf we briz kin blo ɔlɔbɔt.

⁵ We PAPA GƆD go de jɔj di wikɛd man, i mɔs kɔndɛm am, dɔn i go mek i nɔ de usay dɛn wan we de du wetin rayt de.

⁶ PAPA GƆD nɔ de tek jok fɔ udat de waka tret bɔt di bad man go sɔfa fɔ ɔl wetin i dɔn du.