Ayzaya 57 - Krio Fɔs Oli Baybul

Dɛn Kɔndɛm Di Wɔship We Izrɛl De Wɔship Laylay gɔd

¹ Pɔsin we de waka tret na PAPA GƆD in yay kin day, ɛn nɔbɔdi nɔ de put am nain at; oli pipul dɛn we de sav Gɔd de go, we nɔbɔdi nɔ de ɔndastand. Bikɔs dɛn kin pul di man we de waka tret na PAPA GƆD in yay, kɔmɔt pan waala,

² i go gɛt kol at; di wan dɛn we de waka tret na PAPA GƆD in yay lidɔm de blo na dɛn bed dɛn.

³ Bɔt una kam nia ya, una da wichuman in bɔypikin dɛn, una we bambot man ɛn rare gyal bɔn.

⁴ Udat una de tek mek fɔn? Udat una de opin una mɔt wayd pan ɛn pul tɔŋ pan? Una nɔto pikin dɛn we dɛn bɔn insay lɔlɛsnɛs, pikin dɛn we dɛn bɔn insay di siti,

⁵ una we de de gɛt filin bad wan fɔ fala uman usay dɛn big tik dɛn de, ɔnda ɔl dɛn grin tik; una we de kil una pikin dɛn na dɛn vali dɛn, ɔnda di say we dɛn big rɔk plit?

⁶ Na usay dɛn smut ston dɛn de na dɛn vali, una blant, na dɛm, yɛs na dɛm, na una lɔt; na to dɛn una dɔn mek drink ɔfrin to; una dɔn briŋ sid ɔfrin. Mi at go kol fɔ dɛn kayn tin dɛn ya?

⁷ Na pantap di ay ay mawnten yu dɔn mek yu bad; 2 ɛn na de yu bin go mek yu sakrifays.

⁸ Na biɛn di do ɛn di do domɔt yu dɔn put yu sayn; bikɔs yu abandɔn mi, yu dɔn pul yu bedshit, yu dɔn go ɔp to am yu dɔn mek i wayd, yu dɔn bagin fɔ yusɛf wit dɛn, yu dɔn lɛd dɛn bed, yu dɔn si nekɛdnɛs.

⁹ Yu bin patrol go to Mɔlɛk wit ɔyl ɛn ad pan yu pafyum dɛm; yu sɛn ambasedɔ dɛn go fafawe, ɛn sɛn dɛnsɛf go dɔŋ na ɛl.

¹⁰ Yu bin taya wit di laŋa we di rod lɔŋa bɔt yu nɔ bin se, “Dis oplɛs”; yu bin fɛn nyu layf fɔ yu trɛnk ɛn so yu nɔ bin taya.

¹¹ Udat yu de fred bad bad wan so, we yu bin lay, ɛn nɔ bin mɛmba mi, we mek yu nɔ tink bɔt mi? A nɔ dɔn sɛt mi mɔt, fɔ lɔŋ tɛm naw, ɛn so yu nɔ de fred mi?

¹² A go tɔk bɔt di waka we yu de waka tret na mi yay ɛn di tin dɛn we yu de du, bɔt dɛn nɔ go ɛp yu.

¹³ We yu ala lɛ yu bɔku laylay gɔd dɛn sev yu! Di briz go kɛr dɛn go, Wangren wit mɔt go kɛr dɛn go. Bɔt di wan we de kam to mi fɔ protɛkshɔn, nain di land go blant, ɛn go inɛrit ɔl mi oli mawnten dɛn.

PAPA GƆD in Prɔmis Fɔ Ɛp Ɛn Fɔ Mɛn

¹⁴ Ɛn dɛn go se, “Bil am, yɛs, bil am, rɛdi di rod, pul ɔltin we de blɔk dɛm kɔmɔt usay mi pipul dɛn fɔ pas.”

¹⁵ Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

¹⁶ Bikɔs a nɔ go fɛt te go ɛn nɔ go de vɛks ɔltɛm; bikɔs na mi di spirit de kɔmɔt to; ɛn a dɔn mek di lo blo blo we gi layf.

¹⁷ Fɔseka di sin we i kɔmit we i de milɛ pipul, a bin vɛks, so a pɔnish am, a ayd mi fes ɛn a bin veks; bɔt i stil bin de bakslayd we i de du wetin in at tɛl am.

¹⁸ A dɔn no aw i de biev, bɔt a go mɛn am; a go lid am ɛn pe am bak wit kɔnfɔt, de mek di wan dɛn we de sɔri fɔ am gɛt di pemɛnt fɔ wetin de kɔmɔt na mɔt.

¹⁹ PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

²⁰ Bɔt wikɛd pɔsin na lɛk di si, we i de tɔn tɔn bikɔs i nɔ ebul blo, ɛn in wata dɛn de sɛn pɔtɔ pɔtɔ ɛn dɔti ɔp,

²¹ Mi Gɔd se, Pis nɔ de fɔ wikɛd pipul.”