Ayzaya 4 - Krio Fɔs Oli Baybul

¹ Tɛm go kam we sɛvin uman go grip wan man de tɛl am se, “Wi go fid wisɛf ɛn wi go bay klos fɔ wisɛf; jɛs gri nɔmɔ se yu na wi man lɛ yu pul shem pan wi.”

Jerusɛlɛm Go De Bak Lɛk Aw I Bin De

² Da de de, PAPA GƆD in branch go fayn ɛn ɔlman go wan si am, ɛn na di frut we di grɔn go bia, di wan dɛn we lɛf na Izrɛl, go tek blɔf ɛn mek nem.

³ Dɛn go kɔl di wan dɛn we lɛf na Zayɔn ɛn di balans na Jerusɛlɛm oli pipul; dat na ɔlman insay Jerusɛlɛm we Gɔd dɔn rayt in nem se i go liv,

⁴ we PAPA GƆD go dɔn was Zayɔn in gyal pikin dɛn dɔti kɔmɔt ɛn dɛn blɔd sten kɔmɔt na Jerusɛlɛm dɛn kɔmɔt insay am wit jɔjmɛnt ɛn wit faya.

⁵ Datɛnde, PAPA GƆD go mek klawd de oba di wanol Mawnt Zayɔn ɛn oba ɔl di wan dɛn we gɛda de, de tɛm, ɛn smok ɛn brayt brayt faya na nɛt; PAPA GƆD in glori go tan lɛk shed ɛn pavilyɔn.

⁶ Santɛm, i go bi shed lɛ san nɔ go bɔn dɛn, ɛn ples fɔ ayd we big briz de blo ɔ ren de kam.