Ayzaya 34 - Krio Fɔs Oli Baybul

PAPA GƆD Go Pɔnish In Ɛnimi Dɛm

¹ Una kam nia, una di neshɔn dɛn, fɔ yɛri, ɛn lisin, una di pipul dɛm! Lɛ di ath lisin, ɛn ɔl udat de de; di wɔ, ɛn ɔl wetin de kɔmɔt de.

² Bikɔs PAPA GƆD in at wam bad bad wan pan ɔl di neshɔn dɛn, ɛn vɛks pan ɔl di wan dɛn we tap de, I dɔn kɔndɛm dɛn, ɛn dɔn gi dɛn ɔp fɔ mek dɛn go kil dɛm.

³ Dɛn go trowe di wan dɛn we dɛn kil, ɛn dɛn dedebɔdi dɛn sɛnt go go ɔlsay; dɛn blɔd go flo na di mawnten dɛn.

⁴ Ɔltin we de ɔp go rɔtin ɛn di skay go fol lɛk skrol. Ɔltin we de ɔp go fɔdɔm, lɛk we lif de fɔdɔm kɔmɔt pan greps tik, lɛk we lif de fɔdɔm kɔmɔt pan fig tik.

⁵ Bikɔs mi sɔd dɔn drink te i bɛlful ɔp de; A de tɛl yu, i kan dɔŋ fɔ jɔj Idɔm, pan di pipul dɛn we a dɔn kɔndɛm.

⁶ PAPA GƆD gɛt wan sɔd; na soso lod de pan am, i fulɔp wit fat, wit ship pikin ɛn got blɔd, wit di kidni fat pan manship. Bikɔs PAPA GƆD gɛt sakrifays na Bozra, bɔku bɔku kil kil na Idɔm.

⁷ Uman bush kaw go day wit dɛm, ɛn yɔŋ man kaw wit di bigman kaw dɛn. Dɛn lan go gɛ soso blɔd, ɛn di fat go mek dɛn dɔti gud fɔ plant.

⁸ Bikɔs PAPA GƆD gɛt di de we i de rivɛnj, di ia we i go pe dɛn bak fɔseka Zayɔn.

⁹ Ɛn di watasay dɛn na Idɔm go bɔn lɛk ta, ɛn in dɔti go bɔn lɛk brimston; in land go tɔn ples we jɛs de bɔn.

¹⁰ I go bɔn de ɛn nɛt ɛn nɔ go ɔt; in smok go de go ɔp sote go. I go de ɛmti wan frɔm jɛnareshɔn to jɛnareshɔn; nɔbɔdi nɔ go pas de sote go.

¹¹ Na ak ɛn pɔkyupayn go gɛt am, na awl ɛn revɛn dɛn go tap de. I go put di layn ɔf kɔnfyushɔn oba am ɛn di teprul fɔ gbos gbos oba di nobul dɛn.

¹² Dɛn go kɔl am, Nɔn Kindɔm Nɔ De De, ɛn ɔl in bigman dɛn nɔ go gɛt rɛspɛkt.

¹³ Chuk chuk go gro usay dɛn abop, na chuk chuk ɛn plant we gɛt chuk chuk go de na dɛn barik dɛm. Jakal dɛn go de pas pas de, ɛn ɔstrich dɛn go tap de.

¹⁴ Ɛn di wayl bist dɛn go mit de wit di Aina dɛn, di af man af bist we dɛn de kɔl satia, go kray to in kɔmpin; yɛs, na de da wich uman go kan dɔŋ, de luk fɔ ples fɔ blo.

¹⁵ Na de di awl go tap, ɛn le ɛn ach, ɛn gɛda ɔl in pikin dɛn to insɛf; na de dɛn bɔd we nem kayt go gɛda, ɔlman wit in patna.

¹⁶ Luk ɛn rid na PAPA GƆD in buk; nɔn pan dɛnwanya nɔ de we go lɔs; nɔn pan dɛn nɔ go de we nɔ go de wit in patna. Bikɔs na PAPA GƆD in mɔt di ɔda kɔmɔt, ɛn in Spirit dɔn gɛda dɛn.

¹⁷ I dɔn ib days fɔ dɛm, in an dɔn sheb am gi dɛm wit di layn; i go bi dɛn yon sote go, dɛn go de de frɔm jɛnareshɔn to jɛnareshɔn.