Ayzaya 12 - Krio Fɔs Oli Baybul

Tanksgivin Im

¹ Una go tɔk da de de se: “A go tɛl yu tɛnki PAPA GƆD, ɔldo yu bin vɛks pan mi yu at dɔn kol, ɛn yu bin koks mi.

² “Na yu PAPA GƆD gi mi nyu layf; A go biliv yu ɛn nɔ go fred; bikɔs na PAPA GƆD we na mi Gɔd na mi trɛnk, ɛn nain a de siŋ bɔt, ɛn i dɔn bi di wan we gi mi nyu layf.”

³ Na wit gladi yu go ɛnjɔy yu nyu layf.

⁴ Ɛn una go tɔk da de de se: “Tɛl PAPA GƆD tɛnki, pre to am: mek ɔlman no bɔt di tin dɛn we i kin du, mek i bi lɔ fɔ rɛspɛkt in nem.

⁵ “Siŋ de prez PAPA GƆD, bikɔs ɔlman de kɔle pan di tin dɛn we i dɔn du; lɛ ɔlman na di wɔl no bɔt dat.

⁶ Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”