1 Kronikuls 9 - Krio Fɔs Oli Baybul

Di Pipul Dɛn We Bin Kɔmɔt

¹ Dɛn bin rayt ɔlman na Izrɛl dɛn nem bay aw dɛn bɔn ɛn udat bɔn dɛm; dɛn rayt dɛn na di buk we dɛn rayt bɔt di kiŋ dɛn we rul Izrɛl. Dɛn bin kɛr di pipul dɛn na Juda go ɛgzayl na Babilɔn fɔ seka we dɛn nɔ bin de waka tret wit PAPA GƆD.

² Di fɔs pipul dɛn fɔ tɔn bak go tap na dɛn prɔpati dɛn na dɛn siti na bin di Izrɛlayt dɛn, di man dɛn we de mek sakrifays fɔ pipul sin, di Livayt dɛm ɛn di man dɛn we de wok na di tɛmpul.

³ Sɔm pan di pipul dɛm na Juda, Bɛnjamin, Ifrem ɛn Manasɛ bin tap na Jerusɛlɛm;

⁴ Utay, Amiud in bɔypikin we na Omri in bɔypikin, we na Imri in bɔypikin, we na Bani in bɔypikin, ɛn pan Pɛrɛz we na Juda in bɔypikin in yon bɔypikin dɛm.

⁵ Pan di Shilonayt dɛm, yu gɛt Asaia we na di fɔs-bɔy-pikin ɛn in yon bɔypikin dɛm.

⁶ Pan Zera in yon bɔypikin dɛm, yu gɛt Jɛuɛl ɛn dɛn fambul dɛm we bi se na dɛn siks ɔndrɛd ɛn naynti.

⁷ Pan di Bɛnjaminayt dɛm, Salu we in papa na Meshulan, ɛn Mɛshulam in papa na Ɔdavia ɛn Ɔdavia yon papa na Aasɛnua.

⁸ Ibnɛia we na Jɛroam in bɔypikin, Mikri in bɔypikin Uzi, in yon bɔypikin Ɛla, ɛn Meshulam Shefataya in bɔypikin, Reuɛl in bɔypikin, Ibnayja in bɔypikin;

⁹ ɛn dɛn fambul dɛm bay dɛn jɛnareshɔn na bin nayn ɔndrɛd ɛn fifti siks. Dɛn ɔl na bin edman dɛm na dɛn papa dɛn os, bay dɛn difrɛn papa dɛn os dɛm.

Di Man Dɛn We De Mek Sakrifays Fɔ Pipul Sin We Tap Na Jerusɛlɛm

¹⁰ Pan di man dɛn we de mek sakrifays fɔ pipul sin yu gɛt: Jedaia, Jɛoiarib, Jachin,

¹¹ ɛn Azaraya na Ilkaya in bɔypikin. Ilkila na Mɛsulam in yon bɔypikin ɛn Meshulam in na Zedɔk yon bɔypikin. Zedɔk in na Mɛraiɔt in bɔypikin ɛn Mɛrayɔt in na Aitɔb we na di big edman na PAPA GƆD in os, yon bɔypikin;

¹² ɛn Adaya we na Jɛroam in bɔypikin. Jɛroam na Pashɔ in bɔypikin. Pashɔ in na Malchija yon bɔypikin ɛn Maasai we na Adiɛl in bɔypikin. Adiɛl na Jazɛra yon bɔypikin. Jazɛra in na Mɛshulam in bɔypikin. Meshulam in na Mɛshɛlɛmit in yon bɔypikin ɛn Mɛshilɛmit in na Ima yon bɔypikin.

¹³ Apat frɔm dɛn fambul dɛm ɛn di edman dɛm na dɛm papa dɛn os dɛm, na wan tawzin, sɛvin ɔndrɛd ɛn siksti traŋa traŋa man bin de fɔ wok na PAPA GƆD in Os.

Di Livayt Dɛn We Tap Na Jerusɛlɛm

¹⁴ Pan di Livayt dɛm, yu gɛt: Shemaya we na Ashub in bɔypikin. Ashub in na Azrikam in bɔypikin ɛn Azrikam in na Ashabia we kɔmɔt pan Merari in bɔypikin dɛn;

¹⁵ ɛn Bakbaka, Ɛrɛsh, Galal ɛn Matanaya we na Mika in bɔypikin. Mika na Zikray in bɔypikin ɛn Zikray na Asaf yon bɔypikin;

¹⁶ ɛn Obidaya we na Shemaya in bɔypikin. Shemaya na Galal in bɔypikin ɛn Galal we na Jedutun in yon bɔypikin ɛn Bɛrɛchiawe na Asa in bɔypikin. Asa in na Ɛlkena we bin tap na dɛn Nɛtofatayt dɛm vilej dɛm.

Di Tɛmpul Wachman Dɛm We Tap Na Jerusɛlɛm

¹⁷ Di getman dɛm na bin: Shalum, Akub, Talmɔn, Aiman ɛd man fambul dɛm (Shalum na bin di edman pan dɛn).

¹⁸ Dɛm bin na di kiŋ in get na di ist say. Na dɛn wan ya na bin di wachman dɛn na di Livayt kamp:

¹⁹ Na Shalum we na Kɔrɛ in bɔypikin, Kɔrɛ we na Ebiasaf in bɔypikin, ɛn Ebiasaf we na Kora in yon bɔypikin, ɛn in fambul dɛm we dɛn ɔl kɔmɔt nain Papa os, dat na di Koraayt dɛm, bin de inchaj ɔf ɔl di wokman dɛn, di domɔt dɛn fɔ go insay di tɛnt, jɛs lɛk aw dɛn papa dɛnsɛf bin de inchaj ɔf PAPA GƆD in getman dɛn kamp.

²⁰ Na Finias we na Ɛlieza in bɔypikin, na bin dɛn fɔstɛm kɔmand; PAPA GƆD bin de wit am.

²¹ Na Zɛkaraya we na Mɛshɛlɛmia in bɔypikin na bin di getman na di domɔt fɔ go insay di tɛn we dɛn kin mit wit PAPA GƆD.

²² Ɔl dɛn wan ya we dɛn bin pik fɔ bi getman dɛn na di domɔt dɛn, na bin tu ɔndrɛd ɛn twɛlv. Dɛn bin rejista dɛn dɛn bay aw dɛn bɔn ɛn bay udat bɔn dɛn, na dɛn vilej dɛn. Na Devid ɛn Samiɛl we na bin prɔfɛt, bin gi dɛn fɔstɛm-papa dɛn Rɛspɔnsibiliti dɛn de.

²³ So na dɛn ɛn bɔypikin bin de inchaj na di get dɛm na PAPA GƆD in os; dat na di tɛnt os we dɛn na bin wachman dɛn.

²⁴ Di getman dɛm bin de ɔlsay, ist, wɛst, nɔt ɛn sawt;

²⁵ ɛn dɛn fambul dɛn we bin de na dɛn vilej dɛn, bin gɛt lɔ se dɛn fɔ kam ɛvri sɛvin de, frɔm tɛn to tɛm, fɔ kam de wit dɛn;

²⁶ bikɔs di fo edman pan di getman dɛm we na Livayt dɛn, bin de inchaj ɔf di rum dɛm ɛn di valyuebul prɔpati dɛm we bin de na PAPA GƆD in os.

²⁷ Dɛn bin de ɔlrawnd PAPA GƆD in os; bikɔs na dɛn bin gɛt di wok fɔ wach, ɛn na dɛn bin de opin de ɛvri mɔnin.

Di Ɔda Livayt Dɛm

²⁸ Na sɔm ɔf dɛm bin de inchaj ɔf di tin dɛn we dɛn bin de yuz na di tɛmpul, bikɔs na dɛn de ikɔnt dɛn we dɛn briŋ dɛn kam insay ɛn we dɛn de kɛr dɛn go na do.

²⁹ Ɔda wan dɛn bin de we dɛn pik fɔ tek kia ɔf di fɔnichɔ, di oli tin dɛn we dɛn de yuz na di tɛmpul, ɛn sɛf fɔ de wach di fayn flawa, di wayn, di ɔyl, di insɛns ɛn di spays dɛm.

³⁰ Sɔm ɔda wan dɛm pan di man dɛn we de mek sakrifays fɔ pipul sin dɛn bɔypikin dɛm, bin de fɔ miks di spays dɛm.

³¹ Ɛn na Matitaya we na wan pan di Livayt dɛm, we na Shalum we na da Koraayt in fɔs pikin, bin de inchaj fɔ mek di flat kek dɛn.

³² Igen, na sɔm pan dɛn Koaatayt fambul dɛm wok fɔ mek di oli bred ɛvri de fɔ blo ɛn rɛst de.

³³ Na dɛn wan ya na di Siŋman dɛm, we na edman dɛn na dɛn na dɛn Papa dɛn os dɛn na di Livayt fambul, we tap na di rum dɛn na di tɛmpul, ɛn nɔ gɛt nɔn ɔda wok fɔ du pas fɔ de siŋ de ɛn nɛt.

³⁴ Na di edman dɛn na dɛn papa dɛn os dɛn na di Livayt fambul, bay dɛn jɛnareshɔn we bin tap na Jerusɛlɛm.

Kiŋ Sɔl In Ansɛstɔ Ɛn Jɛnareshɔn Dɛn

³⁵ Jɛiɛl, we na Gibiɔn in papa, bin tap na Gibiɔn ɛn in wɛf bin nem Maka,

³⁶ ɛn in fɔs-bɔy-pikin na bi Abdɔn, dɛn yu gɛt Zur, Kish, Beal, Nɛr, Nadab,

³⁷ Gɛdɔr, Aio, Zɛkaraya ɛn Miklot;

³⁸ ɛn Miklot na bin Shimɛa in Papa, ɛn dɛn wan ya so bin tap ɔpozit dɛn brɔda dɛm na Jerusɛlɛm wit dɛn fambu dɛn.

³⁹ Nɛr na Kish in Papa. Kish na Sɔl yon, Sɔl na Jonɛthan, Malkishua, Abinadab ɛn Ɛshbeal yon papa;

⁴⁰ ɛn Jonɛthan in bɔypikin na bin Meribeal, ɛn Meribeal na bin Mayka in Papa.

⁴¹ Mayka in bɔypikin dɛm: Pitɔn, Mɛlɛk, Tarɛa ɛn Eaz;

⁴² ɛn Ɛaz na bin Jara in Papa, ɛn Jara na Alimɛt, Azmavɛt ɛn Zimri yon papa Zimri na bin Moza in papa.

⁴³ Moza na bin Binɛa in papa; ɛn Refaia na bin Binɛa in bɔypikin. Ɛliasa na bin Refaya in bɔypikin, ɛn Azɛl na bin Ɛliasa yon bɔypikin.

⁴⁴ Ezɛl bin gɛt siks bɔypikin ɛn na dɛn nem dɛn dɛn wan ya: Azrikam, Bochɛru, Ismɛl, Shɛaria, Obidaya ɛn Anan. Na Ezɛl in bɔypikin dɛn wan ya.