1 Kronikuls 7 - Krio Fɔs Oli Baybul

Isaka in Jɛnareshɔn

¹ Isaka in bɔypikin dɛm: Tola Pua, Jashub ɛn Shimrɔn. Na dɛn fo.

² Tola in bɔypikin dɛm: Uzi, Refaia, Jɛriɛl, Jamai, Ibsam ɛn Shɛmuɛl. Dɛn na bin edman dɛn na dɛm papa dɛn os dɛm; dɛn na bin di Tola famili. Dɛn jɛnareshɔn na bin traŋa traŋa sojaman dɛn. Di tɛm we Devid bin de na pawa, na bin dɛn twɛnti tu tawzin siks ɔndrɛd bin de..

³ Uzi in bɔypikin dɛm: Izraya. Ɛn Izraya in yon pikin dɛm na: Maykɛl, Obidaya, Joɛl ɛn Ishia. Na bin dɛn fayv. Dɛn ɔl na bin edman dɛm;

⁴ insay dɛn jɛnareshɔn, bay dɛn papa dɛn os dɛm, dɛn bin ebul gɛt tati siks tawzin sojaman dɛn fɔ fɛt wa bataliɔn dɛn na di ami de fɔ fɛt wa, bikɔs dɛn bin gɛt plɛnti wɛf ɛn bɔypikin.

⁵ Ɔl in ɔl, di brɔda dɛn we blant di Isaka fambul na bin eti sɛvin tawzin traŋa traŋa fɛtman dɛm we dɛn rayt nem bay aw dɛn bɔn.

Di Bɛnjamin ɛn Di Dan Jɛnareshɔn

⁶ Bɛnjamin in bɔypikin dɛm: Bɛla, Bɛka ɛn Jɛdiaɛl. Na bin dɛn tri.

⁷ Bɛla in bɔypikin dɛm: Ɛzbɔn, Uzi, Uziɛl, Jɛrimɔt ɛn Iri. Na bin dɛn fayv ɛn dɛn na bin edman dɛn na dɛn Papa dɛn os ɛn dɛn na bin traŋa traŋa sojaman dɛm: We dɛn rayt dɛn ɔl nem bay aw dɛn bɔn, na bin dɛn twɛnti tu tawzin ɛn tati fɔ.

⁸ Bɛka in bɔypikin dɛm: Zɛmira, Joash, Eliɛza, Ɛlioɛnai, Omri, Jɛrɛmoth, Abija, Anatɔt ɛn Alɛmɛt. Na ɔl Bɛka in bɔypikin dɛn wan ya;

⁹ ɛn we dɛn rayt dɛn nem dɛn bay aw dɛn bɔn ɛn bay dɛn jɛnareshɔn, ɛn as edman dɛm na dɛn papa dɛn os, ɛn traŋa traŋa sojaman dɛm, na bin dɛn twɛnti tawzin, tu ɔndrɛd.

¹⁰ Jediaɛl in bɔypikin dɛm: Bilan, ɛn Bilan in bɔypikin dɛm na, Jɛush, Bɛnjamin, Eud; Chɛnaana, Zɛtan, Tashish ɛn Ashishaa.

¹¹ Ɔl dɛn wan ya na Jediaɛl in bɔypikin dɛm, bay dɛn bin bi edman dɛn na dɛn papa dɛn os dɛn ɛn traŋa traŋa sojaman dɛn, ɔl in ɔl, na bin dɛn sɛvintin tawzin, tu ɔndrɛd bin tambay fɔ wa.

¹² Ɛn Shupim ɛn Upim na bin Ir in bɔypikin dɛm. Ushim na Aa in bɔypikin.

Naftali In Jɛnareshɔn

¹³ Naflalay in bɔypikin dɛm: Jaziɛl, Guni, Jɛza ɛn Shalum we Bila bɔn.

Manasɛ in Jɛnareshɔn

¹⁴ Manasɛ in bɔypikin dɛm: Asriɛl we nain Araminian kɔnkyubayn bɔn fɔ am; dis uman bɔn Makir we na Giliad in Papa.

¹⁵ Makir fɛn wɛf dɛn fɔ Hupim ɛn Shupim. In sista bin nem Maaka. Di sɛkɛn sista bin nem Zɛlofɛad; Zɛlofɛad bin gɛt gyal pikin dɛm.

¹⁶ Ɛn Maaka we na Makir in wɛf, bin bɔn bɔypikin we I gi di nem, Perɛsh; ɛn i bin gi in brɔda we i bin bɔn bak nem Shɛrɛsh. Pɛrɛsh in yon bɔypikin dɛm bin nem Ulam ɛn Rakɛm.

¹⁷ Ulam in bɔypikin dɛm: Bedan. Dɛn wan ya, na bin Giliad we na Makir we Manasɛ bɔn, in bɔypikin, in yon bɔypikin dɛn:

¹⁸ Ɛn in sista Amɔlɛkɛt bin bɔn Ishɔd, Abieza ɛn Mala.

¹⁹ Shɛmida in bɔypikin dɛm na bin Aiam, Shɛkɛm Liki ɛn Aniam.

Ifrem in Jɛnareshɔn

²⁰ Ifrem in bɔypikin dɛm: Shutela ɛn in bɔypikin Bɛrɛd, in bɔypikin Taat, in bɔypikin Ɛlead, in bɔypikin Taat,

²¹ in bɔypikin Zabad, in bɔypikin Shutɛla, ɛn in bɔypikin dɛn Ɛza ɛn Ɛlead, we di man dɛn we bɔn na Gat bin kil bikɔs dɛn bin kam dɔŋ fɔ go tif dɛn kaw dɛm.

²² Dat bin mek dɛn papa Ifrem munin fɔ lɔŋ tɛm ɛn Ifrem in brɔda dɛn bin kan tɛl am as ɛn koks am.

²³ So Ifrem lidɔm wit in wɛf ɛn di uman gɛt bɛlɛ ɛn bɔn bɔypikin ɛn in gi am nem Bɛria bikɔs waala bin dɔn mit in os.

²⁴ In gyal pikin na Shira we bin bil bɔtɔm say ɛn ɔp say na Bɛtorɔn ɛn Uzɛn Shira.

²⁵ In bɔypikin na bin Rɛfa. Rɛfa in bɔypikin Rɛshɛf, in bɔypikin Tɛla, in bɔypikin Taan,

²⁶ in bɔypikin Ledan, in bɔypikin, Amiud, in bɔypikin Ilayshama,

²⁷ in bɔypikin Nun, in bɔypikin Joshua.

²⁸ Dɛn prɔpati ɛn usay dɛn bin sɛtul na Bɛtɛl ɛn in in siti dɛn, Naaran we yu go ist, Gɛza ɛn in siti dɛn we yu de go di wɛst, Shɛkɛm ɛn in siti dɛm, ɛn Aya ɛn in siti dɛm.

²⁹ Igen, we yu de go bay di Manasayt bɔda, dɛn gɛt Bɛt Shan ɛn in siti dɛm, Taanak ɛn in siti dɛn, Mɛgido ɛn in siti dɛn, Dɔ ɛn in siti dɛm. Na dɛn ples dɛn ya Josɛf we na Jekɔb, in bɔypikin, in yon bɔypikin dɛm bin tap.

Asha in Jɛnareshɔn

³⁰ Asha in bɔypikin dɛm: Imna, Ishva, Ishvi, Bɛria ɛn dɛn sista, Sera.

³¹ Bɛraya in bɔypikin dɛm. Eba ɛn Malkiɛl we na bin Bizait in Papa.

³² Eba na Jaflɛt, Shoma, ɛn Otan dɛn Papa, ɛn dɛn sista Shua.

³³ Jaflɛt in bɔypikin dɛm: Pasak, Bimal ɛn Ashvat. Na dɛn wan ya na Jaflɛt in bɔypikin dɛm.

³⁴ In brɔda Shoma in bɔypikin dɛm: Roga, Jeuba ɛn Eram.

³⁵ In brɔda Ɔtam in bɔypikin dɛm: Zofa, Imna, Shelɛh ɛn Amal.

³⁶ Zofa in bɔypikin dɛm: Sua, Anɛfa, Shual, Beri ɛn Imra,

³⁷ Beza, Ɔd, Shama, Shilsha, Itran, ɛn Bɛɛra.

³⁸ Jɛta in bɔypikin dɛm: Jɛfunɛ, Pispa ɛn Ara.

³⁹ Ula in bɔypikin dɛm: Ara, Aniɛl ɛn Rizia.

⁴⁰ Ɔl dɛn wan ya na man dɛn we kɔmɔt na di Asha fambul; dɛn na bin edman dɛn na dɛn papa dɛn os dɛm, traŋa traŋa sojaman dɛm we ɔlman gri fɔ, Edman dɛn pan di bigman dɛm. We dɛn rayt dɛn nem dɛm bay aw dɛn bɔn dɛn fɔ fɛt wa, na bin twɛnti siks tawzin man dɛn.