1 Kronikuls 5 - Krio Fɔs Oli Baybul

Rubɛn in Jɛnareshɔn

¹ Rubɛn we na Izrɛl in fɔs pikin, in yon pikin dɛn. Nain na di fɔs pikin; (bɔt fɔseka we i lidɔm wit wan pan in papa in wɛf, dɛn bin gi in bath rayt as big wan to Josɛf we na Izrɛl in pikin, in yon pikin dɛm. Na dat mek we dɛn kin rayt dɛn ɔl nem bay aw dɛn bɔn, nɔto in nem kin de fɔs.

² Pan ɔlwe Juda kam bɛtɛ pas ɔl in brɔda dɛn ɛn bigman bin kam kɔmɔt nain layn, di rayt as big wan blant Josɛf.)

³ Rubɛn we na Izrɛl in fɔs pikin, in yon pikin dɛm: Anɔk, Palu, Ɛzrɔn ɛn Kami.

⁴ Joɛl in bɔypikin dɛm: In bɔypikin na Shemaya. Shemaya in bɔypikin na Gɔg. Gɔg in bɔypikin na Shimɛi.

⁵ Shimɛi in bɔypikin na Mayka. Mayka in bɔypikin na Rɛaia. Rɛaia in bɔypikin na Beal.

⁶ Beal in yon pikin na Bira we Tiglat Pilɛsa we na bin kiŋ na Asiria, bin kɛr go ɛgzayl; in na bin di bigman fɔ di Rubɛnayt dɛm.

⁷ Dɛn wan ya nain kɔntriman dɛn ɛn na di tɛm we dɛn bin gri wit dɛn se dɛn fɔ rayt dɛn ɔl nem bay aw dɛn bɔn bay dɛn famili. Di bigman dɛn na Jɛiɛl ɛn Zɛkaraya.

⁸ Dɔn yu gɛt Bɛla we na Azaz in bɔypikin. Azaz na Shɛma in bɔypikin. Shɛma na Joɛl we bin tap na Aroɛa te rich Nɛbɔ ɛn Bal Mɛɔn, in yon bɔypikin.

⁹ Igen, i bin tap na di ist say ɔp to di say we di ɛmti ples we pɔsin nɔ go ebul tap bigin na dis pat na Riva Yufretis, bikɔs dɛn kaw dɛn dɔn plɛnti na Giliad.

¹⁰ Di tɛm we Sɔl na bin kiŋ, dɛn bin mek wa pan di Agrayt pipul we dɛn bin kil kil; dɔn dɛn tap na dɛn tɛnt dɛm ɔlsay da pat de we na di ist pat na Giliad

Gad in Jɛnareshɔn

¹¹ Gad in bɔypikin dɛn bin tap na Beshan, ɔpsay to dɛn kɔmpin dɛn te rich Salɛka.

¹² Joɛl na bin di bigman, Shafam na bin di sɛkɛn wan, dɔn yu gɛt Janai ɛn Shafat na Beshan.

¹³ Naw fɔ dɛn brɔda dɛn bay dɛn difrɛn akɔdin to dɛn papa os os: Maykɛl, Mɛshulam, Shiba, Jorai, Jakan, Zia ɛn Eba; Na dɛn sɛvin.

¹⁴ Dɛn wan ya na Abiail we na Yuri in bɔypikin, in pikin dɛn. Yuri na Jaroa in bɔypikin. Jaroa na Giliad in bɔypikin. Giliad na Maykɛl in bɔypikin. Maykɛl na Jɛshishai in bɔypikin. Jɛshishai na Jado in bɔypikin. Jado na Buz in bɔypikin.

¹⁵ Ai, we na Abdeɛl we Guni bɔn, in yon bɔypikin, na bin di edman na dɛn papa dɛm os dɛn:

¹⁶ Ɛn dɛn bin tap na Giliad, na Beshan ɛn di siti dɛm we de de, ɛn ɔl di land we bɔku gras de gro na Sharɔn fɔ fid ship ɛn got te usay di land tap.

¹⁷ Dɛn bin rayt ɔl dɛn wan ya bay aw dɛn bɔn di tɛn we Jotam na bin kiŋ dɛn nem dɛn bay dɛn jɛnareshɔn di tɛm we Sotam na bin kiŋ na Juda ɛn di tɛm we Jɛroboam na bin kiŋ na Izrɛl.

Di Istɛn Fambul Dɛn Fɛtman Dɛn

¹⁸ Di Rubɛnayt, di Gadayt ɛn di af Manasɛ fambul bin gɛt man dɛm we nɔ de fred natin, man dɛn we de fɛt wit big shild ɛn sɔd, bo ɛn aros ɛn dɛn na mastasabi man dɛm pan wa. Na bin dɛn fɔti fo tawzin, sɛvin ɔndrɛd ɛn siksti, bin de rɛdi fɔ fɛt.

¹⁹ Dɛn bin fɛt di Agrayt dɛm, di Jetɔ, di Nafish ɛn Nɔdab dɛm;

²⁰ ɛn wɛn dɛn bin gɛt pipul dɛn fɔ ɛp dɛn fɔ fɛt, dɛn bin kapchɔ di Agrayt ɛn ɔl di wan dɛn we bin de wit dɛn, bikɔs dɛn bin pre to PAPA GƆD we dɛn de fɛt. I gi dɛn wetin dɛn aks fɔ bikɔs dɛn biliv am.

²¹ Dɛn kɛr ɔl dɛn kaw, got ɛn ship go: fifti tawzin pan dɛn kamɛl, tu ɔndrɛd ɛn fifti tawzin ship, tu tawzin dɔŋki ɛn wan ɔndrɛd tawzin man dɛm layf wan.

²² Plɛnti pipul bin day bikɔs na PAPA GƆD bin gɛt di wa. Dɛn bin tap na dɛn ples sote di tɛm we dɛn bin kɛr dɛn go ɛgzayl.

Di Manasɛ Pipul Dɛn Na Di Ist

²³ Na di pipul dɛn na af di Manasɛ fambul bin tap na di land; dɛn bin de bɔku bɔku wan frɔm Beshan te rich Beal Amɔn, Sɛnir ɛn Mawnt Amɔn.

²⁴ Dɛn wan ya na di edman dɛm fɔ dɛn papa dɛn os: Ɛfa, Ishi, Ilaɛl, Azriɛl, Jɛrimaya, Odavaya ɛn Jadiɛl; dɛn na bin pawaful fɛt man dɛm, femɔns man dɛm ɛn Edman dɛm fɔ dɛn Papa dɛn os dɛm.

Dɛn Dipɔt Di Istɛn Fambul Dɛn

²⁵ Bɔt dɛn brok PAPA GƆD we na dɛn papa dɛn Gɔd in lɔ ɛn bigin rare biɛn di pipul we de na di land dɛn yon gɔd dɛn, we PAPA GƆD bin dɔn kil bifo dɛm kam.

²⁶ So Izrɛl dɛn Gɔd mek Pul we na kiŋ na Asiria ɛn Tiglat Pilɛsa we na kiŋ na Asiria vɛks, fɛt ɛn drɛb di Rubɛnayt, di Gadayt ɛn di Manasɛ fambul dɛn kɔmɔt de ɛn kɛr dɛn go Ala, Abɔ, Ara, ɛn di Riva Gozan. Dɛn de de te tide.