1 Kronikuls 4 - Krio Fɔs Oli Baybul

Juda In Jɛnareshɔn

¹ Juda in bɔypikin dɛm: Pɛrɛz, Ɛzrɔn, Kami, Ɔ ɛn Shobal.

² Rɛaia we na bin Shobal in bɔypikin na bin Jeat in papa. Jeat in na bin Aumai ɛn Land dɛn yon papa. Na di Zora fambul dɛn dɛn wan ya.

³ Dɛn wan ya na Itam in bɔypikin dɛm: Jɛzril, Ishma, ɛn Idbash; dɛn sista bin nem Azɛlɛlponi,

⁴ ɛn Pɛnyuɛl na bin Gɛdɔ in papa, ɛn Ɛza na Usha yon papa. Dɛn wan ya na bin Ɔ in bɔypikin dɛn. Ɔ na Efrata we na Bɛtliɛm in papa, in yon fɔs pikin.

⁵ Ashur we na Tɛkoa in Papa bin gɛt tu wɛf Ɛla ɛn Naara.

⁶ Naara bɔn Auzam, Ɛfa, Tɛmɛni ɛn Aaashtari fɔ am. Dɛn wan ya na bin Naara in bɔypikin pikin dɛm.

⁷ Ɛla in bɔypikin dɛm: Zɛrɛt, Iza ɛn Ɛthan.

⁸ Kɔz na bin Anub ɛn Zobɛba dɛn papa. Na frɔm kɔz, Aarɛl we na Arum in bɔypikin, dɛn fambul dɛn ɔl kɔmɔt.

⁹ Jebɛz bin gɛt rɛspɛkt pas ɔl in brɔda dɛn; ɛn in mama bin gi am nem Jebɛz, we min se, “a bɔn am insay pen.”

¹⁰ Jebɛz bin pre to Izrɛl dɛn Gɔd se “Duya blɛs mi, gi mi mɔ land ɛn kɔba mi mek natin bad nɔ mit mi” Ɛn PAPA GƆD bin gi am wetin i pre fɔ.

Ɔda fambul list dɛm.

¹¹ Kelɛb we na Shua in brɔda, na bin Meir we na Ɛshtin in papa, in yon Papa.

¹² Ɛshtin na bin Bɛthrafa, Pasɛa ɛn Tɛina dɛn papa. Tɛinain na bin Naash in yon papa. Na di man dɛn dɛn wan ya we kɔmɔt Reka.

¹³ Kenaz in bɔypikin dɛm: Othniɛl ɛn Seraya; Othniyɛl in yon bɔypikin dɛm na Atat ɛn Mɛonotai.

¹⁴ Mɛonotai na bin Opra in Papa; Seraya in na bin Joab we na Gɛarashim in papa, in yon papa. Dɛn gi dɛn nem Gɛarashin we min ples we masta sabi wokman dɛn plɛnti, bikɔs dɛn sabi wok wit dɛn an.

¹⁵ Na Kelɛb we na Jɛfunɛ in bɔypikin, in yon bɔypikin dɛm dɛn wan ya: Iru, Ɛla ɛn Naam; Ɛla na bin Kɛnaz in yon papa.

¹⁶ Jɛalɛlɛl in bɔypikin dɛm: Zif, Zifa, Tiria ɛn Asarɛl.

¹⁷ Ɛzra in bɔypikin dɛm: Jɛta, Mɛrɛd, Ɛfa ɛn Jalɔn. Dɛn wan ya na Bitia we na Fero in gyal we bin mared to Mɛrɛd in yon bɔypikin dɛn. I gɛt bɛlɛ ɛn bɔn Miriam, Shamay ɛn Ishba we na Ɛshtɛmoa in papa.

¹⁸ Nain wɛf we na ju bin bɔn Jɛrɛd we na Gɛdɔpapai, Eba we na Sɔkɔ in papa ɛn Jɛkutiɛl we na Zanoa in yon papa.

¹⁹ Odaia in wɛf we na Naam in sista, in bɔypikin dɛm na papa dɛn fɔ Kɛila we na Gadayt ɛn Ɛshtɛmoa we na Maakatayt.

²⁰ Shimɔn in bɔypikin dɛm: Amnɔn, Rina, Bɛnanan ɛn Tilɔn. Ishi in bɔypikin dɛm: Zoɛt ɛn Bɛnzoɛt.

Shela in Jɛnareshɔn dɛm

²¹ Shela we Juda in bɔypikin, in yon bɔypikin dɛm: Ɛr we na Lɛka in papa, Land we na Marɛsha in papa ɛn di fambul dɛn we dɛn wok na fɔ mek linin na Bɛth Ashbɛa;

²² ɛn Jokim, ɛn di man dɛm na Kozɛba, ɛn Joash ɛn Saraf we bin de rul Moan ɛn bin tɔn bak go Bɛtliɛm.

²³ Dɛn wan ya na di wan dɛn we de wok wit kle ɛn di wan dɛn we tap na Nɛtaim ɛn Gɛdɛra; dɛn bin tap de wit di kiŋ fɔseka in wok.

Simiɔn in Jɛnareshɔn

²⁴ Simiɔn in bɔypikin dɛm: Nɛmuɛl, Jamin, Jarib, Zɛra ɛn Shaul.

²⁵ Shalum na bin Shaul in bɔypikin, Mibsam na bin Salum in bɔypikin, Mishma na bin Mibsam in yon bɔypikin.

²⁶ Mishma in bɔypikin dɛm: Amuɛl, Amuɛl in bɔypikin we na Zakɔ ɛn Shimɛi we na Zakɔ in bɔypikin.

²⁷ Shimɛi bin gɛt sikstin bɔypikin ɛn siks gyal pikin, bɔt in brɔda dɛn nɔ bin gɛt plɛnti pikin dɛm, ɛn nɔto ɔl dɛn fambul dɛm bin bɔn lɛk di man dɛn na Juda.

²⁸ Dɛn wan ya bin tap na Biashiba, Molada, Azashual,

²⁹ Bila, Ezɛm, Tolad,

³⁰ Bɛthuɛl, Ɔma, Ziklag,

³¹ Bɛth Makabɔth, Azasusim, Bɛthbiri ɛn Shaaraim. Na bin dɛn siti dɛn dɛn wan ya te Devid kam na pawa.

³² Ɛn dɛn siti dɛm na bin, Ɛtam, Ain, Rimɔn, Tochɛn ɛn Ashan. Na bin fayv siti dɛn,

³³ wit dɛn vilej dɛn we bin de rawnd di siti dɛn te rich Beal. Na di say dɛn we dɛn sɛtul ɛn dɛn bin kip rɛkɔd bɔt ɔl udat bɔn ɛn udat bɔn dɛm.

³⁴ Mɛshɔb, Jamlɛk, Jɔsha we na Amazaya in bɔypikin,

³⁵ Joɛl, Jɛu we na Jɔshibaya in bɔypikin, we na Seraya in bɔypikin, we na Asiɛl in bɔypikin,

³⁶ Elioɛnai, Jaakoba, Jeshoaia, Asaia, Adiɛl, Jɛshimiɛl, Bɛnaya,

³⁷ Ziza we na Shifi in bɔypikin, we na Alɔn in bɔypikin, we na Jɛdaya in bɔypikin, we na Shimri in bɔypikin, we na Shɛmaya in bɔypikin-

³⁸ Dɛn wan ya we dɛn nem dɛn de ya na bin bigman dɛm na dɛn fambul dɛm, ɛn dɛn Papa dɛn os dɛm bin jɛs de bɛtɛ.

³⁹ Dɛn travul go na di get fɔ go insay Gedɔ, we de na di ist say na di vali, fo fɛn gras fɔ dɛn animal dɛm fɔ it.

⁴⁰ Na de dɛn fɛn fayn swet gras ɛn di land bi big, kwayɛt ɛn gɛt kol at; bikɔs di wan dɛn we bin tap de fɔs, na bin Am in pipul dɛn.

⁴¹ Dɛn wan ya we dɛn bin rɛjista dɛn nem bin kam da tɛm we Ɛzikaya na bin kiŋ na Juda ɛn pwɛl dɛn tɛn tɛnt dɛn ɛn kil ɔl di Meunim dɛm we bin de de kpata kpata sote tide, ɛn sidɔm na dɛn ples, bikɔs fayn gras bin lib de fɔ dɛn ship ɛn got.

⁴² Ɛn sɔm pan dɛm, bɔt sɔm fayv ɔndrɛd Simiɔnayt man dɛm go na Mawnt Sɛir, dɛn lida dɛm na bin Pɛlataya, Nɛaria, Refaya ɛn Yuziɛl, we na Ishi in bɔypikin dɛm.

⁴³ Dɛn kil kil ɔl di balans Amalɛkayt dɛn we bin dɔn slayd, ɛn dɛn tap de te tide.