1 Kronikuls 3 - Krio Fɔs Oli Baybul

Kiŋ Devid in pikin dɛm.

¹ Dɛn wan ya na Devid in bɔypikin dɛn we i bɔn na Ɛbrɔn: di fɔs wan na Amnɔn we Ainoam we kɔmɔt Jɛzril bɔn. Di Sɛkɛn wan na Daniɛl we Abigɛl we kɔmɔt Kamɛl bɔn.

² Di tɔd wan na Absalɔm; in yon mama na Maaka we na Talmay, kiŋ na Geshur in gyal pikin. Di nɔmba fo pikin na Adonayja we in yon mama na Agit.

³ Di nɔmba fayv pikin na shefataya we Abital bɔn; di nɔmba siks pikin na Itrɛam we nain wɛf, Ɛgla bɔn.

⁴ I bɔn siks pikin na Ɛbrɔn usay i bi kiŋ fɔ sɛvin ia ɛn siks mɔnt. I bi kiŋ na Jerusɛlɛm fɔ tati tri ia.

⁵ Na dɛn wan ya i bɔn na Jerusɛlɛm: Shimɛa, Shobab, Netan ɛn Sɔlɔmɔn; na Batshiba we na Amiɛl in gyal pikin, bɔn dɛn fo ya.

⁶ Dɔn yu gɛt, Iba, Elishua, Elpɛlɛt,

⁷ Nɔga, Nɛfɛg, Jafia,

⁸ Elishama, Eliada ɛn Elifɛlɛt; nayn pikin.

⁹ Ɔl dɛn wan ya na Devid in bɔypikin dɛn apat frɔm di bɔypikin dɛm we in kɔnkyubayn dɛn bɔn. Tama na bin dɛn sista.

Kiŋ Sɔlɔmɔn in Jɛnareshɔn

¹⁰ Sɔlɔmɔn in Jɛnareshɔn: Rɛoboam, in bɔypikin Abija, in bɔypikin Asa, in bɔypikin Jɛoshafat,

¹¹ in bɔypikin Jɛoram, in bɔypikin Aazia, in bɔypikin Joash,

¹² in bɔypikin Amazaya, in bɔypikin Yuraya, in bɔypikin Jotam,

¹³ in bɔypikin Eaz, in bɔypikin Ɛzikaya, in bɔypikin Manasɛ,

¹⁴ in bɔypikin Amɔn, in bɔypikin Josaya.

¹⁵ Josaya in bɔypikin dɛm: Joanan we na di fɔs pikin, Jɛoiakim di sɛkɛn wan Zɛdikaya di tɔd wan ɛn Joaaz we na di nɔmba fo.

¹⁶ Jɛoiakim in Jɛnareshɔn: in bɔypikin Jɛoiachin ɛn in bɔypikin Zɛdikaya.

Kiŋ Jɛoiachin in Jenareshɔn

¹⁷ Jɛoiachin we dɛn kapchɔ in bɔypikin dɛm: In bɔypikin Shɛaltiɛl,

¹⁸ Malchiram, Pɛdaya, Shɛnaza, Jekamaya, Oshama ɛn Nɛdabia;

¹⁹ Pɛdaya in yon bɔypikin dɛm: Zerubabɛl ɛn Shimɛi; ɛn Zerubabɛl in bɔypikin dɛm: Meshulam ɛn Ananaya, ɛn Shelomit na bin dɛn sista;

²⁰ Ɛn Ashuba, Oɛl, Bɛrɛchia, Asadia ɛn Jushab Ɛsɛd; na dɛn fayv.

²¹ Ananaya in bɔypikin dɛm: Pɛlataya ɛn Jɛshaia. Jɛshaia in bɔypikin na Refaya. Refaya in bɔypikin na Anan. Anan in bɔypikin na Obadaya. Obadaya in yon bɔypikin na Shɛkanaya.

²² Shɛkanaya in bɔypikin dɛm: Shemaya. Ɛn Shemaya in bɔypikin dɛm na: Atush, Igal, Baria, Nɛaria ɛn Shafat; na dɛn siks.

²³ Nɛaria in bɔypikin dɛm: Ɛlioenay, Izkia, ɛn Azrikam; na dɛn tri.

²⁴ Ɛlioenay in bɔypikin dɛn: Odavia, Ɛliashib, Pɛlaya, Akub, Joanan Dilayla ɛn Anani; na dɛn sɛvin.