1 Kronikuls 27 - Krio Fɔs Oli Baybul

Di we dɛn Ɔganayz di Militri ɛn di Sivilian dɛm

¹ Na di list dis fɔ di Izrɛl pipul dɛm, di Papa os edman dɛm, di kɔmand dɛm fɔ wan tawzin ɛn wan ɔndrɛd ɛn dɛn ɔfisa dɛm we sav di kiŋ pan ɔl kayn tin we na fɔ di difrɛn sɛkshɔn dɛm we de kam ɛn go mɔnt bay mɔnt te di ia dɔn, ɛni sɛkshɔn in nɔmba na twɛnti fo tawzin.

² Jashobiam Zabdiɛl in bɔypikin nain rɛspɔnsibul fɔ di fɔ grup ɛn di fo tawzin.

³ Na Pɛrɛz in layn in kɔmɔt ɛn nain na di lida fɔ ɔl di kɔmanda dɛm na di ami fɔ di fɔs mɔnt.

⁴ Doday di Ao-ayt nain rɛspɔnsibul fɔ di grup di sɛkɛn mɔnt, Insay in sɛkshɔn na twɛnti fo tawzin.

⁵ Di tɔd kɔmanda fɔ di tɔd mɔnt na bin Bɛnaya, we na Jeodia di Man dɛn we de mek sakrifays fɔ pipul sin bɔypikin ɛn ɔnda in kɔmand i bin gɛt twɛnti fo tawzin man.

⁶ Dis na Bɛnaya we na bin mayti man pan tati man, ɛn bin de kɔntrol dɛn ɔl. Na Amizabad we nain bɔypikin nain rɛspɔnsibul fɔ da sɛkshɔn de.

⁷ As ɛl Joab in brɔda na nɔmba to fɔ di mɔnt we mek fo. Ɛn in bɔypikin Zebadaya bin de nɛks to am; nain Sɛkshɔn na dɛn twɛnti fo tawzin.

⁸ Di nɔmba fayv kɔmanda fɔ di nɔmba fayv mɔnt na Shamut di Izrayt; nain sɛkshɔn na dɛn twɛnti fo tawzin; nain sɛkshɔn na dɛn twɛnti fo tawzin.

⁹ Siks, fɔ di nɔmba siks mɔnt na Ira, Ikɛsh di Tekoayt in bɔypikin. Nain sɛkshɔn na twɛnti fo tawzin de de.

¹⁰ Sɛvin fɔ di sɛvin mɔnt na Elɛz di Pɛlanayt wan pan Ifrem in bɔypikin dɛm in sɛkshɔn na twɛnti fo tawzin de de.

¹¹ Et, fɔ di et mɔnt na sibɛkay di Ushatayt wan pan di Zeraayt dɛm in sɛkshɔn na twɛnti fo tawzin de de.

¹² Nayn fɔ di nɔmba nayn mɔnt na Abieza fɔ Anatɔt wan Bɛnjaminayt; in sɛkshɔn na twɛnti fo tawzin de de.

¹³ Tɛn fɔ di nɔmba tɛn mɔnt na Na-aray fɔ Nefofa wan pan di Zeraayt dɛm, in sɛkshɔn na twɛnti fo tawzin de de.

¹⁴ Ilɛvin fɔ di ilɛvin mɔnt na Benaya we kɔmɔt Piratɔn wan pan Ifrem in bɔypikin dɛm in sɛkshɔn na twɛnti-fo tawzin de de.

¹⁵ Twɛlv fɔ di nɔmba twɛlv mɔnt na Ɛlday di Nefofatayt-na Otniɛl in layn i kɔmɔt in sɛkshɔn na twɛnti fo tawzin de de.

De we we Izrɛl dɛn Trayb dɛm Ɔganayz Ɔnda Gɔvmɛnt

¹⁶ Fɔ di Rubɛnayt dɛm, Ɛlieza Zikray in bɔypikin nain na di chif supavaysɔ fo di Simiɔnayt dɛm na Shefataya Mayaka in bɔypikin.

¹⁷ Fɔ Livay na Ashabia Kemwɛl in bɔypikin fɔ Erɔn na Zedɔk.

¹⁸ Fɔ Juda, Eli-yu wan pan Devid in brɔda dɛm fɔ Isaka Omri Naykɛl in bɔypikin

¹⁹ Fɔ Ɛbyulɔn Ismaya, Obadaya in bɔypikin fɔ Naflalay, Jɛremɔt Azriɛl in bɔypikin

²⁰ fɔ di Ifremayt dɛm: Oshia Azazaya in bɔypikin fɔ di af pan di Manasɛ fambul, na bin Joɛl we na Pedaya in bɔypikin.

²¹ Fɔ di ɔda af pan di trayb we de Giliad, Ido Zekaraya in bɔypikin fɔ Bɛnjamin Ja-asiɛl Abnain bɔypikin;

²² fɔ Dan, Azarɛl Jɛroam in bɔypikin. Na dɛn wan ya na di lida dɛm fɔ Izrɛl dɛn trayb dɛm.

²³ Dɛn wan we de ɔnda twɛnti Devid nɔ kɔnt dɛm bikɔs PAPA GƆD bin dɔn gi in wɔd se in go mek Izrɛl bɔku lɛk di sta dɛn na ɛvin.

²⁴ Joab Zenia in bɔypikin bin begin fɔ kɔnt bɔt inɔ dɔn; stil vɛksteshɔn kam pan Izrɛl fɔ seka dis ɛn dɛn nɔ ɛnta di nɔmba usay Kiŋ Devid kin mek rɛkɔd.

Supavays Dɛm fɔ di kiŋ in Prɔpati

²⁵ Di finans minista na bin Azmavɛt, Adiɛl in bɔypikin ɛn nain di Finans ɔfisa fɔ di kɔntri ɛn di siti dɛm ɛn di vilej dɛm na Jonɛthan Uzaya in bɔypikin.

²⁶ Fɔ dɛn wan we de wok fam na Ɛzri we na Chelub in bɔypikin.

²⁷ Fɔ supavays di grepvayn fam dɛm na Shimɛi di Ramatayt ɛn di wan we de supavays di tin we de kɔmɔt na di grepvayn fam dɛm fɔ di wayn faktri dɛm na Zabdi di Shifmayt.

²⁸ Di supavaysɔ fɔ di ɔliv ɛn di sikamɔ tik dɛm na di Shɛfɛla na Bealana di Gɛdarayt ɛn di wan we de kɔntrol usay dɛn de gɛda ɛn kip ɔyl na Joash.

²⁹ Di pɔsin we de fɔ di kaw dɛm we de mɛm na Sharɔn na Shitray di Sharonayt fɔ di wan dɛm we de na di vali dɛm na Shafat Adlay in bɔypikin.

³⁰ Di supavaysɔ fɔ di kamɛl dɛm na Obil di Ishɛlayt ɛn fɔ di uman dɔŋki dɛm na Jedaya di Mɛronotay fɔ disiv ɛn got dɛm na Jaziz di Agrayt.

³¹ Ɔl dɛn wan ya na stiwɔd dɛm fɔ kiŋ Devid in prɔpati dɛm.

Devid in Pasɔnal Advaysa Dɛn

³² Jonɛthan we na Devid in ɔnkul, na bin advaysa, we i bi se na man we gɛt ɔndastandin ɛn de rid ɛn rayt. Nain ɛn Jeayɛl we na Achimoni in bɔypikin, bin de tren di kiŋ in bɔypikin dɛm fɔ bi kiŋ.

³³ Aitofɛl na di kiŋ in advaysa ɛn Ushay di Arkayt nain padi

³⁴ Jɛ-odia, Bɛnaya in bɔypikin ɛn Abiata na dɛn tek Aitofɛl in ples. Joab na bin di kɔmanda fɔ di kiŋ in ami.