1 Kronikuls 26 - Krio Fɔs Oli Baybul

Di Tɛmpul Sikyɔriti man Dɛm

¹ Fɔ aw dɛn divayd di get kipa dɛm: pan di Koraayt dɛm. Mɛshɛlɛmaya. Kore in bɔypikin, wan pan Pzsaf in bɔypikin dɛm.

² Ɛn Mɛshɛlɛm maya bin gɛt bɔypikin dɛm Zekaraya in fɔs wan we in bɔn, Jediayɛl di sɛkɛn wan, Zebadaya, Tre, Jalhnɛl di fɔth, Elama fayv.

³ Jɛoanan: siks, Elidonai di sɛvin.

⁴ Ɛn Obɛdidɔm gɛt bɔypikin dɛm, Shɛmaya nɔmba wan. Jeozabad tu Jo a tri, Saka fo, Netanɛl fayv.

⁵ Amiyɛl siks, Isaka sɛvin, ɛn Pɛyulɛtay et bikɔs PAPA GƆD did blɛs am.

⁶ Fɔ Shɛmaya bin gɛt bɔypikin dɛm we dɛm bɔn fɔm, we na rula dɛm na dɛn Papa os dɛm bikɔs dɛn na man dɛm we gɛt sabi.

⁷ Shɛmaya in bɔypikin dɛm: Otni, Refayɛl, Obɛd ɛn Ɛlzabad we dɛn brɔda dɛnsɛf na soba man dɛm, Eliu ɛn Semakaya.

⁸ Ɔl dɛn wan ya na Obɛdidɔm in bɔypikin dɛm wit dɛn yon bɔypikin dɛm ɛn dɛn brɔda dɛm. Soba man dɛm fit fɔ di savis wok. Dɛn siksti-tu fɔ Obɛdidɔm.

⁹ Ɛn Meshalɛmaya gɛt bɔypikin dɛm ɛn brɔda dɛm soba man dɛm. Dɛn etin.

¹⁰ Ɛn Osa wan pan Merari in bɔypikin dɛm gɛt bɔypikin dɛm: Shimri di nɔmba wan (bɔt no to in fɔs bɔn o nain Papa mek am nɔmba wan.)

¹¹ Ilkaya nɔmba tu, Tebalia tri Zekaraya fo: Ɔl di bɔypikin dɛm ɛn brɔda dɛm fɔ Osa na tɔtin.

¹² Di divayd we dɛn divayd di get man dɛm na akɔdin to dɛn ed man dɛm; dɛn gɛt dɛn wok dɛm lɛk aw dɛn brɔda dɛnsɛf gɛt dɛn yon fɔ sav na PAPA GƆD in Os.

¹³ Ɛn dɛn ib days bay Papa Os, fɔ dɛn get dɛm, smɔl wan o big wan o ɔl.

¹⁴ Ist fɔdɔm to Shelamia, dɛn ib fɔ in pikin Zɛkaraya, we na kɔni advaysa in yon fɔdɔm na nɔt.

¹⁵ Obɛdidɔm yon kɔmɔt fɔ sawt ɛn dɛn put in yon bɔypikin dɛm to sto.

¹⁶ Fɔ Shupim ɛn Osa i kɔmɔt na Wɛst to di Shalɛkɛt get na di rod we de go ɔp. Wan wachman shift de fala si ɔda wachman shift.

¹⁷ Na di ist na siks ɛvride, na di nɔt na fo ɛvride, na di sawt na fo ɛvride, fo wit tu mɔ ɛn tu na di sto;

¹⁸ Ɛn as fɔ di pavilyɔn, fo bin de na wɛst na di rod ɛn tu bin de na di pavilyɔn.

¹⁹ Na so dɛn divayd di get kipa dɛm pan di Koraayt dɛm ɛn Merari bɔypikin dɛm.

Ɔda Tɛmpul wok dɛm.

²⁰ Ɛn pan di Livayt dɛm Aija na rɛspɔnsibul fɔ di prɛshɔs tin dɛm ɛn kɔpɔ dɛm na PAPA GƆD in os. Na i rɛspɔnsibul bak fɔ di gift dɛn we dɛn dɛdikate to PAPA GƆD.

²¹ Ledan in bɔypikin dɛm: Di Gashɔnayt dɛn bɔypikin dɛm we blant Ledan. Di Papa os edman dɛn we blant Ledan di Gashɔ.

²² Jeayɛli in bɔypikin dɛm: Zefam ɛn Joɛl in brɔda na dɛn bin rɛspɔnsibul fɔ di prɛshɔs tin dɛm ɛn di kɔpɔ biznɛs nain PAPA GƆD os.

²³ Pan di Amramayt dɛm, di Izarayt dɛm di Ɛbrɔnayt dɛm ɛn di Uziɛlayt dɛm.

²⁴ Ɛn Shebuɛl, Gashɔm bɔypikin, Mozis bɔypikin nain na di bɔs fɔ dɛn wan we rɛspɔnsibul fɔ di prɛshɔs tiŋs dɛm ɛn di kɔpɔ biznɛs.

²⁵ In brɔda dɛm. Frɔm Ɛlieza in bɔypikin Reabia ɛn in bɔypikin Jeshaya, in bɔypikin Joram, in bɔypikin Zikray ɛn in bɔypikin Shelomit.

²⁶ Dis Shelomit ɛn in brɔda dɛm bin rɛspɔnsibul fɔ ɔl di prɛshɔs tin dɛm we na gift we dɛdiket to PAPA GƆD, we kiŋ Devid ɛn di Ami ɔfisa dɛm fɔ tawzin ɛn fɔ ɔndrɛd ɛn di Ami kɔmanda dɛm bi dɛdiket.

²⁷ Dɛn tek pan dɛn tin dɛn we dɛn gɛt na dɛn wa we dɛn fɛt ɛn win, ɛn dɛdiket dɛm as gift fɔ mɛntenans PAPA GƆD in os.

²⁸ Igen ɔl wetin Samiɛl we de si vishɔn, ɛn Sɔl we na Kish in bɔypikin, ɛn Abna we na Nɛr in bɔypikin ɛn Joab we na Zeruaya bɔypikin, bin dɔn dɛdiket. - Ɔl di gift dɛn we dɛn dɛdiket bin de na Shelomɔt ɛn in brɔda dɛn kia.

Wok fɔ di Ɔda Livayt Dɛm

²⁹ Pan di Izarayt dɛm Chɛnanaya ɛn in bɔypikin dɛm nain dɛn pik fɔ du ɔda awtsayd wok fɔ Izrɛl fɔ bi gɔvmɛnt ɔfisa ɛn jɔj dɛm.

³⁰ Pan di ɛbrɔnayt dɛm, Ashabia ɛn in brɔda dɛn wan tawzin sɛvin ɔndrɛd man dɛm we ebul na dɛn na supavaysɔ fɔ Izrɛl to di wɛst say to Jɔdan fɔ ɔl in wok ɛn di kiŋ in savis.

³¹ Pan di Ɛbrɔnayt dɛm, Jerayja nain na di na di lida fɔ di Ɛbrɔnayt dɛm, lɛk us layn ɔ papa os. (Di ia we mek fɔti we Devid bi kiŋ nain dɛn mek sach fɔ man dɛn we ebul ɛn na masta sabi man dɛm ɛn dɛn fɛn Jeza na Gulayad.)

³² Kiŋ Devid pik am ɛn in brɔda dɛm, tu tawzin sɛvin ɔndrɛd man dɛm we ebu Papa os edman dɛm fɔ bi supavaysɔ to di Rubɛnayt dɛm, di Gadayt dɛm, ɛn di Manasɛ af trayb fɔ ɛnitin we kɔnsan PAPA GƆD ɔ fɔ di kiŋ biznɛs.