1 Kronikuls 24 - Krio Fɔs Oli BaybulDi Wok We Dɛn Gi Di Man Dɛn We De Mek Sakrifays Fɔ Pipul Sin 1 Na so dɛn bin divayd Erɔn in bɔypikin dɛm: Nadab, Abiu, Ɛlieza ɛn Itama. 2 Bɔt Nadab ɛn Abiu day bifo dɛn Papa ɛn dɛn nɔ bin gɛt pikin dɛm so na Ɛlieza ɛn Itama bin kam bi di man dɛn we de mek sakrifays fɔ pipul sin. 3 We Zedɔk we na wan pan Ɛlieza in bɔypikin dɛm ɛn Aimɛlɛk we na wan pan Ithama yon bɔypikin dɛn ɛp Devid, i bin ebul put dɛn usay dɛn fɔ de bay di kayn wok we dɛn bin gɛt fɔ du. 4 Bikɔs big wan dɛn na dɛn famili dɛn bin de pan Ɛlieza in bɔypikin dɛm pas Ithama yon, dɛn bin put dɛn ɔnda sikstin big wan dɛn na dɛn papa dɛn os pan Ɛlieza in bɔypikin dɛn, ɛn ɔnda et big wan dɛn na dɛn papa dɛn os pan Ithama in yon bɔypikin dɛm. 5 Dɛn bin fɛnɔt to PAPA GƆD aw ɛn us pozishɔn fɔ put ɔlman, bikɔs ɔfisa dɛn de fɔ di oli ples ɛn ɔfisa dɛn de fɔ PAPA GƆD pan Ɛlieza ɛn Itham dɛn pikin dɛn. 6 Na Shɛmaya we na di sɛktri ɛn na Netanɛl we na Livayt in bɔypikin, bin rɛjista dɛn bifo di kiŋ usay di bigman dɛn Zedɔk we na di man we de mek sakrifays fɔ pipul sin, Aimɛlɛk we na Abiata in bɔypikin, ɛn di big wan dɛn na di big wan dɛn na dɛn papa dɛn os dɛn pan di man dɛn we de mek sakrifays fɔ pipul sin ɛn di Livayt dɛn papa os dɛn, dɛn pik wan papa os fɔ Ɛlieza ɛn wan papa os fɔ Itama. 7 Di fɔs days fɔdɔm fɔ Jeoiarib, di sɛkɛn wan fɔ Jedaya, 8 di tɔd wan fɔ Arim di nɔmba fo fɔ Sɛorim, 9 di nɔmba fayv fɔ Malkija, di siks fɔ Mijamin, 10 di nɔmba sɛvin fɔdɔm fɔ Akɔz, di nɔmba et fɔ Abija, 11 di nɔmba nayn fɔ Jeshua, di nɔmba tɛn fɔ Shɛkanaya. 12 Di nɔmba livin fɔ Eliashib 13 Di nɔmba twɛlv fɔ Jakim, di nɔmba tɔtin fɔ Upa, di nɔmba fotin fɔ Jɛshɛbeab 14 Di nɔmba fiftin fɔdɔm fɔ Bilga, di nɔmba sikstin fɔ Ima, 15 Di nɔmba sɛvintin fɔ Ezir, di nɔmba etin fɔ Apizɛz 16 Di nɔmba nayntin fɔdɔm fɔ Petaia, di nɔmba twɛnti fɔ Jeɛzkɛl, 17 di nɔmba twɛnti wan fɔ Jachin, di nɔmba twɛnti tu fɔ Gamul, 18 Di nɔmba twɛnti tri fɔdɔm fɔ Dlaya, di nɔmba twɛnti fo fɔ Maazaya. 19 Dɛn wan ya dɛn ɔl gɛt di wok we dɛn gi dɛm aw fɔ du insay PAPA GƆD in Os akɔdin to di ɔda we Erɔn dɛn papa bin dɔn sɛt fɔ dɛm bay aw PAPA GƆD fɔ Izrɛl kɔmand am. Di List fɔ di Livayt Dɛm 20 Ɛn fɔ di balans pan Livay in bɔypikin dɛm. Pan Amram in pikin dɛm Shubaɛl; pan Shubaɛl in bɔypikin dɛm, Jedeya. 21 Pan Rɛabia: Pan Riabaya in bɔypikin dɛm Ishaya di nɔmba wan; 22 Pan di Izarayt dɛm Shelomɔt, pan Shelomɔt in bɔypikin dɛm Ja-at; 23 Ɛbrɔn in bɔypikin dɛm: Jeria di lida, Amaraya sɛkɛn, Ja-aziyɛl tɔd, Jekamiam fo. 24 Uziɛl in bɔypikin dɛm, Mayka; pan Mayka in bɔypikin dɛm Shair. 25 Mayka in brɔda Ishaya; pan Ishaya in bɔypikin dɛm: Zɛkaraya 26 Merari in bɔypikin dɛm: Mali ɛn Mushi, Ja-ezia in bɔypikin Bɛno. 27 Merari in bɔypikin dɛm to Jaezia, Bɛno, Shoam, Zakɔ ɛn Ibri 28 Fɔ Mali: Ɛlieza we nɔ gɛt bɔypikin 29 Fɔ Kish, Kish in bɔypikin dɛm, Jeramil 30 Mushi in bɔypikin dɛm: Mali, Eda ɛn Jɛnmɔt. Dɛn wan ya na di Livayt dɛn bɔypikin dɛm akɔdin to dɛn dadi dɛn os dɛm. 31 Dɛn wan ya sɛf di man fɔ ɛn: Papa os ɛn in smɔl brɔda ɔl wan ib days fɔ pik lɛkɛ dɛn brɔda dɛm Earɔn in bɔypikin dɛm, frɔnt Devid, Zedɔk, Aimɛlɛk ɛn di edman dɛn fɔ di man dɛn we de mek sakrifays fɔ pipul sin ɛn Livayt dɛn papa os dɛm. |
Krio Bible © The Bible Society of Sierra Leone, 2013.
Bible Society in Sierra Leone