Mǒhtûlû̌hǎhtûsa 10 - Kawyaw RC

Nǒa aphû̌makhû toǒ akhlialè

¹ Htǒomî̌ ta̤khwè̌mǎǐ tû̌ Nǒa aphû̌makhû Shemǎ, Hamǎ ta Ya̤phè̌ sî akhlialè hǎte̤gilò̤ toǒ awi̤akè̌. Aphû̌makhû̌ htǒo toǒ mî̌ a ǒlò̤ lǒkho bǎ shidû̌hto hǎkhû̌ akhanu toǒ hǒ.

Ya̤phè̌ akhlialè ta akhlilèphû̌ toǒ

² Khlilèphû̌ htě akhlialè hǎte̤gilò̤ tṳtṳ ta Ya̤phè̌ toǒ numî̌, Gò̌ma khlilèphû̌, Makò̌ khlilèphû̌, Madè̌ khlilèphû̌, Yawè khlilèphû̌, Tǔbò̌ khlilèphû̌, Meshè̌ khlilèphû̌ ta Tǐrǎ khlilèphû̌nu toǒ hǒ.

³ Khlilèphû̌ htě akhlialè hǎte̤gilò̤ tṳtṳ ta Gò̌ma toǒ mî̌ Ashakenǎ khlilèphû̌, Riphǎ khlilèphû̌ ta Tògǎmǎ khlilèphû̌nu toǒ hǒ.

⁴ Khlilèphû̌ htě akhlialè hǎte̤gilò̤ tṳtṳ ta Yawè toǒ numî̌, Elǐsha khlilèphû̌, Tashǐ khlilèphû̌, Khǐtǐ khlilèphû̌ ta Dodani khlilèphû̌nu toǒ hǒ.

⁵ Asî htǒotoǒ numî̌ a ǒpîshîcû̌bò ga bǎ Mèdihtorè̌nia shidû̌shite̤we̤htunu. Ya̤phè̌ akhlialè tṳmṳ ta tṳmṳnu a htûhtò̌ khǒbòtû̌ khlilèphû̌ tacǎ ta tacǎ, ǒǐ khǒtû̌ aga ta aga, ayo̤ ta ayo̤.

Hamǎ akhlialè ta akhlilèphû̌ toǒ

⁶ Khlilèphû̌ htě akhlialè hǎte̤gilò̤ tṳtṳ ta Hamǎ toǒ numî̌, Kǔshǎ khlilèphû̌, Mǐsare khlilèphû̌, Pǔtǎ khlilèphû̌ ta Khana̤ khlilèphû̌nu toǒ hǒ.

⁷ Khlilèphû̌ htě akhlialè hǎte̤gilò̤ tṳtṳ ta Kǔshǎ toǒ numî̌, Sebǎ khlilèphû̌, Hawǐla khlilèphû̌, Tabatǎ khlilèphû̌, Raamǎ khlilèphû̌ ta Sabatěka khlilèphû̌nu hǒ. Khlilèphû̌ htě akhlialè hǎte̤gilò̤ tṳtṳ ta Raamǎ toǒ numî̌, Shebǎ khlilèphû̌ ta Deda khlilèphû̌ nuhǒ.

⁸ Kǔshǎ mî̌ Nerò̌dǎ apha. Bǎ hǎkhû̌htǒo Nerò̌dǎ mî̌ pwa̤ htě a ǒ ta ta̤sîrîshû̌sho ta̤shěta̤pe̤ awǐgutṳ̌ tokho tapwa̤.

⁹ Dě Cǒmara tûjûpwa̤ alo̤mo̤nu Nerò̌dǎ mî̌ pwa̤lṳ̂ta̤mi̤ dě asî̌ajò mè̤mè̤̌ tapwa̤, htodě ta̤hî̌bǎ hî̌ ta, “Alò̤ta Nerò̌dǎ, pwa̤lṳ̂sî̌jòta̤mi̤ dě Cǒmara tûjûpwa̤ alo̤mo̤nu tapwa̤.”

¹⁰ Wî̤dû̌ htě a shǒhtò̌ wǐgutṳ̌ yǎdě Shǐnagakû toǒ numî̌ Babulowî̤, Erǎwî̤, Akědǎwî̤ ta Kalanewî̤ htǒotoǒ hǒ.

¹¹ A ǒ bǎ aganu taga akû dě a hǎhtò̌cû̌ Ashǔrǎga dě a cû̌ shǒhtò̌ Nǐnewewî̤, Rahǒbowî̤, Kalǎwî̤,

¹² ta Resiwî̤, dě Resiwî̤ mî̌ wî̤dû̌ mè̤mè̤̌ dě a ǒ bǎ Nǐnewewî̤ ta Kalǎwî̤ aplǎkû.

¹³ Khlilèphû̌ htě akhlialè hǎte̤gilò̤ tṳtṳ ta Mǐsarenu toǒ mî̌, Ludǐ khlilèphû̌, Anamǐ khlilèphû̌, Lehabǐ khlilèphû̌, Naphatǔhǐ khlilèphû̌,

¹⁴ Patarǔsǐ khlilèphû̌, Kasalǔhǐ khlilèphû̌ ta Kaphotorǐ khlilèphû̌nu toǒhǒ. Phǐlǐsatǐ khlilèphû̌ numî̌ ahǎte̤gilò̤ tṳtṳ dě Kasalǔ khlilèphû̌.

¹⁵ Khana̤ aphû̌toǒ numî̌ aphû̌wè̤pwa̤ Sǐdo, htodě Hǐtǐ khlilèphû̌,

¹⁶ Yebǔsǐ khlilèphû̌, Amò̌rǐ khlilèphû̌, Gǐragashǐ khlilèphû̌,

¹⁷ Hǐwǐ khlilèphû̌, Arakǐ khlilèphû̌, Sǐnǐ khlilèphû̌,

¹⁸ Arawadǐ khlilèphû̌, Semarǐ khlilèphû̌ ta Hamatǐ khlilèphû̌nu toǒ hǒ. Dě nǒkònu Khana̤ khlilèphû̌ toǒ phǎhtò̌pîshî dû̌htò̌po̤ asî khli toǒ.

¹⁹ Khana̤ga gakû numî̌ a tèhtò̌ bǎ Sidowî̤ dě alè̤cû̌to̤ Gerawî̤, Gasǎwî̤ kòshî̌ htodě alè̤ cû̌to̤po̤ dě Sò̌dowî̤, Gòmò̤̌rawî̤, Adamawî̤ ta Seboiwî̤, dě a cû̌to̤pe Lashawî̤.

²⁰ Bò htǒotoǒ mî̌ Hamǎ aphû̌makhû sî akhlialè toǒ hǒ dě asî ǒtû̌ ta akhlialè ta ale̤ayo̤ ta ashiaga ta akhlilèphû̌ tûû̌ hǒ.

Shemǎ akhlialè ta akhlilèphû̌ toǒ

²¹ Shemǎ htě a dû̌khlo ta Ya̤phè̌ htǒotapwa̤ numî̌ aphû̌ ǒplṳ̂, dě Shemǎ mî̌ Ěbè aphû̌toǒ aphiaphu hǒ.

²² Dě khlilèphû̌ htě akhlialè hǎte̤gilò̤ tṳtṳ ta Shemǎ toǒ numî̌ Ěla khlilèphû̌, Ashǔrǎ khlilèphû̌, Araphasǎ khlilèphû̌, Ludǎ khlilèphû̌ ta Ara khlilèphû̌nu toǒ hǒ.

²³ Khlilèphû̌ htě akhlialè hǎte̤gilò̤ tṳtṳ ta Ara toǒ numî̌, Ǔsǎ khlilèphû̌, Hǔlǎ khlilèphû̌, Geta khlilèphû̌ ta Mashǎ khlilèphû̌nu toǒ hǒ.

²⁴ Araphasǎ mî̌ Shelǎ apha, dě Shelǎ mî̌ Ěbè apha.

²⁵ Ěbè numî̌ aphû̌makhû ǒ sò̌gini̤, aphû̌wè̤pwa̤ tapwa̤mî̌ ami̤ ta Pelè̌, ma̤tè̤hî̌dě bǎ a htukhanu kòyòhǎkhû̌phû̌ ǒpîshî cû̌pò̌cû̌shîbò hǎkhû̌bǎo. Dě apṳmakhûlè̌ dě ami̤ ta Jǒkata. Pelè̌ amûasǎ mî̌ ta̤pîshî.

²⁶ Khlilèphû̌ htě akhlialè hǎte̤gilò̤ tṳtṳ ta Jǒkata toǒ numî̌, Alǎmò̌dǎ khlilèphû̌, Shelephǎ khlilèphû̌, Hasamawě khlilèphû̌, Jerǎ khlilèphû̌,

²⁷ Hadora khlilèphû̌, Ǔsò̌ khlilèphû̌, Dǐkalǎ khlilèphû̌,

²⁸ Ò̌bè khlilèphû̌, Abǐmelǎ khlilèphû̌, Shebǎ khlilèphû̌,

²⁹ Ò̌phǐrǎ khlilèphû̌, Hawǐla khlilèphû̌ ta Yò̤̌bǎ khlilèphû̌ sînu toǒ hǒ. Kòyòhtǒo toǒ lǒ̤bò numî̌ Jǒkata akhlialè ta akhlilèphû̌ toǒhǒ.

³⁰ Asî gakû la̤ǒnu a tèhtò̌ bǎ Meshǎga to̤ dě Sepharakholo htě aǒ gamṳhtò̌nu tokho.

³¹ Htǒomî̌ Shemǎ aphû̌makhû sî akhlialè ta akhlilèphû̌ toǒ hǒ dě asî ǒtû̌ ta akhlialè ta ale̤ayo̤ ta ashiaga ta akhlilèphû̌ tû̌ hǒ.

³² Bò꤮ khlilèphû̌ htǒotoǒmî̌ alò̤khlilò̤lèbò ta Nǒa aphû̌makhû akhlialè htě a ǒ dě asî akhlilèphû̌kûnu toǒ hǒ. Bǎ shidû̌bǐhto hǎkhû̌ akhanu, asî akhlialè htǒotoǒ ǒpîshîcû̌bò hǎkhû̌ teběbò.