Htû̌sò̌htò̌ 98 - Kawyaw RC

Cǒmaradû̌ mî̌ pwa̤pǒǐ hǎkhû̌akhû̌

Ta̤sò̌po̤htû̌sò̌ǐ

¹ Sò̌po̤htû̌sò̌ǐ Cǒmara tûjûpwa̤ ta lî̤sò̌po̤ asa. A ma̤ ta̤ htě acǒklî̌kî̌yanu toǒ. Apo̤aphǎ, asîrîshû̌sho akhû̌akhî, a ma̤pè̤ ta̤.

² Cǒmara tûjûpwa̤ ǐsî̌yalṳ a ma̤lû̌htò̌ge ta̤ ta apo̤aphǎshû̌sho. A dǔlṳ a ma̤ ta̤cǒta̤tè̤ toǒ dě khlilèphû̌ toǒ alo̤mo̤.

³ Cǒmara gènè̤htò̌to̤ ata̤mo̤ǐ htě ahǎbòjò tò̤ ta acǒtè̤ ta ayo̤ ta Israelphû̌ aya. Hǎkhû̌ sawî̤la̤ kè̌shǐ pacǒmaradû̌ ata̤ma̤lû̌htò̌ge.

⁴ Kǒ hǎkhû̌phû̌ lǒ̤bò sî꤮ sò̌le̤sò̌lò̤ sò̌po̤htò̌ lǒkho Cǒmara tûjûpwa̤. Sò̌le̤sò̌lò̤ kaǎguhtû̌sò̌ǐmò̌, sò̌po̤mo̤mè̤ htû̌sò̌htò̌mò̌ yǎ.

⁵ Sò̌po̤ htû̌sò̌htò̌mò̌ Cǒmara tûjûpwa̤ ta tǐtute̤gwe. Dǒpo̤lṳ ta̤sò̌po̤ ta apo̤nî̤꤮ wǒnu.

⁶ Ǔmò̌ gwè ta sophû̌ne̤. Sò̌le̤sò̌lò̤ htû̌sò̌ǐ lǒkhomò̌ dě Cǒmara tûjûpwa̤ mî̌ Khwǐdû̌htǒo alo̤mo̤.

⁷ Nopo̤ te̤we̤tosobò shidû̌shite̤we̤ ta lǒ̤꤮ bò ta̤ htě a ǒ bǎ shiklanu toǒ. No sò̌po̤ po̤pi̤ti̤pṳ̂tṳ̂ hǎkhû̌ ta kòyò htě a ǒ bǎ hǎkhû̌ bǎotoǒ.

⁸ No pla̤bò shikhî̌ toǒ acǔde. No sò̌le̤sò̌lò̤ sò̌po̤plǒ kholodû̌kholohtû.

⁹ Cǒmara tûjûpwa̤ hèlò̤ cèrò hǎkhû̌ akhû̌akhî, nosò̌po̤bò asî dě alo̤mo̤. A glè cèròcǒcèròtè̤ hǎkhû̌. A glè cèròtocèròbǎ khlilèphû̌ toǒ.