Htû̌sò̌htò̌ 93 - Kawyaw RC

Cǒmara tûjûpwa̤ mî̌ Khwǐ

¹ Cǒmara tûjûpwa̤ pǒ ta̤ pwǐ Khwǐ. A kûhtò̌sǒhtò̌ ta̤sîrîdû̌ htě ashěrakha. A wò̤htò̌nṳ ta̤po̤ta̤phǎshû̌sho. A shǒ tònòmě wǒ hǎkhû̌. A guyṳ sǒsǔjò tò̤.

² Nagògohtahtò̌yî̤ htǒo a ǒměǒgle děwǐkhape. Na ǒnǎhto tûjûpwa̤ děwǐkha.

³ Kǒ Cǒmara tûjûpwa̤, shidû̌shite̤we̤ toǒ pěpǒhè, pěpǒ pi̤ti̤pṳ̂tṳ̂, pěpǒ shû̌sho mè̤mè̤̌.

⁴ Cǒmara tûjûpwa̤ ǒ dě mǒkhû̌ htǒotapwa̤ mî̌ ashû̌asho mè̤mè̤̌. Ashû̌ashokhlope ta shipěpǒ pi̤ti̤pṳ̂tṳ̂, shipěpǒ bǒbè̌ hèdû̌ dě shidû̌shite̤we̤kû.

⁵ Cǒmara tûjûpwa̤, nata̤sû̌ta̤tòwò toǒnu aměagle, nahǐnu acahtǐ tûjûpwa̤ talakhǎ.