Htû̌sò̌htò̌ 87 - Kawyaw RC

Ye̤rǔshèlèwî̤ ata̤sîrîdû̌sîrîhtû

Kǒri akhlialè toǒ ata̤sò̌po̤ htû̌sò̌ǐ.

¹ Cǒmara tûjûpwa̤ ma̤htò̌ awî̤ Ye̤rǔshèlèwî̤ dě kholocahtǐ akhû̌.

² Cǒmara tûjûpwa̤ mo̤ǐ Sǐowî̤nu adû̌khlo ta a mo̤ǐ wî̤ dě ahǔwa̤ bǎ Israelgakû htǒotoǒ.

³ Kǒ Ye̤rǔshèlèwî̤ mî̌ Cǒmaradû̌ awî̤, kòyò hî̌ nawi̤nakè̌ htě awǒkî̌ya mè̤mè̤̌ toǒ.

⁴ Cǒmara tûjûpwa̤ hî̌ ta, bǎ he khwè̌mǎnǎ shiga dě a jûle̤phî̌yo̤ heyo̤nu toǒ akha pěnu, he bè̌nṳ Egyptga ta Babuloga pě. Phǐlǐsitǐphû̌ toǒ bǎbǎ, Turǔwî̤phû̌ toǒ bǎbǎ, Kǔshǎgaphû̌ toǒ bǎbǎ, he dò̌nṳhtubò asî bǎ Ye̤rǔshèlèwî̤phû̌ htǒotoǒ akla pě.

⁵ Kò glè hî̌ Ye̤rǔshèlèwî̤ awi̤akè̌ ta, khlilèphû̌ lǒ̤꤮ bò htǒo a ǒphijaû̌lò̤ lǒkho bǎ wî̤bǎo tî̤wî̤ akû. Cǒmara htě adû̌ahtûkhlo kònu tapwa̤ ma̤htò̌ tònòwǒ wî̤nutî̤wî̤ ta ana̤sana̤ pě.

⁶ Cǒmara tûjûpwa̤ khwè̌mǎnǎ khlilèphû̌ htǒotoǒ dě a hî̌, “Asî mî̌ a htûhtò̌bò Ye̤rǔshèlèwî̤phû̌.”

⁷ Pwa̤sò̌po̤ ta pwa̤kalî̌, sò̌po̤ lǒkho ta, “Pata̤howi̤homò̤ akòshî̌kòtṳ lǒ̤꤮ bò mî̌ a ǒ dě Ye̤rǔshèlèwî̤ hè.”