Bìoball air-loidhne

Htû̌sò̌htò̌ 82 - Kawyaw RC

Cǒmara mî̌ pwa̤pǒta̤ adû̌gutṳ̌
Asa ata̤sò̌po̤ ta̤htû̌sò̌ǐ.

¹ Cǒmaradû̌ ihtǒphî̌nṳ gûla̤ dě mǒkhû̌ ata̤ǒhtuhî̌bǎplǒdû̌kûnu. A cèrò khlilèphû̌hǔwa̤ acǒmara toǒ.

² A sǎhtǎ asî ta, “Sî htǒǐyî̤po̤ kòyò sò̌phlǒ phû̌mò̤shî̌htonu toǒ to̤꤮ bò̌khòtè pě? “Sî kè̌dû̌ yî̤po̤ asî to̤꤮ bò̌khòtè pě?

³ “Ma̤toma̤bǎ nṳbǎdǒ kòyòshuphǔshèwè ta phû̌ htě shodopha toǒ. “Ma̤kwaǐdǒ kòyò htě kò pè̤ǎpè̤o nû̌ûnu toǒ ta a khòbǎ ta̤jîta̤jû toǒ.

⁴ “Ma̤lû̌htò̌ge kòyòshuphǔshèwèphû̌ toǒ, kòyòshodo pwa̤ma̤jè toǒ dě kòyòsò̌phlǒ phû̌mò̤shî̌hto toǒ acǔdekû.

⁵ “Pwa̤ma̤jîma̤jû kò toǒnu, ata̤sî̌ya ǒkû̌kò tò̤, a sî̌yaphlophǎ kû̌kò ta̤ tò̤tò̤, a cû̌ge lǒkho dě ta̤khǐta̤lo̤ akla. “Ta̤ma̤toma̤bǎ ǒpe dě hǎkhû̌ dǐplǎ꤮ tò̤.

⁶ “He hî̌ ta ‘Sî mî̌ Cǒmara toǒ. “‘Sî lǒ̤꤮ bò mî̌ Cǒmara htě adû̌ahtûkhlo kò aphû̌khû toǒ hǒ.’

⁷ “Pwǎ̤tadě sî glè si sǒsǒta kòyòhǎkhû̌phû̌. “Sî glè mṳni̤ hǎbòkè sǒsǒta pwa̤htûhǐkǒlǒkòdû̌ ahǔwa̤ toǒ.”

⁸ Kǒ Cǒmaradû̌, ma̤mò̌, cèrò mò̌ hǎkhû̌. Lǒ̤꤮ bò khlilèphû̌ htǒotoǒ mî̌ nakòyò.

« Roimhe

Air adhart »

Wycliffe USA

The Seed Company

Lean sinn:

Ceanglaichean taic

Sanasan