Htû̌sò̌htò̌ 48 - Kawyaw RC

Sǐowî̤ mî̌ Cǒmaradû̌ awî̤dû̌

Kǒri akhlialè toǒ ata̤sò̌po̤ htû̌sò̌ǐ.

¹ Cǒmara tûjûpwa̤ mî̌ adû̌ayǒkhlo ta kòyò. Kò to htû̌sò̌ǐ mè̤mè̤̌ nû̌û dě pacǒmaradû̌ awî̤kû, akholocahtǐkhû̌.

² Cǒmaradû̌ akholo, Sǐokholo numî̌ adû̌ahtû, awî̤awǒ mè̤mè̤̌, a ma̤sò̌le̤sò̌lò̤bò hǎkhû̌ tebě. Sǐokholo htǒonu alò̤ta shǒdû̌shǒhtû ǒ dě cǔcî̌ tokho toǒ, a mî̌ Khwǐdû̌ wî̤dû̌ tî̤wî̤.

³ Cǒmaradû̌ ǒ dě wî̤nutî̤wî̤ ahohta toǒ akû. A dǔlṳhtò̌ ana̤ ta a mî̌ gûla̤ la̤ǒhǔ.

⁴ Kè̌mò̌lè, Khwǐ toǒ kaǎplǒ akli toǒ dě a hèshě wî̤ htǒo.

⁵ Bǎ asî kè̌shǐ Sǐokholo akhanu, a htò̌te̤pe̤bò asî. Asî ǐshabò, a hǎhtò̌ khlè̌htukhlè̌tò̤bò.

⁶ Asî ǐsha gònò̤gèglè dě ashajî lò̤kèta mamǔ phushaphû̌ǒnu.

⁷ Na ma̤pî̌ma̤lṳ̂kè asî pwǐ gili̤sǎ dě bǎhtò̌ tokho htěnûpò̌kèbò Tashǐwî̤ sǒkhlidû̌.

⁸ Pa gana̤debǎ wî̤htǒo a ǒ ta asîrîdû̌sîrîhtû, khònò̤htǒo pa kè̌shǐbǎ Cǒmara tûjûpwa̤ htě a pǒ ta̤ lǒ̤꤮ bò awî̤dû̌ ta pana̤. Wî̤dû̌ htǒomî̌ Cǒmaradû̌ awî̤, a ma̤htò̌nǎkè nû̌û tûjûpwa̤ talakhǎ.

⁹ Kǒ Cǒmaradû̌, pa ǒ dě nata̤lṳhtò̌hokû. Pa gènè̤htò̌ nata̤mo̤ǐ htě ahǎbòjò tò̤ htǒo awi̤akè̌.

¹⁰ Kǒ Cǒmaradû̌, pwǐ nami̤ lṳshilṳga mè̤mè̤̌nu, kò glè htû̌sò̌ǐ cû̌pîshîto̤ nami̤ dě mǒkòtṳ, nacǔdemû htǒo aǒlǒǒbe ta ta̤cǒta̤tè̤.

¹¹ Na cèròcǒ cèròtè̤ ta̤ akhû̌akhî, Sǐowî̤phû̌ sò̌le̤sò̌lò̤ tû̌ta nî̌. Yṳ̌daga awî̤ toǒ mo̤sû̌mo̤sò̌ tû̌ta nî̌.

¹² Cû̌te̤we̤ Sǐokholo, lète̤we̤ Sǐowî̤, cû̌dǒmǎǐ hǐphû̌htò̌yî̤ la̤ǒpo̤kè̌nu toǒ.

¹³ Ma̤pûhǐ na pwe̤ǐlṳbò̌ bǎ naphû̌nali̤ nǒkò tuhtu pě ayanu, kè̌to̤mǎǐ gûla̤ la̤ǒhǔnu toǒ, cû̌sèlèkè̌ hohtanu toǒ.

¹⁴ Cǒmaradû̌ mî̌ pacǒmaradû̌ tûjûpwa̤ talakhǎ. A htû bǎ pa pwa̤yṳ̂klè̌nè̌klò tûjûpwa̤ talakhǎ pě.