Htû̌sò̌htò̌ 23 - Kawyaw RC

Cǒmara tûjûpwa̤ mî̌ pwa̤gèǐ sophû̌ awǒ

Khwǐdǎ̤wi̤ ata̤sò̌po̤.

¹ Cǒmara tûjûpwa̤ mî̌ pwa̤gèǐ he sǒsǒta kò gèǐ sophû̌. Ta̤ htě he lo̤bǎ toǒnu he nî̤bǎbò.

² A ǐhǎmoǒ he dě mi̤sǒdokhû̌. A sûcû̌ he dě shilo̤ dû̌hèsò̌do ahtu.

³ A ǐshû̌htò̌shohtò̌ heta̤htûpwa̤ akhû̌ǎ. Dě ta̤bè̌dubè̌na̤ ami̤wî̤mi̤wǒ ayanu, a sûcû̌ he ta klè̌cǒklè̌tè̤.

⁴ He cû̌to̤ dě ta̤khǐta̤lo̤ ta̤si ta̤hǎmǎ gûla̤ bǎbǎ, na ǒhtu kû̌ta he akhû̌akhî, he ǐsha dǐcǎ꤮ tò̤. Nanò̌po̤ ta nanò̌htǒ ma̤mo̤ǐ he.

⁵ Na tîwî̌tòwò lǒbe bǎ he shǎǎshǎo dě pwa̤sò̌khě he toǒ alo̤mo̤. Na plṳ bǎ hehǐkǒ ta mòû̌shi, hebalo̤ betî̌pî̌.

⁶ Ta̤wî̤ta̤wǒ ta ta̤mo̤ǐ gû mè̤mè̤̌ kû̌tû̌ he dě heta̤ǒhtûpwa̤ tuhtukòyò akû pě. He ǒ dě Cǒmara tûjûpwa̤ ahǐ tûjûpwa̤ talakhǎ pě.