Htû̌sò̌htò̌ 15 - Kawyaw RC

Cǒmaradû̌ kwi titè?

Khwǐdǎ̤wi̤ ata̤sò̌po̤ htû̌sò̌ǐ.

¹ Kǒ Cǒmara tûjûpwa̤, ûpè tapwa̤ glè hènṳ dě na ta̤lṳhtò̌hokû pè? Ûpè tapwa̤ glè hèsabahtò̌ na dě nakholocahtǐ Sǐokholokhû̌nu pè?

² Kòyònu toǒ mî̌ kòyò htě kò bè̌jòpe nû̌û ta̤sǔ tò̤, A ma̤ ta̤cǒta̤tè̤, A hî̌bǎcǒhî̌bǎtè̤ yo̤ pwǐ aǒ nû̌û sò̌phlǒkûnu.

³ A dǒ kòyòyo̤ dǐkhò̌꤮ tò̤, A ma̤sǔma̤plě asû̌akho tò̤, A ǐshoǐbě ahǐphòkòshî̌ tò̤nu toǒ hǒ.

⁴ Htohǒtò̤ kòyò htě a wi̤ja kòyòsò̌phlǒphû̌mò̤shî̌hto dě Cǒmaradû̌ wîkè asînu toǒ, Dě a bè̌dû̌bè̌htû kòyò htě a ǐsha ta bè̌dubè̌na̤ Cǒmara tûjûpwa̤nu toǒ, A bèlò̤hto ayo̤ ta a glè ma̤ tacǎcǎ dě apò̤asha pwî̌tè꤮ bǎbǎ a ma̤ mè̤mè̤̌ pwǐ a bèhtonu toǒ,

⁵ A nobǒ kû̌kò awû ta aphû̌aî̌ tò̤, Kòyòsò̌phlǒphû̌mò̤ mṳ̂ǎ nû̌û wû ta bǎ ma̤shǔ kòyò ta̤sǔǒtò̤ dě a phî̌shǔ kû̌kò tò̤. Kòyò htě ama̤ hǐnu tapwa̤nu a ǒměǒgle tûjûpwa̤ pě.