Htû̌sò̌htò̌ 149 - Kawyaw RC

Ta̤sò̌po̤ htû̌sò̌ǐ

¹ Htû̌sò̌ǐ lǒkho Cǒmara tûjûpwa̤. Sò̌po̤htò̌ Cǒmara tûjûpwa̤ ta ta̤sò̌po̤ asa. Htû̌sò̌ǐ yǎ dě kòyòcǒtè̤taayo̤ akòyò prṳ̂ho akla.

² Kǒ Israelphû̌ sî, pwa̤bǒlò̤ sînu tapwa̤ akhû̌akhî, sò̌le̤sò̌lò̤ lǒkho. Kǒ Sǐowî̤phû̌ sî, sîkhwǐdû̌ akhû̌akhî, sò̌le̤sò̌lò̤ lǒkho.

³ Htû̌sò̌ǐ lǒkho ami̤ ta ta̤kalî̌. Pla̤ cî̌ca, dǒ tǐtute̤gwe dě sò̌po̤ htû̌sò̌ǐ lǒkho yǎ.

⁴ Ma̤tè̤hî̌dě Cǒmara tûjûpwa̤ sò̌le̤sò̌lò̤ ǐtû̌ ta akòyò dě a ǐma̤pè̤ kòyò htě a shò̌lò̤ asò̌phlǒnu toǒ.

⁵ A ǐ kòyò htě a cǒtè̤tayo̤nu toǒ ta̤ma̤pè̤ akhû̌akhî, nosò̌le̤sò̌lò̤ mò̌ asî. Asî hǎmoǒ dě la̤mi̤khû̌ akha bǎbǎ, nosò̌le̤sò̌lò̤ sò̌po̤htò̌ asî.

⁶ No htû̌sò̌ǐ asî dě nopṳ̂měǐ nò̌she dě asîcǔdekû.

⁷ Dě noma̤geshǔkè, no cèròkè khlilèphû̌ toǒ ta asînu.

⁸ Asî glè coklomě khlilèphû̌ akhwǐ, khlilèphû̌ ahǐkǒdû̌ toǒ ta sǒpli̤te̤htò̌ pě.

⁹ Asî glè cèrò khlilèphû̌ toǒ pwǐ Cǒmaradû̌ hî̌lò̤hto ayo̤. Htǒomî̌ ta̤sîrîdû̌sîrîhtû tacǎ dě Cǒmaradû̌ akòyò lǒ̤꤮ bò htě acǒtè̤tayo̤ toǒ aya. Htû̌sò̌ǐ lǒkho Cǒmara tûjûpwa̤.