Htû̌sò̌htò̌ 136 - Kawyaw RC

Ta̤htû̌sò̌ǐ Cǒmara ata̤mo̤ǐ htě ahǎbòjò tò̤

¹ Cǒmara tûjûpwa̤ wǒ mè̤mè̤̌, hî̌bwǐhî̌sîrîhtò̌ lǒkho yǎ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

² Hî̌bwǐhî̌sîrîhtò̌ Cǒmaradû̌ htě asîrîpo̤phǎkhlo ta Cǒmara ahǔwa̤ toǒ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

³ Hî̌bwǐhî̌sîrîhtò̌ Běcǎ ta̤adû̌ htě asîrîdû̌sîrîhtûkhlo ta Běcǎ ahǔwa̤ toǒ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

⁴ Pwa̤ htě a ma̤jò ta̤cǒklî̌kî̌ya numî̌ pǒ̤꤮ Cǒmara pwǎ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

⁵ Cǒmara mî̌ pwa̤ htě a bǒlò̤ mǒkhû̌ ta ata̤sî̌yaphlophǎ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

⁶ A mî̌ pwa̤ htě a dalò̤ hǎkhû̌ dě shidû̌shite̤we̤kû. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

⁷ A mî̌ pwa̤ htě a bǒlò̤ lṳmṳ, la ta shǎ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

⁸ A mî̌ pwa̤ htě a nopǒǐ lṳmṳ ta lṳmṳsha. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

⁹ A mî̌ pwa̤ htě a nopǒǐ la, shǎ ta lṳmṳkhǐ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹⁰ Cǒmara mî̌ pwa̤ htě a ma̤sikèbò Egyptga phû̌wè̤pwa̤ toǒ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹¹ A mî̌ pwa̤ htě a kaǎhǎhtò̌kè Israelkhlilèphû̌ toǒ dě Egyptga. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹² A mî̌ pwa̤ htě a kaǎhtò̌ge asî ta acǔde htě asîrîshû̌sho, acû̌go htě asîrîpo̤phǎ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹³ A mî̌ pwa̤ htě a ma̤phò̌ shidû̌shite̤we̤ ginǐ̤kho. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹⁴ A mî̌ pwa̤ htě a nocû̌tûlû̌ Israelkhlilèphû̌ toǒ dě shidû̌shite̤we̤ akǎmakû. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹⁵ A mî̌ pwa̤ htě a ma̤lòcǔsi kèbò Egyptgaphû̌ ta akliphû̌ toǒ dě shidû̌shite̤we̤kû. Ata̤mo̤ǐ dě ahǎbòjò tò̤nu, a ǒgloǒmě tûjûpwa̤.

¹⁶ A mî̌ pwa̤ htě a sûcû̌tûlû̌bò̌kè akòyò toǒ ta lo̤mî̌shǒklakhû̌. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹⁷ Cǒmara mî̌ pwa̤ htě a ma̤pè̤kè Khwǐ htě a sîrîshû̌sho toǒ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹⁸ A mî̌ pwa̤ htě a ma̤sikè Khwǐ htě asîrîdû̌sîrîhtû toǒ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

¹⁹ A mî̌ pwa̤ htě a ma̤sikè Amò̌rî̌khlilèphû̌khwǐ Khwǐsǐho. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²⁰ A mî̌ pwa̤ htě a ma̤sikè Bashagakhwǐ Khwǐokǎ. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²¹ A mî̌ pwa̤ htě a ǐ Khwǐnu toǒ ahǎkhû̌ ta akòyò toǒ aya û̌cata̤bî̌. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²² Û̌cata̤bî̌ htǒo, aǐkè nû̌ûta apwa̤ma̤ta̤phû̌ Israelkhlilèphû̌. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²³ Bǎ pa khû̌ǎyû̌lò̤ mè̤mè̤̌ akhanu, Cǒmara shope̤kè nǒ pa tò̤. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²⁴ A mî̌ pwa̤ htě a ma̤lû̌htò̌ge pa dě pwa̤sò̌khě pa toǒ acǔdekû. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²⁵ A mî̌ pwa̤ htě a ǐ ta̤bǒlò̤ ta asò̌htûpwa̤ ǒ lǒ̤꤮ bò ala̤ǎla̤o aya. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.

²⁶ Hî̌bwǐhî̌sîrîhtò̌ Cǒmaradû̌ htě a pǒǐ mǒkhû̌nu tapwa̤. Ata̤mo̤ǐ htě ahǎbòjò tò̤nu, a ǒměǒgle tûjûpwa̤.