Htû̌sò̌htò̌ 134 - Kawyaw RC

Ta̤htû̌sò̌ǐ Cǒmara tûjûpwa̤

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤. Khwǐdǎ̤wi̤ ata̤sò̌po̤ htû̌sò̌ǐ.

¹ Cǒmara tûjûpwa̤ apwa̤ma̤ta̤phû̌ ǒ dě Cǒmara ahǐkû bǎ lṳmṳkhǐnu toǒ lǒ̤꤮ bò sî, hè htû̌sò̌ǐ lǒkho Cǒmara tûjûpwa̤.

² Yṳ̂htò̌cû̌to lǒkho sîcǔde gûla̤ cahtǐ dě sabahtò̌. Htû̌sò̌ǐ lǒkho Cǒmara tûjûpwa̤.

³ Cǒmara tûjûpwa̤ htě a bǒlò̤ hǎkhû̌ ta mǒkhû̌, a ǒ dě Sǐokholokhû̌ htǒotapwa̤ howi̤howǒ tû̌ta sî pě nî̌꤮.