Htû̌sò̌htò̌ 133 - Kawyaw RC

Ta̤ǒplǒǒhtu ata̤wî̤ta̤wǒ

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤. Khwǐdǎ̤wi̤ ata̤sò̌po̤ htû̌sò̌ǐ.

¹ Pṳwè̤khlilè sîtoǒ sò̌phlǒwǒ kè̌khînû̌û numî̌ awî̤awǒ, amo̤ mè̤mè̤̌.

² Ta̤ǒplǒǒhtu nû̌û hǐnu mî̌ a sǒsǒta kò yṳlò̤ htǒshi cahtǐ le̤dû̌pwî̤htû dě pwa̤lṳhtò̌ta̤hǐkǒdû̌ Aro hǐkǒlo̤. A lò̌lò̤ to̤ nû̌û khǎshû̌lo̤, to̤ dě a hǐdopo̤to̤htû agobolo̤.

³ A sǒsǒta shicashilò̤ Heramokholo dě dû̌lò̤po̤ Sǐokholonu. Bǎnu tò̤glò mî̌ Cǒmara tûjûpwa̤ olò̤ akòyò toǒ ta a glè ǐ asî ta̤howi̤ amî̌ ta̤ǒhtûpwa̤ tûjûpwa̤.