Htû̌sò̌htò̌ 129 - Kawyaw RC

Ta̤kwisaba ta Cǒmara glè shěpè̤kè bǎ pwa̤sò̌khě Israelphû̌

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

¹ Sahtò̌ dě he phijaû̌pe akhanu, pwa̤sò̌khě he toǒ ma̤jîma̤jû sala̤ he. No hî̌ gesǒmò̌ Israelphû̌ lǒ̤꤮ bò toǒ khònò̤.

² Sahtò̌ dě he phijaû̌pe akhanu, pwa̤sò̌khě he toǒ ma̤jîma̤jû sala̤ he. Asî ma̤pè̤ nǒ he dǐkhò̌꤮ tò̤.

³ Pwa̤sò̌khě he toǒ po̤lè̌po̤lǒhtòbò hewa̤te̤khû̌ lò̤kèta pwa̤htělè̤ htěklonu.

⁴ Cǒmara tûjûpwa̤ mî̌ acǒatè̤. Sǒpli̤ htě kòyòphû̌mò̤ toǒ coklomě he htǒonu, Cǒmara ma̤tṳkèbò bǎ he.

⁵ Kòyò lǒ̤꤮ bò htě a sò̌khěkhû̌khwè Sǐowî̤ toǒnu, a lò̤jû, sòwò̤gebòlè̌ tû̌ta nî̌.

⁶ Asî lǒ̤꤮ bò sǒsǒ tû̌ta mi̤dǒ dě gukhěkhû̌ nî̌. Bǎ a dû̌htò̌pwa̤htò̌ hǒtò̤ akhanu, a glè nokhwekèbò.

⁷ Kǎ yǎ dě abe tṳ tò̤tò̤, gî yǎ dě abe tṳ̂ tò̤tò̤.

⁸ Kòyò htě a cû̌klè̌ bǎnu toǒ, “Cǒmara tûjûpwa̤ howi̤tû̌ta sî, pa howi̤homò̤ tû̌ sî ta Cǒmara tûjûpwa̤ ami̤,” nohî̌ pûma̤ asî pwa̤sò̌khě he toǒ hǐnu ma̤ nî̌.