Htû̌sò̌htò̌ 128 - Kawyaw RC

Ta̤howi̤ mî̌ a ǒ dě ta̤jûle̤phî̌yo̤ Cǒmara ayo̤ ǒ hè

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

¹ Kòyò lǒ̤꤮ bò htě a ǐsha bè̌dubè̌na̤ Cǒmara tûjûpwa̤ dě a gûkû̌ pwǐ Cǒmara aklè̌aklò toǒ numî̌ a nî̤bǎ ta̤howi̤.

² Naǎnawè̤ dě na glè ǎbǎ asǎapho. Na glè sò̌le̤sò̌lò̤ ǎbǎobǎ.

³ Nama glè phû̌ǒwo̤ǒphǎ lò̤kèta sobîmṳ sǎcǒlǒ. Naphû̌mǔphû̌khû glè ǒte̤we̤bò ta nadîwa̤ lò̤kèta Olivemṳ dǒjahtò̌ plṳ̂nu.

⁴ Kòyò htě a ǐsha bè̌dubè̌na̤ Cǒmara tûjûpwa̤nu a glè nî̤bǎ mè̤mè̤̌ ta̤howi̤ hǐnu.

⁵ Cǒmara tûjûpwa̤ ǒ dě Sǐokholo dě a howi̤ tû̌ta na nî̌. Na kè̌shǐ Yerǔshèlèwî̤ ata̤wî̤ta̤wǒ tûjûpwa̤ pě nî̌.

⁶ Na kè̌shǐpo̤ tû̌ta nali̤ pě nî̌. Ta̤ǒmo̤ǒkwǐ ǒkû̌ tû̌ta Israelphû̌ pě nî̌.