Htû̌sò̌htò̌ 125 - Kawyaw RC

Cǒmara ma̤kwaǐ akòyò

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

¹ Kòyò htě a nǎla̤ǐ pǒ̤꤮ pwǎ Cǒmara tûjûpwa̤ mî̌ alò̤ta Sǐokholo. A guyṳ nǒ dǐkhò̌꤮ tò̤, a ǒměǒgle tûjûpwa̤.

² Pwǐ kholo toǒ ǒte̤we̤bò Yerǔshèlèwî̤nu, Cǒmara tûjûpwa̤ ǒpo̤ te̤we̤lṳ̂ akòyò toǒ sahtò̌ khònò̤htǒo tǒ̤hè tûjûpwa̤ talakhǎ.

³ Kòyòphû̌mò̤ toǒ glè pǒ sělějò nǒ kòyòcǒkòyòtè̤ ashiaga tò̤. Asî dè pǒǐ hî̌mî̌, kòyòcǒtè̤ ana̤sana̤ glè ma̤bò lǒkho ta̤phû̌mò̤shî̌hto.

⁴ Kǒ Cǒmara tûjûpwa̤, ma̤bwǐma̤sîrî ma̤mo̤ma̤wǒ kòyò htě awǒ, asò̌phlǒ cǒtè̤.

⁵ Kòyò cû̌ dě klè̌sǔklè̌bǎ akû toǒ lè̌dě, Cǒmara tûjûpwa̤ glè wṳ̂hǎhtò̌htu kû̌bò asî ta pwa̤ma̤ ta̤phû̌mò̤shî̌hto. Sî Israelphû̌ nî̤bǎ tû̌ta ta̤ǒmo̤ǒkwǐ nî̌.