Htû̌sò̌htò̌ 123 - Kawyaw RC

Ta̤kwisaba ta ta̤sò̌yṳgwèbǎǐ aya

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

¹ Kǒ Cǒmaradû̌, pwa̤ pǒǐ ta̤ dě mǒkhû̌, he kwisabahtò̌ ta̤ dě naǒ.

² Kǒ Cǒmara tûjûpwa̤ a mî̌ pacǒmaradû̌, pwǐ pwa̤ma̤ta̤ma̤phû̌ tapwa̤ nǎla̤ǐ aběcǎnu, pa nǎla̤ǐ Cǒmara tûjûpwa̤ a mî̌ pacǒmaradû̌ to̤꤮ htû̌ na gwèbǎǐ pa.

³ Kǒ Cǒmara tûjûpwa̤, kò ma̤sòwò̤ gènè̤pî̌tî̌꤮ mè̤mè̤̌ pa akhû̌akhî, khòsò̌do gwèbǎǐ mò̌ pa.

⁴ Kòyò bè̌htò̌yî̤ asò̌phlǒ toǒ pi̤jishǐcǒ pa. Kòyò htě a phî̌htò̌yî̤ ana̤ toǒ ma̤sòwò̤ gènè̤pî̌tî̌ pa.